مكان العرس

[نفحة امل]

مسالخير ، بناات انا ماخذه واحد ساكن فمنطقه بعيده عنا وهو حاب يسوي العرس ف مدينتهم وانا اباه صوبنا

المشكله ان منطقتهم مب متوفره فيها وايد صوالين وماعرف فيها شي
وانا زهبتي ع قدي ، انتو بنات وتعرفون كيف الماكييرات غاليات

وحتى لو بتعدل وبروح ، الدرب بعيد وانا عروس

كلمته وايد و فكل مره نتزاعل ، استخدمت وايد اساليب ومانفع

ماحب ادخل اهلي بالسالفه وادري لو بطلب منهم يتدخلون مابيسوون لي شي


شورن علي بنات

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Ahlami101]

ياليت وحده من الأخوات الماكيرات تساهم ويا عروستنا وتسير لها مكان العرس
والله يالغاليه لو اعرف أسوي ميكاب عرائس كنت ييت لج القاعه وشلت عنج هالهم
لكن مابيدي حيله بدعيلج من قلبي الله ييسر لج امرج هذا

[أبل7]

في وايد بنات أعرفهم يوم يعرسون يتعدلون ف العين حليلهم ويكون زواجهم ف بوظبي

وبعضهن يدورن ع الصوالين الزينة ف بوظبي ويحجزن فيها

أو خلي حد من الماككيرات اتعدلج ف القاعه مثل ما قالت الأخت أحلام
الله يتمم لج على خير

[Meerah_Bin_R]

اذا ما ودج تزعلينه و ما ترومين تقنعينه .. دوري لج ماكييرهـ و ارضي بـ الي يباهـ

الله يتمم لج على خير و يسعدج

[الغــــــلا]

هو المفروض انه العرس يصير في منطقة العروس .. أو تكون في منطقة قريبة للاثنين ..
بس اذا ماقدرتي تقنعينه .. شوفي لج ماكيرة اتيج القاعه بس ﻻزم بتزيد بحجة انها تضرب خط وتكون برع الصالون ..
قوليله اذا مب راضي خلاص زيدني شوي حق مكايجج .. ههههه
يعني انتي اورلدي عندج بس اذا نقصج يعطيج ..
وربي يتمم لج على خير حبيبتي

[supeer girl]

خلو العرس بمنطقه بنصكم ،، يعني لا منطقته ولا منطقتج علشان محد يزعل
او مثل ماقالت الاخت تقوليله يزيدج بيزات للماكيره اذا نقصج
وفهمي ريلج بالوضع اصلا حتى المعازيم بيستبعدون المكان ومابيروحون يعني لو صار صوب اهل العروس احس معازيم اهل المعرس مابيحضرون والعكس

فلو تحطونه فمنطقه بنص منطقتكم يكون وايد احسن

وربي يتمملكم على خير ان شاء الله ^^

[بنت زاايد]

كثير من مكيرات ايون لج لين الصااااله..

ربي ايسر امووور زواجج ويجمعكم على المحب والالفه والسعاااده طول العمر فالدنيا والاخررره يااااارب

[بائعة الزهور]

الله يسهل عليج يارب

[أحبكـ يا ربيـ]

قولي بان الماكيرة اذا بتجيج القاعة بيكلف فوق 5000 درهم

[أم شواقي ،،]

انزين خبرينا وين مكان العرس عسب نرشحلج أسامي الماكيرات فالمنطقه

[الأصالة]

الله يتمم لج على خير يا رب

[عروس يديدة~]

كتبيله مسج قوليله مستحيه منك بس مضطره اقولك لاني مالي غيرك ابا زياده حق الماكيره لانه طلبت وايد بسبت المنطقة البعيده

ما بيردج ان شا الله لنج عروسه

[ماسة ورد]

ماله داعي اختي تكدري على حالك و تكدري عليه ما اشوف مستاهل الموضوع اهم شي حياتكم بعدين وين ماكان العرس
بس قولي له يزيدلك حق الماكييرة يعني مثل ما تنازلتي هو بعد يتنازل و يزيدلج و اذا لا شوفي حد من اخواتك او اخوانك يساعدونك بس اهم شي ابتعدي عن المشاكل قبل عرسك
و ربي يسعدك

[Pheno-m-enon]

المعروف العرس ف مكان العروس.. عيب العروس تسير مكان الريال!

[بنت الشوامخ]

بصراحه العرس عند اهل العروس يكون معروف هالشي ومب من حقه يزعل
اذا عادي وفي مجال الاهل يكلمون ريلج او تكلمين امه زين عشان يقتنع

بس اذا ريلج زعول وعصبي ومايحب نهائيا تدخل الاهل فشو تسوين الله كريم سوي ف منطقتهم
والمكياج احجزي لج ماكييره اتيي صوبهم