جامعة حمدان بن محمد الالكترونية - بغيت مشورتكم حبيباتي

[Ocean's Heart]

السلام عليكم حبيباتي... عساكم بخير وسهاله...

الموضوع انطرح كذا مرة فالمنتدى .. بس ما استفدت لانه الموضوع كان جديم وقله كانوا يعرفون عن جامعة حمدان...

انا اولريدي مقدمة اهناك واموري تمام ولله الحمد... بس بعيت مشورتكم عن عدد المواد اللي لازم اخذها.. انا قادمت على ماستر في الابتكار وادارة التغيير ومفكرة كل كورس اخذ 3 مواد.. وكل حد يقولي شي.. اللي يقولي 3 وايد خذي 2 واللي يقولي لا 3 عادي ..

فبغيت اعرف من اللي كملوا دراستهم اهناك شو رايهم فالدراسة هل شي وايد بروجيكتات وامتحانات ؟؟

هل 3 مواد يعتبر وايد بالنسبة لوحدة متزوجة وعندها عيال و موظفة فوق ها كله؟؟؟

هل نمط او طريقة التدريس اون لاين مفيدة وممتعه وله ؟؟؟

انا ابا اخلص الدراسة خلال سنتين .. يعني كل سيمستر 3 مواد .. بس محتارة ويا ريت تفيدوني ..

ويزاكم الله خير

المزيد من آخر المواضيع من نفس القسم:

• تنفيذ بحوث لطلاب الجامعه
• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ocean's Heart]

للرفع

[Um Shai5h]

بالعكس لو انا مكانج بنزل المواد المسموحه عشان اخلص بسرعه واكيد اون لاين احسن لج واريح- مب وايد 3

[ذوق**]

السلام عليكم
هلا إختي بس هل هي معتمده ؟؟

[Ocean's Heart]

هيه اختي هي معتمدة من الدراسات العليا .. بس فالدولة ... فاللي تبا تكمل الدكتوراه برع البلاد انصحها بجامعات ثانية ... وتقدرون اتدشون موع الدراسات العليا واتشوفون الجامعات المعتمدة بس تاكدوا انه التخصص معتمد بعد..

لانه في بعض الجامعات معتمده بس التخصصات اللي فيها مب معتمده

وللرفع

[al eisaei]

هيه اختي هي معتمدة من الدراسات العليا .. بس فالدولة ... فاللي تبا تكمل الدكتوراه برع البلاد انصحها بجامعات ثانية ... وتقدرون اتدشون موع الدراسات العليا واتشوفون الجامعات المعتمدة بس تاكدوا انه التخصص معتمد بعد..

لانه في بعض الجامعات معتمده بس التخصصات اللي فيها مب معتمده

وللرفع

[Pheno-m-enon]

أنا خلصت ف سنة و نص بس أنا مب معرسة
معظم اللي ويايه كانوا معرسات و يداومون و عندهم عيال و خذوا ٤ او ٣
أكيد الضغط اكبر.. بس يعتمد متى تبين تخلصين و لو تبين تخلصين اسرع ^_^

[شكواي لله]

السلام عليكم ممكن الغاليات تعطونا فكرة عن ها لجامعه وكيف الدراسة فيها يعني نبذة عنها

[ساحره العين]

عندهم باجلر فجامعه حمدان ولا بس مختصه للدراسات العليا

[maryam nasib]

نصيحة مني... وانا طالبه عندهم ف نفس تخصصج وعندي عيال وريل وبيت ودوام...
اذا تبين معدل ممتاز جدا يعني تتخرجين بامتياز اقل شي.. خذي مادتين فقط.. لانهم كل اسبوع عندهم لج شي تسوينه..
البنات اللي يقولون عادي ماجربوا هالشي ويظنون ان الاونلاين شي بسيط.. لا فديتج دراستهم وتدقيقهم مثل كليات التقنية بالضبط ما حسيت فيه فرق.. ويحاسبون ع الاتندس..
انا اللي وياي ضغطوا على اعمارهم وخذوا 3 كورسات والحين بيتخرجون او تخرجوا بس معدلاتهم كانت وسط.. لكنهم خذوا الشهاده..
انا هالكورس اللي بيي اول مره بجرب ال3 كورسات.. غصب عني عشان اتخرج.. وبنصيحه من الادفايسر مالتي..
اذا كان دوامج يخلص قبل ال3، جربي اول كورس تنزلين مادتين.. واذا حسيتي عمرج ترومين ع ال3 نزليه في الكورس الثاني.. بس اذا دوامج طويل لين ال4 او ال5.. ابدا ما انصحج تاخذين 3 كورسات..
والجامعه سنة عن سنة تصير اصعب عن اللي قبله.. اول السنوات كانت تبي طلاب.. عشان جذي كانت تتساهل في وايد امور.. لكن الحين بعد سنتين دراسه ونص معاهم.. اشوف وايد تغييرات قاعده تصيير وقوانين تنحط وتصعيب في الامور.. الدراسه حلوة وسهله وخاصة هالتخصص تفهمينه.. بس التاسكات والاساينمنتات واااايده.. يبالها وقت..
وعن تجربه انا صرت اقضي عطلة نهاية الاسبوع على هالسوالف.. يعني حياتي الاجتماعيه صارت شبه معدومه.. بس الحمدلله على كل حال كل هذا في سبيل العلم..

والله يوفقج

[love rak]

أنا الي اعرفه التعليم الالكتروني غير مقبول

[maryam nasib]

أنا الي اعرفه التعليم الالكتروني غير مقبول

الالكتروني غير مقبول من اي جامعه اخرى ما عدا حمدان بن محمد الالكترونية
هذي جامعه معتمده ومعترفه من وزارة التعليم العالي والبحث العلمي...
انا بنفسي كلمتهم وشفت موقعهم وخبروني

لكن الشهاده ما تنفع انها تكون عالمية.. يعني بس تستخدمينها في الامارات.. حالها حال شهادات جامعاتنا

[موناليزا~]

هالجامعه فيها دبلوم ؟؟

[وناس]

السلام عليكم مستعدة لإعداد المشاريع العلمية والتقارير والبحوث والمجسمات واللوحات وعروض البوربوينت لطلبة وطالبات المدارس والجامعات والقيام بأعمال الترجمة والأنشطة الجامعية مثل الواجبات والملخصات والتقارير والمهمات والأبحاث على أعلى مستوى من الدقة والشمولية بأسعار معقولة ووقت مناسب وغيرها ت / 0569563320

[% الكاذي %]

للرفع