قروب @ قد التحدي@

[wish_dubai]

السلام عليكم غلا نفسي تكفيييين خااااطريه أكون وياكن

متى اقدر اشترك ؟

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[مــــلاك شوق]

مبروووووك مكانه ف قلبي ع النزوووول

بس ما عرفنا جم نزلتي

[مــــلاك شوق]

اممممم ما اعرف شوفيني

اليوم خاطري اكل حلاوه

حاولت قد ما اقدر ايود عمري

ان شاء الله خير باجر الميزاااان

ان شاء الله القرووب الثاني انكون أكثر حماس ونقترب أكثر لاهدافنا

ربي يوفجكم خواااتي

[ام اصيله]

وانا مثلج ملاك الشووق احس نفسي مفتوحه عالاكل
تقريري ليوم الخميس :
الريوق ؛ سندويج جبن مع حليب
سناك: كوب كرك
الغداء : سندويج بيض وجبن
سناك: قهوه وشويه حب مصري
العشا: حمص مع وشوي خبز وعصير كوكتيل
احسني ثقلت لان تعشيت متأخر
الرياضه: ولا شي
الماي: 3 لتر
وأتوقع ما راح يتغير وووزني ويمكن يزيد مادري إحساسي جيه يقول !!!!
نتلاقي بأجر الصبح
استودعتكم الله خواتي

[زهرمار]

هلا بنات اخباركم

انا آسفه ع غيابي وااااااايد وااايد

خلال هالاسبووووع عطيت نفسي راااااحه تامه من رجيم بس ماخبصت وايد بديت نظام تخفيف بس بس رياضه أبدا ماتركتها لأني تعودت عليه والسي أساسي ف حياتي

كنت يووومياااااا أشوف وزني وأحاسب نفسي بس أحس أني زدت بس خمسميه غرام
بس ان شاءالله بتأكد من وزني يوم جمعه او السبت

ادري أني قربت من مثالي بس انا متاكده أني قدها ورح اووووصل لهدفي قبل العيد ان شاءالله

مع افتتاح تجمع يديد رح أبدا من يديد مع حماس أكثر ان شاءالله

واشكر كل من سال عني سواء فالقرووب وحتى الي طرشوو لي رسائل خاصه

فديتكم عساني مانحرم منكم
راجعه لكم وبقوه

[مكانه في قلبي]

وزني الاسبوع الماضي :- تسعة وسبعين فاصلة خمسة
وزني الاسبوع هذا :- ثمانية وسبعين فاصلة خمسة

نزلت كيلو ولله الحمد

[مكانه في قلبي]

ومبروووووووووووك لكل خواتي اللي نزلوا وهاردلك للي مانزلوا ونور المنتدى برجعة حبيبتي غلويه وحبيبتي زهرمار وان شاء الله القروب اليديد راح يكون تووووووب باذن الله

[ام اصيله]

مرحبا بنات
وزني الأسبوع الماضي 81 واحد وثمانين
وزني اليوم : واحد وثمانين
دخلت القروب وكان اثنين وثمانين و سبعميه جرام
وحاليا. واحد وثمانين
وخير ان شاء الله
القروب إلياي راح يكون حماس اكثر

[مــــلاك شوق]

هلا

مبرووووك لكل وحده نزلت

وزني بدايه الاسبوع سبعه وستين فاصله تسعه جرام

وهالاسبوع سبعه وستين فاصله ثمانيه جرام

نزلت بس اميه جرام

ان شاء الله قرووووب الياي أكثر حماس وننزل أكثر

موفجاااات خوااااتي

ولكم باك اختي زهرمار

نترياااج مريم الفجيره طمنينا عنج

[مريم الفجيره]

هلا بنات
بارك الله لكم في جمعتكم !!!

ملااك الشوق فديتج ^^ تسلمين ع السؤال كل يوووم
توني قريت من اخر مره رديت للين اخر صفحه

السمووحه منكم كان عندي مشكله باللابتوب ... توهقت من وين انزل تقاريري
والفون ما يرضى يدخلني يطلع انه الباس غلط فما حبيت اعيد وزيد يمكن ينقفل الحساااب

وزني السبوع الي طااف

87.6 سبعه وثمانين فاصل سته

وزني هالسبوع

86.5 سته وثمانين فاصل خمسه

نسبه نزولي هالسبوع
1.1 كيلو وجرام

نلتقي ان شاء الله في التجمع اليديد !!! وشد حيل زيااده يا ربي

غلا نفسي لج وحشه والله !!! والحمدلله على سلامتها وخطاها الشر

غلا نفسي . ملاك الشوق . ام اصيله . مكانه في قلبي . زهرمار
يعطيكم العافيه

[زهرمار]

هلا بنات اخباركم مثل ​​​مّـَ♣ـَاً توقعت وزني زاد خمسميه غرام

وصار وزني 61.9 واحد وستون فاصله تسعه

[غلا نفسي]

مساء الخير على الجميع .... شحالكم خواتي عساكم طيبين طبعا اهني كل من نزل وزنها خلال هذا التجمع ويعطيكم الف الف عافيه يارب والله يسر لكم خوااتي ...... وبنتايج امس ينتهي تواصلنا في هذا التجمع حيث ان نلتقي فيكم غدا باذن الله تعالى باول يوم من يومياتنا في الجزء الثاني ترقبونااااا سيتم افتتاح التجمع اليوم باذن الله وغدا هو اول يوم فيه .....موفقااااات خواااتي ..... رااح ارسل للجميع الخوات المشاركات الرابط الخاص بالتجمع الجديد .... الى اللقاء .....

[مــــلاك شوق]

مبروووووك مريم ع النزوووول

لا تزعلين زهرمار ع الزياده انتي قدهااااا

غلا نتريا القروووووب اليديد

موفجاااااات خواااااتي