انسب وقت للعمره بدون زحمة

[كل الرقة]

كل سنة فيه شهور خاصة محد يعتمر فيها غير هل الخليج ..شهر محرم وشهر صفر الى نص ربيع الاول

ادعولي يا بنات ربي يسرلي كل سنة اعتمر

كلام اختي صح ,, يعني لاتحسبون بالشهور الميلادية,, احسبيها بالشهور العربية ,, صفر ومحرم مافيهن زحمه,,
الله يرزقنا اجمعين بعمرة كل سنة يا رب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عطر 77]

انا سرت من اسبوع والحمد لله مافي زحمة أبد . كلهم خليجيين

[ابتســــــم]

اختي بما اني من مكه انا دايما اشوف شهر محرم على نهايته وصفر وربيع الاول يكون دايما مو زحمه لدرجة انو يمديك تطوفين حول الكعبه قريب جدا وتتلتصقي بالكعبه وخاصه من بعد الساعه 8 الصباح الى الساعه 11 وبعد الظهر يكون الزحمه جدا خفيفه وبعد الساعه 12 في الليل وكمان وسط الاسبوع مره يكونو الناس قليل عشان المدارس والدوامات واحنا اجازتنا الاسبوعيه كل جمعه وسبت فالناس الي من داخل السعوديه يجو من الخميس فيكون الخميس والجمعه والسبت زحمه فاذا جيتي اختي روحي في ذي الاوقات الي كتبتها لك وكمان بسهوله يمديك تصلين بالحطيم انتي وعيالك بدون مضايقات او خوف من ضياعهم من الزحمه اما العصر والمغرب جدا يكون زحمه..اما ربيع الثاني الاغلب يبدا ينفتح العمره للخارج اقصد لغير الخليجين اما الخليجيين دايما طوال السنه يكون لهم الدخول متاح مو زي الخارج ..اسال الله ان يسهل امرك وييسر لك عمرتك وترجعي للامارات وانتي مبسووووطه..
اتمنى انك فهمتي علي..اذا عندك اي استفسار راسليني على الخاص وانا بالخدمه..

اختك وفاء

[احلى الايام]

انا توني راجعه مناك زحممممممممممة لدرجة كنا نصلي على الصبية غير صدعة اليهال لان من الدول البعيدة يجيبون عيالهم معاهم كلهم... الثلاثاء ماكان شي زحمة بس من بعده صارت زحمة وماشي مكان تصلين لان الحرم اغلبه تعديلات .. انا ما انصح حد يروح دام التعديلات بعدها لان بعد اصوات المكاين تشوش عالمعتمر .. لكن اذا تبون تروحون روحوا شهر واحد يمكن تخف الزحمة..
انا سكنت في الهيلتون مجابل الحرم واحسن الواحد يسكن قرب الحرم مثل الهيلتون وزمزم وفيه واحد اعتقد كان اسمه التوحيد ..

[ام حتومي]

مكه الحين طول السنه زحمه اول كانت من شوال لذو القعدة فاضيه الحين ماشاءالله زحام طول السنه

مع انه برمضان اللي فات واللي قبله جاتنا رسائل من الدفاع السعودي اذا تأجل العمره بسبب الزحام كثير أعرفهم مااعتمروا الا بعد رمضان

[راعية الناقه]

شهر 12 او 1
في شهر 1 ماشي زحمه عشان دوام المدارس

[تيمون وبومبا]

هالوقت الحين اذا تبين تعتمرين على راحتج روحي من الأحد لين الأربعاء لانه الخميس تبدأ الزحمة لانه الجمعه والسبت إجازة السعوديين بشكل عام من شهر 12 الين 2 تكون الزحمة أخف

[Sarahals]

اول شهر 1

[مريم حمادي]

شهر 3 انسب وقت للعمرة و ما بكون في زحمة

[استغفر الله..]

حبوبه انا السبت راده من العمره
والزحمه مش طبيعيه ابدا جنه فالحج
نحن كل سنه نسير ف شهر 12 مايكون فيه حد الا الخليجين لانه يكونون مسكرين موسم العمره حق الذؤل الاخرئ
بس هالسنه فتحولهم وووالله انصدمنا من كثرهم
يعني زحمه بشكل فضيغ والله فالمدينه ومكه !!

5 سنوات ورا بعض نسير عمرنا ماشفنا زحمه جيه !

[استغفر الله..]

وخلاص الحين لين موسم الحج بتم الزحمه جذيه مابتخف
عقب الحج سيري بيكؤنن شي شهرين مسكرين عنهم وعقب من شهر 12 بيردون يفتحولهم

متعودين من خمس سنوات كل شهر 12 نسير
بس السنه اليايه ان كان لنا عمر الوالد قال بيهؤن عن شهر 12 وبنسير قبل من الزحمه الي شفناها ههههه

[ياقوتةخضرا]

انا اللي سمعته في محرّم ما شي زحمه

يا رب لا تحرمنا من زيارة بيتك الحرام

[ام حتومي]

الحين هذا الثلاث اسابيع اختبارات نهايه السنه ممكن تحصلون الحرم فاضي

[كتكوتة حبيبي]

بروح الاسبوع الجاي و زعلانه من زوجي ليش حجز
فتحت التلفزوين على قناة القرآن من الحرم وايد زحمة وايد وايد بشكل مش طبيعي ربي يعينا

[ام محمدميمو]

اول كان فترة العمرة محدودةاما الان مفتوحة طوووول السنة بس في فترة خاصة للخليجين اخر شهر 12 الى 15 صفر وحاليا عندهم اختبارات السعودين وازحمة تكون يوم الاثنين والخميس والجمعة والسبت من بعد الساعة عشرة الليل تخف الزحمة وفي الصباح وبعد الظهر