حركه حق اللي بيعرسون جريب

[إآٌحسآس نمله]

السلام عليكم ورحمة الله وبركاته ..

حبيباتي اللي على ويه عرس عندي لكم حركه حلوه يمكن تعرفونها ويمكن لا المهم انا بقول اللي عندي وان شاء الله تعيبكم ..

هي الحركه حق لبس الشبكه >> بدال هاللويه اللي تستوي على الكوشه خوات العروس والمعرس كل حد في صوب عشان المعرس يلبس العروس ما يسوى عليهم مساكين ..

المهم الحركه تقول يعني تكونين انتي ـ العروس ـ مرمسه الكل وحتي ريلج ومفهمتنهم اللي تبينه .. المهم يعني اكيد الشبكه تكون على صوب ومزينه اتسيرون صوبها / العروس و المعرس / والمعرس يشل كل شي بروحه حبه حبه ويلبس العروس .. وهي تساعده ( يعني مثلا حق السويره تيودها وهو يسكرها ، العقد هي تيوده وهو يسكر يعني جي بس ماتمد ايدها ع الشبكه وتشل وتعطيه خله يعتمد على نفسه من اول ليله هع ..

بس ملاحظه { لا اهل المعرس ولا العروس على الكوشه } عشان يبين يوم المعرس يلبس العروس الصراحه حركه وايد حلوه يعني تكونون رواحكم ع الكوشه شي جدا رومنسي احلى شي يوم العروس تستحي هع دخلت جامد المهم هاي الحركه ..



الله يتمم على الكل ويرزقكم بالذريه الصالحه ..


تحيآتي ( إآٌحسآس نمله )

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية