كلية التقنية بالشارقة / مختبرات طبية

[Dl3 mo0on]

السلام عليكم
حبيت اسال تخصص مختبرات طبية الموجود في كلية التقنية بالشارقة هل يقبلون طلاب الادبي ولا التخصص فقط لطلاب العلمي و لان انا يوم سالت يستوي أسجل في هالتخصص وأنا أدبي قالولي يستوي بس راح يمتحنوني قبل ما ادخل التخصص في ثلاث مواد أحيا و فيزيا و كيميا
( مع انه انا سمعت انه مافي فرق بين الادبي و العلمي في التقنية بس هذا الي قالولي اياه ) الحين الي أبا اعرفه الامتحان يبكون يناسب قدات طلاب الأدبي ولا لا والي في نفس حالتي و وأمتحنت و نجحت والحين تدرس مختبرات
ياريت تخبرني شو مستوى الامتحان وهل ممكن طلاب الأدبي يتجاوزن الامتحان ولا لا
وثاني شئ أبا اعرف معلومات عن هالتخصص و الي يدرسون فيه ياريت يخبرونا عنه شوي

و يعطيكم العافية

________________________________________

المزيد من آخر المواضيع من نفس القسم:

• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria
• قبول الاجانب في معهد ابوظبي للتدريب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Dl3 mo0on]

؟؟؟؟؟؟

[Dl3 mo0on]

وينكم بنات معقولة ولا لا رد

[انستا]

انا ربيعتي علمي وتدرس مختبرات طبيه فالتقنيه .. وفي بنات فكلاسها ادبي وعادي ما امتحنو ولاشي .. انتي دايركت انتري ؟ يعني ع طول تخصص ولا بتدرسين فونديشن ؟
ماشي فرق بين ادبي وعلمي فالتقنيه مووووووووووووووووووووووووول ..
وتقول ان هالتخصص وايد وايد وايد حلو وممتع بس صعب شوي يعني لازم اتشدين حيلج
وهي الحينه بتدخل السنه الثانيه . اي سوال تبين ولا مساعده بقولج هي اي وحده ولا يردج شي حياج وهي تعاون

[Dl3 mo0on]

مشكورة أختي ع ردج
و أن شاء الله أنا ناوية أول شيء بدرس فونديشن. غشان اقوي لغتي في الانجليزي
.. ياريت ؤالله تخبريني عنها لأني أول سنة وأبا حد يساعدني و يجاوبني ع أسألتي

[انستا]

كم درجتج فالسيبا ؟؟ عشان اعرف اي لفل بتكونين ؟
وان شاء الله من بتبدون دوام طرشيلي رساله ع الخاص عشان اقولها وهي ما بتقصر معاج

[Dl3 mo0on]

انا يبت في السيبا 166 أظن بيكون الثالث
ان شاء الله راح اقولج اول ما نبدا الدوام
مشكورة اختي ما قصرتي يزاج الله خير