دورت وايد نفس مشكلتي ما حصلت ساعدوني خواتي اللي متزوجة من 15 سنه

[ام البنانيت]

بصراحه هاي مشكله جارتي وأختي بعد أحاول أعيش نفس موقفها بس ما قدرت التعايش ونفس الوقت ما احب أكون سبب في خراب بيتها قلت أحسن حل أخذ أكثر من رأي . المهم هي متزوجة وصار لها 15 سنه متزوجة يعني عمر ودهر عندها ما شاء الله عيال زوجها يحبها على قولتها وهي تزوجته على قصه حب عاد حب مال اول مب الحين وتركت مدينتها دبي وعاشت في منطقه نائيه عشان تحبه مهم زوجها فيه أكثر من عيب أولا مش دارس يعني ثانوية وهي مخلصه ماجستير وثانيا تشتغل في وطيفه وراتبها أحسن عنه بوايد وين مشكله مسكينه عايشه وياه 15 سنه وهو يخلونها يمكن 100 مره أو أكثر حتى وصلت وياه يخلونها مع صديقتها المقربه وتقعدت مسكينه وكرهت ترابع اي صديقه من 15 سنه وكل مره تضارب وياه وتهجره يرجع يتأسف ويرجعها وفوق هذا كله خلها تأخذ له سلفية كبيره وما رضى يسد عنها وهي تتحمل كل الأوساط وكل مره يعرض عليها مشروع شراكه ويوم. تدخل وياه ما يصير كم شهر وإلا قال مشروع ما. استوى. وبيزات صرفهم وفوق هذا كله تخيلوا من 15 سنه عمرها ما سافرت مثل الناس كله يقوله لها ما عندي أو سافري ويه خواتج حتى مصر فها الشهري عمره ما عطائها ولا ريال يقول يا الله اقدر اصرف على عيالي من عرفته وهو كله مديون ما اعرف وين يؤدي بيزاته عيزت وحاولت ألف ألف مره تغيره ما في فايده الشي وحيد زين اللي فيه ما يشرب ولا يدخن ومحافظ على صلاته وأهله وايد زينين بس ما يخاف من احد فيهم هو الكل في الكل حاليا تعبت خلاص منه مش قادره تكمل وياه أكثر عن مره عياله شافوا صور في تلفونه ويعرفون عن خيانته حتى ما قاموا يحترمونه بالله عليكم هذا أبو يقتدى فيه شو رأيكم أبه آراء البنات اللي مكملين مده طويله في زواجهم لو كنتي مكانها شو بتسوين على الله احصل حل يريحها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملكة الاحاسيس]

حلها اما تكمل او تتطلق اعنقد مافي حلول اخرى بس هل جربت تكلم اهلها يكلمونه بس اعنقد 15 سنه خلتها تتاكد انه مارح يتغير

استشيرو اصحاب علم افضل

[Unkonwn]

طبعا بيزااتها بيصرفها على البنات و العشيقات .. هالشي وايد يستوي و مب نادر ومعروف ان وايد رياييل يوهمون حريمهم بمشاريع وانها تفشل واساسا سلفيات الحرمة و بيزات هالمشاريع الوهمية ياخذها الريل عسب يدلع البنات .. ويوهمهم انه واحد راهي وهو مستواه داون.

[عنق الدمني]

الحين هي صابره 15سنه ويابت عيال منه وتدري بخيانته من زمان ماشتكت منه وصابره عليه والله فيها الخير صابره عليه ... تصلي صلاه الاستخاره اذا هي مادخلت هلها من البدايه في حل مشاكلها واستحملت كل هالسنين اتوقع هلها بيقولون اصبري عليه مثل ماصبرتي ونصيحه مني لج لاتخلين ريلج يتسلف منج ،لانه بيعتمد عليج وشكله معتمد عليج من كلامج وافضل تفتح حساب ثاني وتوفر فيه مبلغ للزمن ترا الريايل مالهم امااان والسموحه

[A+k]

يعني تطلق عقب هالعمر.

خل تتحمله عسب خاطر عياله والله يهديه

[الأحلام الملونة]

أهم نقطة توقف صرف

ومسأله الخيانة ليس لها حل بعد صبر 15 سنة غير الطلاق أو تقبل بلآمر الواقع وتدعي لعل الله يهدية

[اغلى مواليفي]

15 سنه وهالانسان ماتغير وماوراه غير الهم والمشاكل

يعني لا وفي معاها ولا معامله زينه ولا صرف وعلى ها ياخذ منها فلوووس وساكته

بعد البيزات الوحده تقدر تقول ماعليه وبسكت اما الخيااانه المفرووض الوحده ماتسكت عنها من اول مره مب معناته انها تطلق لكن ادور لها حل وتوقفه عند حده من البدايه


