نصائحكم

[جورية2011]

سلام عليكم اشحالكم
عندي مشكلة ان شاء الله تحلوها لاني ما قدرت احلها بنفسي
المشكلة حرمة خالي تبى تطلق و خالي ما يبى يطلقها و السبب ان خالي ما يخليها بروحها يعني ممنوع تروح السوق بروحها لازم يكون وياها و العيال لازم يكونوا وياها و هذا الشئ يسبب الازعاج لها ما تاخذ راحتها و خالي كله يقول لها يلا خلصي العيال يصيحون و هي ما تاخذ راحتها و ثاني شي هي تبى تروح السنما مع خواتها و خالي معارض و يعني كابت عليها و ممنوع تطلع تتمشى برع البيت هو يباها تتنقب و هي مو راضية تقول حرية شخصية و الحين تقريبا من اسبوعين ما يكلموا بعض الا مسجات و خالي مهددنة ان يتزوج عليها هو يبى يخوفها بس هي تقول تزوج عشان تعرف منو الزينة و ياك و هي مشاركة في برامج و تحطي صور عيالها و خالي يقطع عنها النت عشان ما تحطي الصور و استغفر الله خالي وايد يغار عليها حتى منا و نحن اهله بس صراحة هو يقول شاك فيها انها تكلم شباب بس انا الصراحة اشوفها مؤدبة و طيبة و ما تحب تجرح حد و تهتم بعيالها و هي خلاص تبى تطلق و تبى تفتح ملف في المحكمة و خالي يقول مستحيل اطلقها ساعدوهم الله يخليكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[القلب 2009]

الله يهديهم ان شاء الله الموضوع مايستاهل الطلاق من فترة ربيعتي خذت النك نيمي بالمنتدى وكتبت نفس حالت مرت خالج
ريلها يضغط عليها بكل شي ماتطلع بروحها ماتطلع بي بي ولا تنزل برامج تواصل اجتماعي ولا شي حرصا عليها لا اكثر

نصحيها قولي لها الريال مايحب العناد ويمكن هي لو سمعت كلامه وطبقته راح يسوي لها اللي تبيه لكن اذا تمت بعنادها راح يفهم ان وراها شي من ها الاصرار واذا عادي عندها تطلق بياكد له ان بحياتها واحد ثاني

الله يستر على الجميع ويهديهم ان شاء الله

[قلب الذيب]

الله يصلح ما بينهم
ما اعتقد سببهم قوي يستدعي للطلاق
الكل قام يطلق ...

قبل لا اظهر من المحكمة ويوم تطلقت دعيت ربي بقلب صادق اني اكون اخر امراه تتطلق في الكون خخخخخخخخخخ شكل دعوتي ما استجيبت
الله يصلح الحال والاحوااال ....الحين اي حرمة تفج قدامي موضوع انها تبغي تتطلق اقعد اهديها واقول لها لكل مشكلة حل والصبر مفتاح الفرررج

[bnooota]

الله يصلح من بينهم

[جورية2011]

يعني كيف يقدرون يغيرون هذا الوضع

[{ آحلى دلع ..]

الموضوع مايستآهل الطلآق !

الغلط من خآلج شؤ اللي جافه منهآ عشان تؤصل انه يشك

فيهآ !

اﻻنسآن المريض بالشك والغيرة صعب العيش معآه

ولكن

قؤلي لهآ خلج حرمه عآقله وسايري ريلج بذكائهآ ترؤم تغيره

[إآٌحسآس نمله]

الله يكون في عونها ..

