شفت ابوي سكران !!

**سعاده2** · 2013-08-17, 16:44

للاسف طول عمري ابوي قدوة كبيرة لي ابوي فضلني وملدعني من بين كل خواني وخواتي وكل شي اباه حاضر ولو فوق طاقته

احب ابوي حب ملحوظ لدرجه ان الكل يقول من صغيرة وانتي تحبين ابوج ومتعلقة فييه اكثر عن امج كان دوم من يروح ويا ربعه ولا يسير عليهم انا اكون وياه حتى كبره السمك انا وياه

وحتى من كبرت صرنا وايد قراب من بعض، بنات ابوي من وصغيره اشوفه ريال مصلي ومسمي ماشالله عليه ف حياتي ماشفته يدخن واعرف ومتاكده انه يكره التدخين كره العمى

لين قبل امس يا بنات انصدمت كنت طالعه مشوار وسيارتي هالفترة بالتصليح اتصلت بالبيت وابوي قالي بيمرني عقب مايخلص من الدوام وانتظرته ومن ياني ركبت السيارة سلمت واشوفه يضحك باستمرار ومايوقف وسالته الوالد ضحكني وياك تم يبلبل والله مافهمت ولا شي وصوته متغير انا سالته ابويه شو فيه صوتك ومن داخلي والله اني كنت خايفه

سكت مارد علي ولا تكلمنا من المشوار لين البيت 20 دقيقه ( بالعاده سوالف بالسيارة مانسكت) صار الجو هادي بس كل شوي يقول اشيا مافهمها وشوي يقول كلمات وسبات بنات بغيت اصيح وافتح السيارة وافر عمري بس ماشوف ابوي بهالمنظر وكنت ابي اقوله اسوق عنك ابوي قالي لااااااااااااااااااااا (يصارخ)

وشوي بطل المسجل ويحط اغاني انا هني خلااااااص عيني كلها دموع ادعي بداخلي نوصل بالسلامة (ابوي مايسمع اغاني اقولكم ريال مصلي وعارف الله)

وصلنا البيت ويلس يصارخ على امي وامي على طول طالعته وعطته نظرات غريبة حتى العامل الي عندنا استغرب من شاف ابوي (والعامل الي عندنا ملتزم)
كتمنا الموضوع ودخلنا نتغدا وطول الغدا سااااااااااااااكت ويتمايل يمين ويسار

من راح قلت لامي شو فيه ابويه امي ماردت وعصبت قالت عقب هالعمر يرد لهالمنكر لا وف عز النهار !!!!!!!!!!!

طلبت مني ماخبر حد من خواني عن الي شفته وخليناه يرقد (تخيلو الريال الي مايترك فرض وسنه نام من العصر لين اليوم الثاني)

صورته انكسرت جدامي يابنات خلاص كرهته ماعرف كيف اتكلم او اتصرف الصبح ياي يصبح علي ماعطيته ويه امس طلعنا مرة 2 انا وياه والوالده وشافني ساكته وحاول يكلمني ويتمصخر وياي مثل العاده بس مانطقت بحرف واحد

انا على ويه سفر بعد كم من يوم مب متخيله للحين اني اكرهه ومابي اتكلم وياه مب عارفه كيف بتصرف وياه بالايام اليايه فجاة كرهت كل جنس الرجال

مصدووووووومة

الموضوع: شفت ابوي سكران !!

أدوات الموضوع

عرض

مشاهدة المواضيع

شفت ابوي سكران !!

المزيد من آخر المواضيع من نفس القسم:

المواضيع المتشابهه

سكران في الشارع

قصة حلوة لا تفوتكم ..ابوي ابوي لو صد عني ما ترجيته..

ابوي ابوي لحقوا علية

::: قصه سكران اسلم على يده 120 امرأه :::