محتاره ومتشتته

[شـوشـو.]

السلام عليكم والرحمه

بنات بليز نصحوني بس من غير تجريح اللي فيني مكفني

طالبه ف الكليه وعمري 24 سنه

انا انخطبت واحب شخص ثاني بس وربي ملتزمه بحدودي ماارمسه بالفون بس مسجات كنت ارمسه قبل بس تبت واتفقنا مانرمس الا بالحلال..!

اللي تقدملي اهلي يمدحونه بس والله تعبت وانا اصيح محتاره ومتشته اللي يحبني ماتقدملي لانه ابوه ف غيبوبه واهله يوم يكلمهم يقولوله انتظر ابوك محد مسوله سالفه من امه وخواته ..!

صليت ودعيت ربي بس بعد محتاره ومتشتشه مب عارفه اتصرف

اللي بتريحني بكلامها تقولي واللي تحس انها بتغثني بليز تسكت


والسلام عليكم ورحمة الله وبركاته

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[إآٌحسآس نمله]

والله ماعرف شو اقولج .. الله يقوم ابوه بالسلامه بس مادري يعني من وجهة نظري صح ابوه مريض ومب حلوه ولده يعرس بس دامه يبييج ع الاقل امه ترمس امج انهم يبونج للولد واييون يلبسونج شي يعني تكونين محيره للي في بالج ( انتي قوليله هالشي ان رمس اهله و وافقوا ) رمسي امج عن ها وهذاك رفضيه بس طبعا بعد ما تتأكدين من صدق كلامه ونيته ( وهذاك امج بتعرف كيف تصرفه ) .. والله يكتب لج اللي فيه الخير .. واذا حسيتي ان حبيبج ما تحرك ولا ما سوى شي ماعليج الا انج توكلين امرج لله وتستخيرين واللي فيه الخير باذن الله بيصير .. واذا بتقولين هاك ماحبه وماعرف شي عنه وغيره ان شاء الله الايام بينكم وبتعرفينه وبتحبينه وبتصونينه وان شاء الله تعيشين وياه احلى عيشه ..

[مس UAE]

شفتج راده ع موضوع وقريت توقيعج ودعيت لج ..
وبالصدفه دخلت الموضوع وقريته وبعدين انتبهت انج شوشو ..
انتي في موقف صعب ..
انا اقولج عطي نفسج فرصه اسبوعين ولا تردين ع الي خاطبنج حاليا ..
ابغيج تتأكدين من كذا شي ..
اولا هل الي تحبينه فعلا ناوي يخطبج وفعلا في الحقيقه انه ابوه في غيبوبه ؟!
حبوبه تأكدي من صدق الريال من جذبه ما تعرفين في ريايل يتعلثوون بأي شي بس عشان يسكرون سالفه العرس وطاري العرس ..
ابوه في غيبوبه شو يمنع انه امه تكلم امج مجرد كلام ع اساس تمهيد ؟؟!!
انا انصحج واشوفج مثل اختي ما بقولج اصبري ع الريال لين يقوم ابوه من الغيبوبه اذا صدق ...لانه محد يضمن حد في هل الزمن بتنتظرين شخص مب ضامنه انه بيخطبج ؟! صعبه الخذلان ..باجر يوم بيشبع من العلاقه هذي بسير بيدور ع وحده ما يعرفها وبياخذها وحزتها انتي بتندمين ع كل لحظه تريتي فيها شخص خذلج ...
صلي استخارة وربي سبحانه بيدلج ع الطريق الصح ..
انتي تبين الحلال كلنا نبا الحلال ..بس مب بهل الطريقه ...مب بالمسجات ولا بالسوالف ولا بالحب ...حطي قلبج بعيد شوي وفكري بعقلج واستخيري ترى الاستخاره تفتح لج ابواب تكتشفين من بعدها اشياء واشياء كنتي غافله عنها ..كان عندي موضوع من سنتين تقريبا ابغي اسويه واستخرت وحلمت كم حلم ما يخصه في موضوعي بس قلت بتوكل ع الله فعلا كنت احاول اخلص هل الموضوع وادز عمري واحس بشي يردني يتصلون فيه وانا مسافره كنت ما ارد عليهم ولا لي خااطر اشوف شو صاار بموضوعي ...بعدها يتني حاله ما يعلم بها غير ربي وحزتها قلت الحمدلله لو انا مكمله اللحين موضوعي كنت بعيش بضغط نفسي + ضغط الحاله الي كنت فيها ...
رجعت هل السنه استخرت وقدمت اوراقي مره ثانيه في مكان ارتاح له وتسهلت اشياء الحمدلله ...
ربي يجدم الي فيه الخير ..
من ترك شيا لله عوضه خير منه ..