خل تستخير رب العالمين ولو طلاقها شر لها الموضوع كله بيتوقف ولو خير بيتيسر

لازم تتصرف ترد بيت اهلها او تقوله بطلب الطلاق او تسير عند المصلح الاجتماعي معاه لان يوم الحرمه تسكت ع الخيانه ومايكون لها رد فعل يخلي الزوج يخاف انها بيخسرها راح يكون عنده عادي وبيخونها الف مره وهو واثق ثقه تامه انها ماراح تطلب الطلاق وتحبه وبتصبر عليه

لاازم ادور حل الحيين قبل مايفوت الاوان لان حريم قالو بنصبر وصبرو وصبرو لكن الريل ما اعتدل ووصلو مرحلة مب قادرين يعيشون اكثر وطلبو الطلاق لكن بعد ماكبرو العيال وصار ماعندهم لا حضانه ولا سكن

الله يهديه ويصلحه ويسخره لها ولعيالها

[ام البنانيت]

مشكورات خواتي على تفاعلكم بموضوعي وأتمنى احصل مزيد من الآراء

[ملكة الاحاسيس]

اي اراء اختي ؟ تصدقين احس حياتها بتكون بكف ميزان ان كانت الاراء مع او ضد وعلى اساسه بتقرر
انا برد اكلمج ثاني مرة بهابموضوع بني حطيت محلي مكانها

15 سنه وعيال اعتقد كبرو وهم شايفين وضع الام كيف
انا لو مكانها اشاور عيالي ... لنهم ضمن الحسبه اتخذ قرار يعد ماناقش عيالي
وشوف رده فعلهم بحاله طلببت طلاق او صبرت

تاخذهم على جمب تسالهم ماما هل بتزعلون لو انا وبابا انفصلنا
هل تريدون تشوفنا مع بعض اي سؤال تساله مو شرط اسئلتي


ولازم تسال نفسها قبل الطلاق

لني دايما اقول وضع الام المطلقة صعب جدا وجدا صعب
مجتمعنا مايشجع تكونين ام بدون زوج
صعب جدا الا لو كنتي تملكين بيت وعمل يعني ضمانه حياتج ماتتغير وتنذلي للناس والاهل

اما لو بتتطلق الحرمه وترد لنحاسه الاهل البعض طبعا
ومعايره الحريم
وتطلق بعمر كبير شوي احسها صعبه غير لما تنفصل وهي خلاص متيقنه
من نفسها ومن عيالها

للامانه انا اتكلمت وكاني بمكانها ...وقراراتها بتكون صعبه
لا دوام زواجها بيريحها الا في حاله انقليت صنم
ولا طلاقها وتشتت اسرتها راحه


الله يقويها

[أحلام علي]

في حل اكيييييييييييييييد في حل

بس قبل لاتبدا فيه خل تبدا بنفسها

من هيئتها لشخصيتها

[ام البنانيت]

مشكوره أختي ملكه الأحاسيس وايد عيبني رايج مول ما حسيت في بالي نأخذ رأي العيال وصح هم كبار في سن المراهقة الله يعطيك العافية بس مشكله ريلها يجن يوم تطلب الطلاق ويخاف انه يخسرها يتم فتره ما شي أحسن منه وعقب يرد على سوالفه السابقة ودوم يقول لها انه مستحيل يتزوج عليها رافض فكره الزواج بتاتا بس يقول مريض مرض الخيانة ما يعرف كيف يطلع منه

[بهلولة]

لو مكانها كنت انفصلت عنه
حتى لو انفصال مؤقت

[ملكة الاحاسيس]

والله حتى لو تزوج ثنتين ثلاث بيظل هالطبع الخايس فيه ةاصلا هذا مايقدر يتزوج لنه مايبي يتحمل عيال وبيت
شوفي الاكيد وصدقيني الشخص الي يحب مستحيل يخدش حبه ويجرح الانسان وسطعنه بسكين الخيانه
مرتين وثلاث

فيه طريقة ثانيه تخليه يخاف بس اخاف هالطريقة تخليه يشك وبقوة فخليني اسكت افضل لي

او ممكن تستخدم سلاح العيال بمكر

[الأحلام الملونة]

ما جربت يفارق البيت وتقوله كونك ما قادر علي فراق الخيانة فارقنا ما أريد عيالك يقلدوك وهم بسن مراهقة

تجرب يبتعد عنهم ويتمرمط ويتبهدل ويشعر بفرق بين الآستقرار مع حرمة موفرة له كل سبل الراحة

والحياة بدونها ويعيش لنزواتة وانا علي يقين رجل بعد زواج 15 سنة لا يستطيع العيش بروحة هذا الرجل من فصيلة الآزواج الآنانين

تبقي زوجتة التي لا يستغني عنها وعايش حياتة خارج البيت ---

تجرب لعل بعدة عن البيت يفوق لكن البقاء علي الوضع الحالي ليش يتغير كون لقي راحتة داخل البيت وخارجة ---

[ملكة الاحاسيس]

بالضبط بالصبط الاحلام الملونه قالت كلام كثير واختصرته بشكل جدا واضح ♥
هو مامحصل تهديد ... عاجبه الوضع
انا كان اقتؤاحي شي اخر تماما بس اقتراحها اسلم بكثير