ولدي والنوم

[ضي العيون..]

السلام عليكم ورحمة الله

بدخل بالموضوع وان شاءالله تساعدوني ...
ولدي الله يحفظه عمره سنه وثلاث شهور مشكلته بالنوم ...يعني مستحيل يواصل لحد الصبح ...طول الليل احسه مضايق من شي واحيانا يصرخ من نومه
وكل شوي حليب رغم اني اعشيه الساعه 7 او 8 وقبل النوم يشرب الحليب ما ادري شو المشكله ولا هو طبيعي ...لاني لاحظت اطفال بعمره يواصلون النوم لحد الصبح ومره وحده يشربون الحليب ...؟؟ وعندي سؤال ثاني شو انواع الاكل المناسب بعمره ...وهل الطفل بعمره يحس بالوحده بدون اطفال ..؟؟ رغم اني احاول العب وياه ..,,انتظر ردودكم ويعطيكم الف عافيه يارب .

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أبل7]

يمكن انج تخلينه راقد في النهار لساعات طويله

أو يمكن يكون جوعان ما شبع لانج تعشينه الساعه 7 أو 8

[احلى بعفويتي]

جوفي عشيه عيش وروب مثلا
سندويجات جبن بالزبده ..
توتست بالبيض ..

عقب نص ساعه او ساعه عطيه قطع فواكهة صغيرا ..
عطيه خياره يمصمها او طماط ..

وقت الرقاد عطيه مصاصه بس عشان ينام
وعقب ساعة عطيه حليب

يمكن جي يحس عمره شبعان ..
لا تعطينه وايد ماي وقت العشا لان الماي يشبع بعدين يوعون ..

واكيد يحس بوحده فديتا ..
انا بنتي اكبر عنه بكمن شهر تتخبل في المول يوم جوف اطفال تم تراكض وراهم دادا داداه فديتها تبا حد يلعب وياها
جربي تحملين يوم يكمل سنتين

[bnooota]

وحلييله حبيبي
حبيبتي شكله الياهل الاول عندج وروحه في البيت
خليه يلعب مع يهال كبره و كول الوقت عطيه في ايده خيارة و لا تفاحة ياكلها (شيلي القشرة طبعا) لا تخلينه ينام العصر الظهر بس لان النوم مفيد لهم
هلكيه العصر باللعب و الركض في الحوش و مع الدياي لو عندكم وايد يحبونه اليهال
جريب المغرب سبحيه و اكليه شوية و على الساعة 8 و نص
سويله حليب مع سيريلاك رقم 3 و استخدمي المرضعة الكبيرة (250 مل) و إن شااء الله ينام ملء جفونه

و عادي يقوم فليل يطلب حليب بعد سويله و غيريله الحفاظ لانه يضايق حتى لو مبلول شوية
و الله يحفظهم لنا

هيه نسيت - قبل النوم شغلي له قران شوية (حافظي على سورة معينه ما تكون طويله وايد)
يعني كل مرة بينام خلاص على الساعة 8 و نص و لا 9 المهم قبل النومة الكبيرة حطي هاي السورة و بنجوفين كل الخير

[روضة ..]

نفس مشكلتي وللاسف الحلول اللى طرحوها البنات كلها نفذتها وما فادت :s

ولدي عمره سنة وثلاث شهور ماشاء الله عليه شاطر وذكي وحبوب واجتماعي ونشيط طول النهار ..

بس من يرقد طول الليل يقوم يصرخ بطريقة غريبة ويصيح يبا يشرب حليب .. ما يرقد متواصل ابدا

بالنسبة لاكله انا وايد مهتمة باكله طبعا ياكل اربع وجبات اساسية واربع وجبات فرعية مابين شيبس وفراولة وروب ( طبعا اكله مشكل وكله صحي )

ووقت النوم اسبحه بماي دافي وادهن جسمه بزيت زيتون واشغل الرقية الشرعية وسورة الملك طول الليل تعيد على راسه ( تصدقين لو بندت القران يتم يصيح )لازم يرقد على صوت القران ...

زودت كميه الحليب صرت اعطيه 180 مل طبعا هو ما يشرب الكمية كاملة .

بس مشكلة الصراخ والنوم المتقطع مستمرة الموضوع متعب

[ضي العيون..]

بالعكس فالنهار ما يرقد وايد يمكن ساعتين او ثلاث.
الخيار ولا مره عطيته اخاف يبلعه
وان شاءالله بتبع الي قلتوه يعطيكم الف عافيه ع الردود

[ضي العيون..]

هيه هذا اول ياهل وما عنده احد قده كلهم كبار جي 6 سنوات ودوم احاتي اخاف من الوحده بس بالعائله في يهال قده بحاول بين كل فتره
اوصله يلعب وياهم

[احلى بعفويتي]

اذا الخيار تخافين تعطينه ..
لا تعطينه يمكن هو يقضم حبه عوده او شي جي ..
بس عوديه ع انه يمص الفواكهه شوي شوي بياكل الفاكهة بروحه وهو يلعب

[سحابة صيف1]

انا كنت اعاني شراتج

لكن عرفت شقايل اتصرف بنفسي لاني تعبت كل حد كا يقوللي شي

ولدج رقديه العصر 40 دقيقه بــــــــــــــــــــــــــــــــــــــــس واذا ما ترقدينه بعد احسن لكن بيدوخ فالليل وبيرقد من وقد وبينش من وقت
ف الأفضل انج ترقدينه لكن باعتدال

لا تقولين حرام في رقاد ... لازم شوي تتعبين عشان تعدلين نظام رقاده

وخلي عشاه عقب صلاة العشا لكن مب معناته انه يتم يوعان طوووول هالفتره

لا عطيه مثلا كيك العصر وع المغرب شوية فواكه

وعقب ما تعشينه خليه يلعب اليـــــــــــــــــــــــــــــــــــن الساعه عشر وقد ما تقدرين حاولي يتم ناش لكن ما تتعدين الساعه 11

وعقب حطيه فالسرير وعطيه الحليب ولا تشغليله اي نوع اضاءه فالغرفه لانه الاضاءه ما تريحهم فالرقاد

شوفي متى بينش بس طبيعي اذا نش ع الفجر يبغي حليب لانه انتبه وكيف بيرد يرقد غير بالمرضعه

والله يخليلج اياه ان شاء الله واتمنى اكون افدتج انا بهالطريقه عدلت نظام بنتي والحين عمرها سنتين وشهر وبعدها ماشيه فيه لانه مريح

واهم شي انها مريحتني الله يخليلي اياها

[زينة التقوى]

بالاضافة الى المعلومات اللي اعطوك الاخوات
قبل لاينام ابني ارقيه باذكار النوم واقرئي عليه اية الكرسي والمعوذات
وعليك بهذا الدعاء دائما حصني به ابنك حتى بالنهار
اللهم اني اعيذه بكلماتك التامة من كل شيطان وهامة ومن كل عين لامة

[عطر رومانس]

نفس مشكلة بنتي بالضبط بالنسبةلعشاها وايد مبجر عشيها على التسع اما بالنسبة لنومها فما اقدر افيدج لاني اعاني من نفس المشكلة