زيت غير معطر

[ثق بربك]

السلام عليكم
خواتي بغيت زيت للجسم مب معطر
للبشره الجافه
تنصحوني بأي زيت !!!!
لا تقولون زيت الزيتون لاني ماقدر احط منه ريحتي بتفوح

المزيد من آخر المواضيع من نفس القسم:

• ارجو المساعدة
• معلومات هامة عن الجمال من افضل دكتور تجميل...
• مرحبا ساعدوني
• بنات دبي الفزعه
• كتب رشاقة و جمال المرأة
• زيت الحشيش الافغاني
• بنات طبعا كل وحده فينا تدور ع الشي اللي...
• اليدين
• مشكلتي مع التجاعيد
• خيوط شد الوجه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كشكوشة منفوشة]

لازم زيت؟ انا احط كريم من الصيدلية ،،، للبشرة الجافة احسن لج وبنفس الوقت يعالج لج الجفاف

[الغــــــلا]

حتى زيت بيبي جونسون .. وقت ماتحطينه تحسين ريحته تفوح بس عقب تروح ..
أنا أوقات أستخدمه ..
وعندج بعد كريم QV للبشرة الجافة فالصيدلية بتحصلينه .. شوفي اذا منه لوشن ينفع للجفاف .. كنت أستخدمه لكف الايد ..

موفقه الغالية

[نبضة]

حبيبتي ا لبشرة الجافة ابدا ما ينفع معاها الزيت لان اذا راح تاثيرة وجف بتجف البشرة زيادة انا كانت بشرتي جافة و مقحطة على قولة الدكتورة بشرتج جدا جدا جافة و للاسف كريمها ما سوالي شي لان الكريمات بعد ما بتنفع وايد بقولج شو الي نفع وياي ...

اول شي كريم فازلين الاصفر او اي واحد تحبينه من مجموعة فازلين بعد الشاور و تنشيف الجسم حطي على جسمج طبعا بحكم ان بشرتج جافة بعد 10 دقايق بتحسين كانج ما حاطة شي فبعد 10 دقايق ردي حطي مرة ثانية على الجسم كامل وجوفي كيف جسمج بيتغير بعد كم يوم لو طبقتي ها الحركة ...

الطريقة ا لثانية بعد الشاور اخر رشة خلي عندج جيك ماي صغير و ترسيه ماي و صبي فيه شوي من زيت الاطفال بيبي جونسن وخلطي بايدج شوي ورشي الماي على الجسم و تجففي عادي و خلاص بتتغير بشرتج وااايد ...

ابتعدي عن الصابون السائل من ديتول لان يجفف الجسم ما عدا الي بالبابونج فيه ترطيب بسيط ...

واذا عندج اي سؤال انا حاضرة....


ان شاء الله تستفيدين لاني مجربة و النتايج مذهلة ...ما عادت بشرتي جافة ...

[ثق بربك]

انزين اختي الفازلين يسمر ، اخاف احطه واظهر برع البيت
امممم وعن زيت جونسن انا بشرتي حساسه ف هالزيت معطر

[شعاع امل]

اظن الموضوع مفروض يكون في قسم الخاص بالعنايه بالبشره

[احلى بعفويتي]

دوريلج اي كريم بالصبار ..
انا كنت احط زيت الصبار ع بشرتي .. وارقد فليل اقوم الصبح مترطبه ..
لاني بشرتي جافه

[ثق بربك]

للرفع
كريمات الصبار معطره

[نبضة]

الغالية اي كريم تحطينه و تطلعين بالشمس بيسمرج ..

اذا انتي تلبسين العباة اغسلي كفينج من الكريم ... اما باقي الجسم متغطي الحمد لله ..

بس كل الاكريمات الي بالدنيا مع الشمس تسمر لان فيها نسبة حليب و الحليب مع الشمس يسمممممر ....

اما كريمات التفتيح ما تسمر بس المواد الي تبيض تسبب جفاف بالبشرة ....

بشرتج متحسسه من العطر: اوكي الحين فهمت انتي نفس مشكلتي قبل تعرفين ليش عندج حساسية .. نقص فيتامين a كلي بقدونس الصبح في الريوق خذي كمية و غسليه و كليه حطي بالصمونة بالجبن الي تبينه بس خذي كمية كبيرة وكلية و جوفي الفرق في خلال اسبوع (الصراحة انا كنت احط في ملة ) و ها الفيتامين موجود في الجزر بس بنسبة بسيطة ..

واذا انتي تحطين كريمات بكثرة بعد كل سبوح تحتاجين مرة بالاسبوع او كل 10 ايام تستخدمين مقشر نااعم على الجسم و خفيف ...

ان شاء الله اكون افدتج ....

[ثق بربك]

ان شاء الله
انزين اختي استخدم اي مقشر؟
مابا مقشر معطر لانه بشرتي ماتتحمل

[اهاات ليل]

غيري الصابون إللي تستخدمينه أحسه يجفف بشرتج بزيادة

صابونة زيت الزيتون بالنسبة لي أحسها زينه للبشرة الجافة

وبصراحة أحس لو تحطين زبدة خام للجسم بدل الزيت يكون أحسن

عندج زبدة الشيا او زبدة الكاكاو الخام و في زبدة الليمون بعد زينة حق تفتيح البشرة

أنا أدهن جسمي في الحمام وإنتي بكرامة أول ما اخلص من الشور على طول

انشف عمري سريع سريع و أدهن جسمي بسرعة قبل لا ينشف مية بالمية

وقبل لا أرقد بعد أدهن عمري مرة ثانية زيادة الخير خيرين

[ام خلود القمر]

استخدمي منتجات سيباميد او موستيلا مب معطر

[ثق بربك]

شركة سيباميد عندها زيوت غير معطره ؟

[نبضة]

يعني تبغين تحطين زيت من شركة سيباميد غير معطرة بعد ما تتروشين جربي و منكم نستفيد انا تقريبا بيخلص البيبي جونسن من عندي اذا خلص بجرب سيباميد ..
المقشر الي استخدمة من بودي شوب وفيه رغوة صابونية وهو مقشر في نفس الوقت يعني بللي جسمج بالماي و تاخذين كمية جدا قليلة من المقشر و تفركين الرجل ياليد مثلا و بتجوفين الرغوة طلعت و التقشير بدا يتفعل كل ما فركتي اكثر كل ما النتايج اوضح من اول مرة ... وهونسبة ترطيب في نفس الوقت و اخر شي تغسلينة بالماي الصراحة انا ما اخليه اخر شيء على الجسم اخذ صابونتي العادية و في الليفة الناعمة و امرر الليفة بخفة سريع تالي اغسل الجسم مرة ثانية و اخر شي الجونسون بالماي ...

اسمه spa fit smoothing and refininig body scrub وخلي الحرمة تجربه على ايدج في المحل ...

مكوناته 1-- بالمية طبيعية بخلاصة انواع البرتقال و الليمون و المشمش وزيوت طبيعية ...200ml يكفيج للجسم كامل 5 مرات. عدهم ليفة مقشرة بس انا ما اشتريتها افضل افرك بايديني ...

بخصوص البشرة المتحسسة ... جربي تاكلين قبل النوم همباية + نصف شمامة ... قبل النوم بساعتين ..

جربي يوم ثاني المشمش المجفف كلي تبولة (بقدونس زيادة ) وجوفي النتايج بتخف الحساسية تجاه العطور بتقومين الصبح وبتلاحظين ان بشرتج منورة خاصة بعد الهمبا و المشمش ..

لما تتفوطين اضغطي بالفوطة على مناطق الجسم لا تمسحينها مثل قبل خاصة ا ليدين و الرجلين ...

اشربي ماي اكثر ..

الشمام و المانجو و البقدونس من الاغذية المليئة بفيتامين a المساعد على ترميم البشرة وتقويتها ...

اقري بالانترنت اعراض نفص فيتامين a

دائما يقولون الجزر
مقوي للنظر لوجود فيتامين a انا ليش ما نصحتج بالجزر اولا نسبة الفيتامين فيه اقل من الشمام الابيض وثانيا فيه المادة
اللي تحفز على افراز صبغة الميلانين في الجسم الي تؤدي اذا زيادة اسمرار البشرة عسب جي الجزر لا تهتمين فيه وايد ...

ان شاء الله افدتج ...

[بسمة أمل 2013]

حبيبتي ا لبشرة الجافة ابدا ما ينفع معاها الزيت لان اذا راح تاثيرة وجف بتجف البشرة زيادة انا كانت بشرتي جافة و مقحطة على قولة الدكتورة بشرتج جدا جدا جافة و للاسف كريمها ما سوالي شي لان الكريمات بعد ما بتنفع وايد بقولج شو الي نفع وياي ...

اول شي كريم فازلين الاصفر او اي واحد تحبينه من مجموعة فازلين بعد الشاور و تنشيف الجسم حطي على جسمج طبعا بحكم ان بشرتج جافة بعد 10 دقايق بتحسين كانج ما حاطة شي فبعد 10 دقايق ردي حطي مرة ثانية على الجسم كامل وجوفي كيف جسمج بيتغير بعد كم يوم لو طبقتي ها الحركة ...

الطريقة ا لثانية بعد الشاور اخر رشة خلي عندج جيك ماي صغير و ترسيه ماي و صبي فيه شوي من زيت الاطفال بيبي جونسن وخلطي بايدج شوي ورشي الماي على الجسم و تجففي عادي و خلاص بتتغير بشرتج وااايد ...

ابتعدي عن الصابون السائل من ديتول لان يجفف الجسم ما عدا الي بالبابونج فيه ترطيب بسيط ...

واذا عندج اي سؤال انا حاضرة....


ان شاء الله تستفيدين لاني مجربة و النتايج مذهلة ...ما عادت بشرتي جافة ...