هم بقلبي

[جرح الزمن1]

السلام عليكم
كتبت لان قلبي ما تحمل يشيل ابا افضفص اختنقت والله قلبي يعورني قد ما يشيل قلت خواتي في المنتدي بيسمعني وينصحني
خواتي انا كتبت قبل موضوع عن امي ما تحب تستقبلني. البارحه سرت عندهم مع اني اسير بالشهر مرتين البارحه ريلي اصر اسير لانه بيتاخر واهل ريلي بعيد وايد قلت يالله بسير المهم سرت ازهب العشا وولدي كان بالصاله يلعب شات الكورة على ابوي ابوي تم يصارخ من زيغه ركضت تحريت في شي ابوي تم يقول الله يلعن اليوم اللي شفتك فيه وان شاء ما اشوف غيرك ياهل ولدي عمرة سنتين الولد من الزيغه ثبت في مكانه سكتت وسحبت ولدي وقلته يعتذر منه ويبوسه اعتذرت شليت عمري وروحت تضايقت من هالكلمه وايد خليت عمري عادية اليوم دقت على اختي تقول بنطلع قلت اوك بالعاده انا امر عليها اختي مب معرسه يعني في بيت ابوي قالت لي لا تمرين انا بمر قلت اوك قالت لا تزعلين بس خففي ييتج قلت خلاص ما بيي لان ولدي اعرفه حركي وايد وقاعد ياذيكم قالت لها بس البارحه انتي ما شفتي الموقف كنتي وياي بالمطبخ اكيد ابوي قايل شي بعد ما رحت قالت لا بس ولد مسخها البارحه سكتت دقيت على امي اعتذر وقلتها ما بييكم وبيتي مفتوح لكم تعالوا عندي لاني بشتاق لكم قالت بيتج اريح لج ولدي صغير المفروض مب عشان هالشي يكرهون زيارتي شي ثاني حسيت انهنم ما صدقوا اني عرست من شهر صار موقف بيني وبين ريلي ريلي الغلطان قالي شلي اغراضج وعلى بيت هلج انا طنشت لاني ادري ما بيستقبلوني تم يصارخ ودق على امي تعالو شلو بنتكم امي قالت له ييبها تراها بتستوي خدامه لا تتحرا بيستقبلوها انصدمت والله العظيم وقسم بالله ورب الكعبه هذا كان ردها تميت اصيح رمستني وانا اصيح ولا كسرا خاطرها قالت تمي واسكتي اللي معور قلبي اذا اطلقت ما عندي احد الاهل ظهر بس اهلي كسروا ظهري احاول اكسب ريلي عسبت ما اتبهدل ومابا اطلعهم جدامه الا انهم زينين وماشي مثلهم المفروض امي تقوله هي بنتنا ما بتركها ردها عمري ما بنساه والله يا بنات بنفاسي ما استقبلوني وانا بكريه والله الخياطه طلعت لاني كنت بروحي. وصار عندي فقر دم ونقص كالسيوم لاني ما تغذيت عدل
الحين انا قررت ما اسير عندهم الا بالاعياد بس عيد الاضحي بسلم عليهم واروح يكفي قلبي ما فيه يتحمل اكثر اباكم تنصحوني المشكله ربلي اذا قالي بوديج شو اقوله ماباه يعرف شي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعه حمودي]

عورتي قلبي والله

[الغــــــلا]

والله مادري شو أقولج .. الله يحنن قلبهم
وربي يفرجها عليج .. وان شاء الله ماتكبر المواضيع بينج وبين ريلج ..
واذا كبرت خلي حد من أخوانج يتدخل ..

[مسك وعوود]

الله يعينك وصبري على ريلج وعيشي حياتج

[shmees]

حبيبتي أول شي اباج اتحطين كامل ثقتج في الله سبحانه وتعالى
لأن هالموضوع ما بينحل إلا بأمر من الله سبحانه
..
اول شي الصبر ثم الدعاء ثم الدعاء ثم الدعاء صدقيني مع الدعاء بينحل موضوعج وبيتقربون اهلج منج وااايد
تمي دوووم ادعي في السجود وفي قيام الليل دوووم ومع الصبر بيتغير حالج ان شاءالله مع اهلج ومع ريلج
كل ما حسيتي بضيقة اتقربي من الله صيحي وناجيه وان شاءالله امورج بتمشي للاحسن ان شاءالله يارب
..
الله ايسر امورج

[فديت عقالك]

الله يعينج اخيتي بجد موقف يقهر ويحرق القلب مابين نارين حسيت فيج
طيب انتي ماجلستي مع امج تكلمتي عاتبيهة وقولي اللي يحز بقلبج
من كلامهة وتصرفاتهة معاج وخبريهة بحبج لها رغم كل اللي تسويه
وان ماعندج حد بالدنية غيرهة وهي اغلى ماعندج
صدقيني كلمات المحبة اللي نابعة من القلب تاثر لو كانت بسيطة
ويمكن تغير اسلوبهة وان كنتي غلطانة معاهة بشي اعتذري منهة وطيبي خاطرهة
ولاتبيني لزوجج ان بينج وبين اهلج مشاكل ابد علشان قيمتج انتي
وحاولي تصبري مع زوجج وحاولي بكل الطرق ان ترضيه
حتى لوكانوا اهلج معاج زينين بيتج وزوجج اهم
وبدعيلج الله يسهل امورج ويهدي بالج مع امج وزوجج والله يهديهم عليج...
وصلي ركعتين لوجه الله ان يفرج همج واستغفري ورددي لااله الا انت سبحانك اني كنت من الظالمين
وتقبلي مروري اخيتي

[بهلولة]

انا اشوف موضوعج طبيعي جدا ويستوي وايد
مو معناها اني استخف فيه
لا
بس فعلا اعرف وايد صديقات لي عندهم امهات فقط بالاسم
لكن وقت الحاجة ماشي اهل ولا عزوة
وتعرفين شو يسوون
يقوون علاقتهم ويا رياييلهم واهل رياييلهم
واهلهم العلاقة بينهم محدوده بالمناسبات

يعني يا اختي بتذبحين عمرج
عمر الواحد ما اختار اهله
تقبلي الواقع
وتعايشي معاه
وحوريه كيف ما تبين
ودوم اقول اللي ما يكسرج يقويج
يعني هالشي يعلمج تكونين معتمده على روحج اكثر
مستقله اكثر
تحبين بيتج وريلج اكثر

قولي الحمدلله
اللي حولج وايد
في بنات لا اهل ولا ريل ولا ولد

[جرح الزمن1]

مشكورات فديتكن ردوودكن اتبرد القلب
فديت عقالك انا رمستها امي متعقده من اهلها قالت لي ماباج تذوقين اللي انا ذقته خليج بعيد بس انا شو ذنبي اشتاق لامي وايد عشان جي اسير عندها واحن للقعده مع اخواني ما اقدر اقسي قلبي وابعد مع اني اسمع اللي يعور القلب ما قدرت

[جرح الزمن1]

انا اشوف موضوعج طبيعي جدا ويستوي وايد
مو معناها اني استخف فيه
لا
بس فعلا اعرف وايد صديقات لي عندهم امهات فقط بالاسم
لكن وقت الحاجة ماشي اهل ولا عزوة
وتعرفين شو يسوون
يقوون علاقتهم ويا رياييلهم واهل رياييلهم
واهلهم العلاقة بينهم محدوده بالمناسبات

يعني يا اختي بتذبحين عمرج
عمر الواحد ما اختار اهله
تقبلي الواقع
وتعايشي معاه
وحوريه كيف ما تبين
ودوم اقول اللي ما يكسرج يقويج
يعني هالشي يعلمج تكونين معتمده على روحج اكثر
مستقله اكثر
تحبين بيتج وريلج اكثر

قولي الحمدلله
اللي حولج وايد
في بنات لا اهل ولا ريل ولا ولد

صح كلامج بس اختي الوحده تحتاج اهلها وتشتاق لاهلها وتحن لاهلها المهم مشكورة على ردج

[احلام البنات4]

اختي الله يصبرج احتسبي الاجر عند الله ،اعرف وايد يعانون من هالمشكله للاسف الابو عصبي والام خلاص ما تتحمل الصغاريه انت روحي خذي هدايا معج وحاولي تخلي ولج معج وماتطولين بالقعده
احكيلهم سوالفه الحلوه وحببيهم فيه،اعزميهم وباللسان الحلو بتلين الجبال
واهم شيءبيتج وريلج
والله يسخرهم لج ويهديهم

[أبل7]

يختي دوام الحال من المحال

لا تقطعينهم زوريهم

واتأكدي الا وما تصير مواقف وراح يردون لج

[مـــــريم]

لا تروحيين لين ماهمم يحنون لج وفي العيد واذا قالج ريلج بوديج دوريله عذر او انه مالج خلق او انج رحتي دامج اتسوقيين قوليله بمر اي وقت عليهم .. ولاتضايجيين اهلج بيتمون اهلج .. وكسبي ريلج لو كانوا الاهل جنه ابمجرد اترجعين لهم لاسمح الله مطلقة وايد اشيا تتغير واولها النظرة..

[مـــــريم]

مشكورات فديتكن ردوودكن اتبرد القلب
فديت عقالك انا رمستها امي متعقده من اهلها قالت لي ماباج تذوقين اللي انا ذقته خليج بعيد بس انا شو ذنبي اشتاق لامي وايد عشان جي اسير عندها واحن للقعده مع اخواني ما اقدر اقسي قلبي وابعد مع اني اسمع اللي يعور القلب ما قدرت

فديت امج عورت حالي هي اتحبج وخايفة عليج وردة فعلها ماتحاسبينها عليها فرق العمر والتعليم وقسوة الزمن اتغير البني آدم الله لا يحرمكم من بعض..

[لأنني مختلفة]

والله قلبي تقطع ع الموضوع ..
حبيبتي حاولي قد ما تقدرين تصبرين
عليج بالصبر والدعاء ان الله يصلح الحال ويحنن قلبهم ..

ربي يعينج وييسر امرج يا رب

[بربر]

حبيبتي والله


دمعة عيني عليج والله

الله يسخر لج ريلج يارب