بينهم عيال وصعبه الطلاق والله .. لا تقول انا حرمه وبقدر اشل عيالي وبربيهم يمكن يوم صغار بتقدر بس باجر الاولاد اذا كبروا يبالهم ريال هي مابتقدر تروح مدارس الاولاد ولا اي شي فيه ريايييل .. يعني خلها تفكر في باجر مب اليوم .. وعن موضوع الطلعات ماتطلع الا وهو وياها والصغاريه بعد اوكي مب مشكله الصغاريه اذا كانوا في مول ( كل مول شي هالبيت مال الالعاب ادخلهم هناك ويا الخدامه ) وتروح تتسوق ع راحتها ويا بو العيال يعني هاي مب مشكله عوده .. ثاني شي هو يباها تتنقب ( حلاله ويحق له ومسؤول عنها وبيتحاسب على اي فعل تسويه غلط ) يعني هو من باب حبه وحرصه وخوفه يباها تتنقب وبعدين هو حريعني ما يبا حد يشوف حرمته الا هو .. وموضوع الشك ( مستحيل يكون بدون سبب ) انا ما بطعن في شرف الحرمه ولا بقول ريلها مريض الشك ما اي مني والدرب لازم يكون في باب للشك ( تقولين تشوفينها زينه وماعليها كلام ) في الظاهر الكل بيكون زين بس ماتعرفين المستخبي وبعدين خالج اداربها لانه هو معاشرنها وعارف حرمته وعارف كل شي .. وسالفة تشترك في مواقع وتنزل صور عيالها ( العين تراها حق ) صح الواحد يستانس باليهال بس مب لدرجة انزل صور عيالي في مواقع وغيره يعني هو وياه حق في اللي يسويه .. وموضوع انها ما تطلع ويا خواتها وجي تسأل ريلها شو السبب اذا ما اقتنعت هي بشطارتها تقدر تخليه هو بنفسه يقوللها سيري طلعي مع خواتج .. يعني كل شي بسيط بس يباله مخ وتفكير صح والطلاق عمره ما كان حل ..

( واللي تمر فيه مرت خالج اهون بمليون مره عن باقي الحريم .. في من الحريم رياييلهم يخونونهم ويضربونهم ومقصرين ومب مهتمين ولا يراعون مشاعر الحرمه والحرمه بالنسبالهم بشكاره مع هذا صابرين ويفكرون كيف يعدلون من حياتهم مب يدمرونها ) ف نصحي مرت خالج انها تتعوذ من ابليس وتفكر صح .. هي الحين عندها عيال لا تفكر في راحتها قبل راحة عيالها لانها بتندم والله بتندم خلها تقرا تجارب المطلقات وعندهم عيال بتعرف معاناتهم .. وخالج ريال مثل ما خذها يقدر ياخذ غيرها وبيب عيال وبينساها يعني لا تعاند وتخسر كل شي ..

الله يهديهم ويكتب اللي فيه الخير

[لأنني مختلفة]

هي اسبابها تافهة وهو اسبابه تافهة ..
يعني مشكلة من لا شي..
هي تبا الحرية وهو غيور ..
خلاص تطلع ويا خواتها او حد من هلها بدال لا تطلع روحها ..

وهي المسألة من الأساس مسألة انعدام الثقة بينهم ..
هو شاك فيها عشان جيه يبا ينقبها ..
وهي بدال لا تثبت له ان تفكيره غلط تعانده ..

يبالهم فترة لين ما تهدى نفسهم وان شاء الله يرجعون لبعض بلا طلاق ولا ويع راس

[فيفي1985]

?ـ? أجوف فالموضوع أي مشكله الريال يغار ويبي يحمي حرمته. ويحفظها من الريايل ومن حقه ماطلب أي شي لو ريلي قالي تنقبي بتنقب ??ش بغارضه لو هو يباني أتنقب. بتنقب من حقه يغار علي. لو بتروح السوق خلها تقول حق ريلها تعال معاي السوق وأمسك عني اليهال. يمكن عقب بيحس ??ھَ? وبيعرف ليس هي رافضه أنها تأخذ اليهال السوق. وبخصوص الصور إكيد ريلها له حق يخاف على عياله من العين. مب معناته تطلب منه الطلاق. لازم تتحمل الحرمه الريال وخلها تفكر فعيالها وفمستقبلهم ومابتحصل واحد شرات ريلها يحفظها ويصونها ولاتلومينه لو يطلب منها هالطلب من كثر مايشوف ألبنات وطريقة لبسهم نصحيتي لاتطلقين لأنه ?ـأ أذاج ولا ضربج. وأهم شي أنه مب مقصر وياج ويصرف عليج ويحبج ويحب عياله الحرمه ?? تبي أكثر عن جيه

[الغــــــلا]

.. بيظلمون عيالهم بينهم
ما أشوف شي سبب قوي للطلاق ..
الله يهديهم ويصلح بينهم ><

[وجدان الفجر]

