بنتي عمرها سنه وماتمشي

**راعيه اللكزس** · 2013-08-21, 00:44

السلام عليكم
بنات انا بنتي عمرها سنه من الولاده وهي قاصره مولوده فالسادس بس للحين ماتمشي ولا تحبي ولاتوقف ولا تحط ثقلها على ريولها راجعت المستشفى قالو لي يبالها علاج طبيعي

منو عندها طفل مثل حاله بنتي وهل قدر يمشي عقب ؟

المزيد من آخر المواضيع من نفس القسم:

**قلوب حلا** · 2013-08-21, 01:03

ان شاء الله خير وبتمشي لاتحاتين شي اطفال اعمارهم سنه ومايمشون بسرعه عادي ,, راجعي المستشفى وشوفي طبيب ممتاز للعلاج الطبيعي اسالي الدكتور اللي خبرج ,, وتابعي اول باول ويارب تمشي وتفرحين فيها بالتوفيج

**عطر رومانس** · 2013-08-21, 02:44

عادي اختي ﻻ تحاتين ف اطفال طبيعيين حتى وما يمشون اﻻ بعد سنة وست شهور .....توكلي على الله ووديها المستشفى يسوون لها عﻻج طبيعي...وان شاء الله خير وبكرة بتمشي لج وبتقلب لج الغرفة فوق تحت ...عيني من الله خير

**الغــــــلا** · 2013-08-21, 06:00

سويلها تحليل فيتامين " دال " يمكن عندها نقص وهو اللي مأخر المشي ..
وربي يطمن قلبج وتشوفينها تمشي وتخبل بج

**الفرفوشة 11** · 2013-08-21, 08:29

حبيبتي انتي سوس له تدليك ريلها كل يوم قبل ماتنام بزيت زيتون و حاولي اتودينها ورا و جدام و بعدين لاتنسين بنتج قاصرة يعني يجب التعامل معها بصورة ثانية لانه لو الطفل الطبيعي يمشي بعد السنة او خلالها ممكن هي بعد سنة و نص بنت اخوي كانت مولودة في السابع ممكن مشن في السنة و 5شهور لاتحاتين و اتلعوزين البنت و اليهال مب كلهم واحد مثلا انا يبت ولدي في التاسع و كل شي يعني كامل و مشى لي في السنة و 9شهوروكل الداترة نفس الكلام قالوا لي يبى علاج طبيعي و ليش متاخر و هذا مب طبيعي و تموا افرفروني كل مكان و هاذوه فديته ربي يحفظه الحين مشى و لا بعد ما ييلس.انا ما اقولج اهملي البنت بس وديها كذا مكان .

**شموخ ظبيانيه** · 2013-08-21, 12:30

احس عادي

بعض اليهال مايمشون الا بعد سنه ونص

**مالتيزرس** · 2013-08-21, 14:58

أنا ولد اختي مشى وعمره سنة وسبع شهور ودوه سوو له تحاليل طلع عند نقص فالحديد

**vampygirl** · 2013-08-21, 19:57

حبيبتي لاتحاتين انا ولدي نفس الشي لين الحين يحبي بس مع انه سنه و3 شهور ويوم سالت الدكتوره قالتلي دام البيبي سند راسه وثبت ماعليه اي شر باذن الله وانا اسوي مساج بالزيت زيتون وعطوني فيتامين دال وكالسيوم مع بعض..توكلي وسويلها علاج طبيعي =)

**Hala-** · 2013-08-22, 13:05

فديتك لا تخافي انا تاخرت بعد السنه وقفت ومشيت امي تقول
وهي خايفه وتوديني من دكتور لدكتور
اخر شي دكتوره قالت لها لاني طويل اخاف اوقف وأمشي اشوف الارض بعيده
اخر شي مشيت بسبب الغيره امي وأبوي الله يطول عمرهم اخذوا لعبتي وكل واحد مسك ايد اللعبه وصاروا يمشوها قدامي وانا اطالعهم غرت وقمت مشيت نفس لعبتي
من صغري غيوره

الله يحفظ بنتك وتشوفيها تمشي وتركض بالبيت

**Mouza17** · 2013-08-22, 13:25

ولد اختي كنت افكرر انه ما فيه امل يمشي، حتى يديهه ما كان يرفعهم عدل . بس لما كمل سنه ونص مشى عادي نفس أي حد ، و دام انه قاصر ف السادس ، انتظري شوي ..

**أم مهاا** · 2013-08-24, 14:00

الله يحفظ لج بنتج حبيبتي لا تحاتين أن شاء الله بتمشي و بتفرحين فيها بس آنتي عليج ف الدكتور الزين ..

**Nana23Smarty** · 2013-08-25, 22:06

عادي يعض الاطفال يتأخرو بس لاتنسي تعطيها حليب مدعم بالحديد وفيتامين د
عطيها نيدو بلس كويس لعمرها

الموضوع: بنتي عمرها سنه وماتمشي

أدوات الموضوع

عرض