[ملاآك قلبكـ،،]

قولي للي خاطبنج
اذا يباج يخطبج عقب التخرج

وتريي اللي تحبينه
بس قبل لا تردينه تأكدي ابوه فغيبوبه ولا لا
اذا كلامه صحيح ولا لا
اذا لا وافقي عاللي خاطبنج اذا كان زين

واذا كلامه صحيح
قوليله بس امه تكلم امج
وتصير بينكم زوارات عسب تعرفون بعض اكثر (العايلتين)

لين ما ابوه ينش بالسلامه وتخبرونه وتملجون

[نفل]

الاستخاره ختيه

عليج بالاستخاره

والله يكتب لج الخير يارب وينولج اللي في بالج

[بنت عقيد]

المشكله الحين اكبر من جي. لا. يجوز. خطبة المسلم على اخيه المسلم. الا اذا رفضت هذا وراح فال سبيله. والي تحبينه يجي امه و يتكلمو مو خطبة رسمي على الاقل يطهرو فالشاشة خبره انج بتنخطبين نو انا اتوقع الي تحبينه. افضل من اليماتعرفينه

[mini_bunny]

انا من رأيي صلي استخاره والله يوفقج وهذي الي يباج مب انتي الي تبينه ولو يباج صدقيني بيتحدى الدنيا عشانج وانتي لا توقفين نصيبج صلي استخاره استغفري لا تاخذين قرار وكلي امرج لربج والله يوفقج

[شـوشـو.]

والله ماعرف شو اقولج .. الله يقوم ابوه بالسلامه بس مادري يعني من وجهة نظري صح ابوه مريض ومب حلوه ولده يعرس بس دامه يبييج ع الاقل امه ترمس امج انهم يبونج للولد واييون يلبسونج شي يعني تكونين محيره للي في بالج ( انتي قوليله هالشي ان رمس اهله و وافقوا ) رمسي امج عن ها وهذاك رفضيه بس طبعا بعد ما تتأكدين من صدق كلامه ونيته ( وهذاك امج بتعرف كيف تصرفه ) .. والله يكتب لج اللي فيه الخير .. واذا حسيتي ان حبيبج ما تحرك ولا ما سوى شي ماعليج الا انج توكلين امرج لله وتستخيرين واللي فيه الخير باذن الله بيصير .. واذا بتقولين هاك ماحبه وماعرف شي عنه وغيره ان شاء الله الايام بينكم وبتعرفينه وبتحبينه وبتصونينه وان شاء الله تعيشين وياه احلى عيشه ..

المشكله امه تقوله اصبر ابوك ف المشتشفى .. يعني هي مب راضيه ترمس هليه><
وانا مستحيل افتح السالفه لا امي لانها ماراح توافق وتعصب بتسويلي تحقيق ><
والله متشتته موكله امري لربي ..! دعواتكم

[شـوشـو.]