ليش تتطلق ؟؟؟؟ الحين الطلاق صاير لعبة !!! كل وحدة ولا واحد قال بطلق ! الزواج الله سبحانه وتعالى سماه الميثاق الغليظ , لعظمه عند الله و والطلاق هو أبغض الحلال ويشرع فقط في حالات معينة عندما تستحيل الحياة بين الزوجين . يا أختي الله بيسألها عن سبب طلبها الطلاق وبيحاسبها عليه .
أختي أنصحيها ربي يهديها ويصلح حالها , كل هذه أسباب واهية . من حق زوجها أنه يغار عليها , وهذا دليل حبه لها وخوفه عليها , وبعدين يا أختي الرجل الصالح يغار على زوجته , يباها تلبس نقاب تتنقب ليش لا؟ هذا من طاعة الزوج وأستر لها .السوق كل الريايل ما يحبوا سيرة السوق ولا لفة السوق ولكن بالهداوة ويوم بشوفها تطيعه أكيد بيلين وبيتغير , وتراه البيت هو مكان الزوجة والحرمة , , بس الحين مع الأسف صرنا كل يوم طالعات وكل نهاية أسبوع ما أعرف وين سايرات ونسينا إننا مطالبات بالقرار في البيوت( وقرن في بيوتكن ولا تبرجن تبرج الجاهلية الأولى) هذه الآية تخاطب جميع المسلمات .والحين كل أشوية أسمع والله أبي أطلق لأنه ريلي ما يطلعني !!!! سالفة أنا تحطي صور عيالهم في النت والبلاك بيري , ما فهمة شو بتستفيد يعني ؟ ما تخاف على عيالها من العين والحسد ؟ بعيدين أصلاً دينياً وضع الصور حرام , غير أنه ممكن أي حد يسرق الصور والله العالم شو يسوي فيهم , يعني زوجها ما غلطان بالعكس هو الصح .
العناد وعدم طاعة الزوج أكيد مخلنه يشك فيها , مهما كانت طيبة وزينة فيا أختي العناد صفة شينة في الزوجة .
أختي ... قولي لها تبتعد عن العناد وتطيع زوجها وتحافظ على بيتها وعيالها وزوجها وما تركض ورى دعوات الحرية الشخصية وغيره لأنها دعوات هدامة للبيوت والأسر.
الله يسخرهم لبعض ويهديهم .

[كراميلا1]

لو حرمه خالج تبا تطلق على هالاسباب كان الكل مطلق

االضراحه مادري احين الريال يبا يحافظ على اسرته وبيته صار مب زين
يمكن سالفه الشك هي يابتها لعمرها
لو روحده ريلها معطيها حريتها بتقول مايغار علي

[ملاآك قلبكـ،،]

انا اشوف ان من حقها تطلق

لان الزواج مبني على الثقه والاحترام
واذا هالشيئين اختفو او انهدمو

الزواج يكون ظاهري بس
ماتتوفر فيه اي معاني الزواج

يشك فيها اوكي حتى لو اثبتتله العكس
بيبطل شك !!!
مابيبطل وبيظل ينبش من وراها
وبيحرم عيشتها بعد


وبخصوص الاخت احساس نمله
اختي انتي طعنتي بشرفها
وانتي بعد عندج شرف وسمعه
خافي ربج لا يبتليج بسمعتج وشرفج

[إآٌحسآس نمله]

وبخصوص الاخت احساس نمله
اختي انتي طعنتي بشرفها
وانتي بعد عندج شرف وسمعه
خافي ربج لا يبتليج بسمعتج وشرفج




كلامج على عيني وراسي بس حبيبتي انا ماطعنت الحرمه في شرفها ولا شي .. لان كل شي في هالدنيا له شي .. هو ماشك الا وفي شي صار وخلاه يشك كلامي مافي اي شي غلط لان حتى الحرمه ما تشك في ريلها الا اذا صار شي يعني احس كلامي عادي ومافيه اي شي يمس شرف الحرمه اتمنى تكون وضحت الصوره .. ،اذا بتعلقين على هالكلام ( ان هي تشوفها زينه وغيره ) حبيبتي انا ماقلت هالرمسه عشان امس الحرمه في شرفها ( الله يستر عليها وعلينا ) بس قصدي من اللي قلته لا ادافع عن حد وهي ماتعرف هو شو .. صح مرت خالها وتسير وترد عليهم ويقعدون ويشربون وياها بس بعد محد يدريبها كثر ريلها ها مقصد كلامي لا اكثر

[أم مهاا]

الله المستعان .. بس الطلاق شيء ؤايد عود و يمكن بالنهايه تندم لأنه ما شيء يستأهل أنها تتطلق لأن الريال يخاف عليها أنها تروح السوق روحها و في ناس يطلقون بسبب أكبر من جيه و السموحه عل الإزعاج ..