دخلت التاسع والحمد لله

[انيقه]

السلام عليكم

الحمد لله دخلت التاسع من كم يوم،،وربي يسهل ع الجميع
بس بغيت اعرف للي عندها خبره،،،
صحيح فيه أشياء اقدر أخذها أو أسويها وتسرع لأولاده،،،يعني أولد قبل موعدي؟

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[افناان]

ليش مستعيلة ع الولادة اختي ؟؟
الجنين ينمو دماغه في الشهر التاسع اكثر من اي وقت و الاطفال اللي يكملون شهرهم يكونون اذكى من غيرهم و الدراسات تثبت انه الافضل لصحة الجنين و مناعته انه يكمل ٤٠ اسبوع (( سبحان الله ))

[ظبيانيه ستايل]

والله يا اختي عن تجربه مهما شربتي وسويتي ماينزل الافوقته امشي مشي خفيف مش سريع لانه السريع يقطع المشيمه وعقب ماترجعين اترسي البانيو ماي دافي واقعدي فيه مفيد لعضلاتج وقت الولاده واذا خلصتي اشربي حليب دافي مطبوخ مع شوي بس قرفه شوي بس لانكثرين والله يسهل ولادتج وولادتي وجميع الاخوات. لاتشربين خروع وهالسوالف سوي بحث وشرفي اضرارها

[game over77]

الله يسهل عليج وتربين بالسسلامه ان شاء الله

مهمآ حاولتي تراج بتربين ف الوقت اللي كاتبنه ربج عن تجربه انا ماخليت شي خخخخ وسبحان الله عديت موعد الولادة بيوم وربيت

مثل ماقآلت ظبيانية امشي ف التاسع قد ماتقدرين لان هاذا بيسهل عليج وبيقوي عضلاتجج وخلي ماي دافي ينزل ع ظهرج عشان يخفف الم الثقل اللي تحسين به ..وقعدي قعدة القرفصآء عشان مايضربج شد ف ريولج عقب وسمحيلنا

[شما الهاجري]

الله يسهل عليج وتربين بآلسلآمة آن شآء الله ...

[الوزيره7]

الله يسهل عليج عقبالنا يارب .... نشوف ضنانا باحسن صحة وعافيه ...

[الوحداويه.]

لله يسهل عليج عقبالنا يارب .... نشوف ضنانا باحسن صحة وعافيه ...

[شذى راك]

سبحان الله كنت بنزل موضوع عن ها الشي ربي يهون علينا

[bentalshamsi]

ليش تستعيلون كل شئ في وقته حلو لاحقه على صياح و ماشي رقاد بعدها و كل دكاترة يقولون لازم أتخلصين أسبوع واحد من تاسع عسب يكتمل نمو الرئة و أنا افضل الوحدة اتكمل شهرها و تمشي مشي خفيف مب اللي يهلك

[Manar N]

ما في أي شي يسرع الولادة...في اشياء تحفز الرحم على التقلص (بعض المشروبات) يعني لو خذيتيها بيكون فيه محفز خارجي خلى الرحم يتقلص في غير موعد الولادة وما يكون في توسع ولا شي وهات يا طلق صناعي ولا يطقون ماي الراس ولا عملية!! ..حتى الخروع شو الفكرة فيه إنه يسوي إسهال..يوم الأمعاء تتحرك بسبة الإسهال تخلي الرحم يتأثر بيها لأنه جريبة منه ..لا أكثر ولا أقل..يعني ما يخصه في الولادة..يصير تقلصات..تصدف صدفة في بعض الحريم إنها يوم تشرب الشي يجي الطلق أو تبدا الولادة ..لكن صدفة لا أكثر ولا أقل.. عشان جي الحامل لازم تنبه إذا صار إسهال معها لازم تتعالج...نصيحتي..استمتعي بآخر أيام قبل السهر والتعب...أخر أيام الحرية

[طيف الغربة]

الله يسهل عليك اختي وخليك على الطبيعي افضل

[صنوبر]

لا اختي لا تشربي شيء

امشي نص ساعة يوميا اذا انت بكر فالاولادة تطول بساعات

فلازم رياضة وخففي من النووووووووووم امششششششششششششششششششي

الطلق يوم بيي بيي خرابيط العجايز لا تسوين شيء

متى تشربين مثلا زعفران وحليب مغلي او مع حلبة وانت فيج الطلق


اول ما يبدأ الام اسفل البطن بعدين تجيك افرازات مخاطية خضرا ومخلوطة بدم والطلق

يتزايد الطلق لين ما تولدي

[حشيمة الذآت]

بنات ما قصروا
بس حبيت ادعيلج ربي يسهل ولادتج
وعقبالي ادخل تاسع واربي بالسلامه

[Um.gala]

.والله انا عن نفسي ابا اربي من اول اسبوع 
اختي ف عيالها كانت تخلط زيت حبة البركه بقياس معين وزيت الزيتون بعد بقياس معين عسب مايزيدون ع بعض وتمكسهم  ويا بعض 
وكانت تقرا ٧صفحات من سورة البقرى وسورة مريم والرقيه الشرعيه  واللي تبينه من دعاوي لتسهيل الولاده والحسد والعين وغيره  ع الزيت  لانه بعد يفيد لبعد الولاده
كانت تمسح  ع جسمها خاصه تحت  البطن والظهر كل يوم  ف وقت النوم 
 دام فيه ايات الله اكيد يريح الجسم وحبة البركه وزيت الزيتون لهم فوايد 

ما شا الله كانت اداوم عليهم وسبحانك ربي الحمد الله تسهلت عليها الولاده وبظرف ساعتين ربت 
وكانت ولادتها قبل موعد الولاده  ب٩ ايام 
وانا احينه اسوي شراتها وان شا الله تتسهل وعلى فكًره محمد العريفي سمعناه يقول ع هالخلطه لانها ترقي الجسم  وتحفظه من كل شي خاصه من العين

ومن اعراضه ف البدايه تحسين بضيقه والام ف الجسم لكن داومي عليه وبعزة الله كل شي بيكون تمام 
وهي وكانت تشرب بعد زعتر وتسوي خلطه من قرفه وبابونج وزنجبيل وفوق ها تمشي 
والحمد الله بمساعده من ربي ماتعبت مثل اللي تطول ٥ ساعات ولا ايام لانها اهتمت وانا باخذها عبره وامسح ع ريلي بعد وبنتي قبل النوم 

وسموحه لاني طولت 

[ام عبوودي 2]

الله يسهل عليج