شفتج راده ع موضوع وقريت توقيعج ودعيت لج ..
وبالصدفه دخلت الموضوع وقريته وبعدين انتبهت انج شوشو ..
انتي في موقف صعب ..
انا اقولج عطي نفسج فرصه اسبوعين ولا تردين ع الي خاطبنج حاليا ..
ابغيج تتأكدين من كذا شي ..
اولا هل الي تحبينه فعلا ناوي يخطبج وفعلا في الحقيقه انه ابوه في غيبوبه ؟!
حبوبه تأكدي من صدق الريال من جذبه ما تعرفين في ريايل يتعلثوون بأي شي بس عشان يسكرون سالفه العرس وطاري العرس ..
ابوه في غيبوبه شو يمنع انه امه تكلم امج مجرد كلام ع اساس تمهيد ؟؟!!
انا انصحج واشوفج مثل اختي ما بقولج اصبري ع الريال لين يقوم ابوه من الغيبوبه اذا صدق ...لانه محد يضمن حد في هل الزمن بتنتظرين شخص مب ضامنه انه بيخطبج ؟! صعبه الخذلان ..باجر يوم بيشبع من العلاقه هذي بسير بيدور ع وحده ما يعرفها وبياخذها وحزتها انتي بتندمين ع كل لحظه تريتي فيها شخص خذلج ...
صلي استخارة وربي سبحانه بيدلج ع الطريق الصح ..
انتي تبين الحلال كلنا نبا الحلال ..بس مب بهل الطريقه ...مب بالمسجات ولا بالسوالف ولا بالحب ...حطي قلبج بعيد شوي وفكري بعقلج واستخيري ترى الاستخاره تفتح لج ابواب تكتشفين من بعدها اشياء واشياء كنتي غافله عنها ..كان عندي موضوع من سنتين تقريبا ابغي اسويه واستخرت وحلمت كم حلم ما يخصه في موضوعي بس قلت بتوكل ع الله فعلا كنت احاول اخلص هل الموضوع وادز عمري واحس بشي يردني يتصلون فيه وانا مسافره كنت ما ارد عليهم ولا لي خااطر اشوف شو صاار بموضوعي ...بعدها يتني حاله ما يعلم بها غير ربي وحزتها قلت الحمدلله لو انا مكمله اللحين موضوعي كنت بعيش بضغط نفسي + ضغط الحاله الي كنت فيها ...
رجعت هل السنه استخرت وقدمت اوراقي مره ثانيه في مكان ارتاح له وتسهلت اشياء الحمدلله ...
ربي يجدم الي فيه الخير ..
من ترك شيا لله عوضه خير منه ..

مشكوره فديتج..!

هو وايد تاخر من متى اقوله تراني احس اني بنخطب ويقولي اصبري اصبري صبرت واليوم الناس خطبوني حسيته تحرقص ومب عارف شو يسوي .. وكلم امه تقوله اصبر.. ومتاكده ان ابوه ف المستشفى..!

اليوم شفت الريال ف النظره الشرعيه حسيت براحه فيه سمات الالتزام بسسس قلبي متعلق ف الثاني انا مابي اتزوج وباجر افكر ف هذاك ومابي يدخل فيني الشيطان واغلط والله مابي ..!

كل مااقعد بروحي بالغرفه اصيييح تعبت مخي مفتر ياريتني ماحبيت ><

وصح كلامج بس وايد وايد حاولت انسى واغلق فوني بس تعودت عليه سنتين

الله كريم مااعرف شو اقووول

بس كلامج واقعي بسس انا حماره ><

[شـوشـو.]

قولي للي خاطبنج
اذا يباج يخطبج عقب التخرج

وتريي اللي تحبينه
بس قبل لا تردينه تأكدي ابوه فغيبوبه ولا لا
اذا كلامه صحيح ولا لا
اذا لا وافقي عاللي خاطبنج اذا كان زين

واذا كلامه صحيح
قوليله بس امه تكلم امج
وتصير بينكم زوارات عسب تعرفون بعض اكثر (العايلتين)

لين ما ابوه ينش بالسلامه وتخبرونه وتملجون

المشكله اهلي كيف اتصرف معاهم يعني يستوي اقولهم مارتحت للريال عسب يرفوضونه

وبقوله يرمس امه مرثانيه واذا قالي مارضت بقوله برايك بس قلبي متعلق فيه><


مشكوره حبيبتي

[شـوشـو.]

الاستخاره ختيه

عليج بالاستخاره

والله يكتب لج الخير يارب وينولج اللي في بالج

امييين يارب بستخير وايد تسلمين اختي

[شـوشـو.]

المشكله الحين اكبر من جي. لا. يجوز. خطبة المسلم على اخيه المسلم. الا اذا رفضت هذا وراح فال سبيله. والي تحبينه يجي امه و يتكلمو مو خطبة رسمي على الاقل يطهرو فالشاشة خبره انج بتنخطبين نو انا اتوقع الي تحبينه. افضل من اليماتعرفينه

الله يعيين المشكله اهله محد مسوله سالفه لان ابوه وايد وايد تعبان يقولوله مب وقته ><
وانا الضحيه

[شـوشـو.]

انا من رأيي صلي استخاره والله يوفقج وهذي الي يباج مب انتي الي تبينه ولو يباج صدقيني بيتحدى الدنيا عشانج وانتي لا توقفين نصيبج صلي استخاره استغفري لا تاخذين قرار وكلي امرج لربج والله يوفقج

صح كلامج انا قلت ف خاطري لو ماضحى عشاني هو الخسران مع ان الخاطر يبيه بالحلال

بوكل امري ل ربي دعواتكم

[إآٌحسآس نمله]

{وصح كلامج بس وايد وايد حاولت انسى واغلق فوني بس تعودت عليه سنتين }

حبيبتي غيرج عاش قصة حب اكثر عن 10 سنين وكملوا حياتهم اذا ما صار نصيب .. صح يمكن قلبج بيحن له ولا شي بس ها يعتمد عليج انتي .. ماماتي انتي ما نولدتي وانتي تعرفينه ولا تحبينه ( عشتي بلياه ترومين تعيشين بلياه هو لا نفسج ولا صاحب رزقج ) يعني الموضوع يباله عزيمه واصرار و اتخاذ موقف .. واسهل طريقه عشان تنسينه وتكرهينه بعد ( انسي كل شي حلو صار بينكم ، اذكري كل سلبياته ، كل شي مب زين فيه كل ما يطري على بالج تمي رددي الاشياء اللي مب زينه ، واذكري اخس المواقف اللي صارت بينكم اللي حسيتي فيها بندم انج عرفتي هالانسان ) سوي هالشي ومن ناحيه ثانيه / ربي يتمم لج على خير / ان صار النصيب اللي بيكون ريلج ابد لا تصدينه ، في بداية الامر بتحسين بصعوبه بس مثل ما عودتي نفسج على هاذاك عودي نفسج على ها ،ان شاء الله مع الايام بتحبينه وبتنسين هاذاك وان شاء الله يكون لج ( الاب ، الاخ ، الزوج ، الحبيب ، الصديق ) وان شاء الله يكون الانسان اللي كنتي تتمنينه عسى ربي يعطيج على قد نيتج .. فتره وتعدي حبيبتي و الله يوفقج ..

وموضوع تغلقين فونج ( قولي لاهلج ابا اغير رقمي واذا حسيتي انهم مابيرضون شي خطه بديله وان شاء الله تنجح ، آممممم يومين ع الاقل تعلثي فونج خربان وسألي اخوانج خواتج عندكم فونات زياده فوني خربان وابا اوديه المحل المهم قولي هالشي ومن بعدها سيري حجرتج وكسري البطاقه وبطلي فونج قطعه قطعه وخليه لمده وشليه وهو مبطل سيري جدام اهلج انج تبين تعدلينه وخليه مال 10 دقايق جي / وسوي عمرج تعدلينه مب تخلينه مبطل وعقب تردين تركبينه يعني عابلي فيه / وعقب ردي ركبيه ودوري على البطاقه وجلبي البيت عليها بيكون عندج حلييين يا اطلعين بدل فاقد ولا تاخذين لج بطاقه ثانيه )

[شهد123]

بقولج شي واقع كل بنت تعرفه وقصص كل مره تتكرر وترد البنت تقول هوه صادق ويحبني والين ما ايرها فالحرام ما اتوب بعدها تطلب انه حد يدور لها حل..
هذا واقع معظم البناااات..
بسألج انتي من سنتين تعرفينه ما فكر يرتبط فيج ليش..؟ ولو برمسه والا يوم صار وقت الجد ظهر ابوه مريض وقد يكون مريض بس الي ما يرضى ع خواته انه تسوي الغلط ما برضاهااا لج يعني حتى لو بتقولين قبل سنتين ما كان يشتغل اقل مافيهااا كان ارتبط فيج ولو برمسه يعني يحيرج الين ما يخلص ويشتغل هذا في حال كان ما مشتغل قبل سنتين..
عزيزتي ان كان هالشخص ريااال ونعم فيه تراه ياج من الباب الجدامي وبالحلااال يعني ما وصلج بطرق ثانيه اتقي الله في نفسج وان كنتي مرتاحه لهذا الشخص او ما تحسين بشي يوم تصلين استخاره توكلي ع الله ولعله خير لج من رب العالمين لا تسيرين فالحرام او تستمرين بالغلط يوم انه تقدم لج هالشخص..
ومافي شي مستحيل ع رب العالمين يعني الي يبا الصلاه ما بتفوته انتي اذا تبين تنسينه وتتركين الامر الي في معصيه بتقدرين..
وربي يسخرج الي فيه خير لج والسموحه..