بيوت الفلاح

**ام مهاراى** · 2013-08-14, 15:36

مرحبا خواتي انا الحمدالله استلمت بيت من بيوت الفلاح اللي هوالتصميم التراثي ولكن انا عدد افراد اسرتي مع الخدم 15 وبيتي هذا كبير جدا ولكنه اجار ومساحة البيت 200*200 ومساحة الغرف 4.5*5 يعني معقولات ولكن بيوت الفلاح المخزن اللي عندي اكبر منه ابا مساعدتكن لي شو اسوي في هذا البيت كيف اعدله كيف ازيد فيه شو اكسر وشو اخلي والله محتاره بعد كل هذا الصبر طلع البيت صغير علينا شو تنصحوني راسي يعورني ومش هاين علية اطلع من بيتي هذا قلبي يعورني

المزيد من آخر المواضيع من نفس القسم:

**WATMOR** · 2013-08-15, 08:27

UUUUUUUUUUUUUUUUUUUUUP

**طاغية الأنوثة** · 2013-08-15, 09:36

حبيبتي انتي أدرى وأعلم بالأشياء اللي تناسبج على سبيل المثال:
مثلاً عددكم ما شاء الله 15 يعني حاجتج لغرف النوم مهمه جداً بالنسبة لهالعدد ترومين تستغنين عن غرفة طعام + مجلس رجال ممكن تحولينهم غرف نوم
وتسوين مجلس خارجي للرجال
ممكن تاخذين جزء من الهول الخاص فالبيت وتوصلينه بالستور وبيستوي عندج مساحه أكبر
طبعاً كله هذا يعتمد على تقسيمة البيت وكيف أصلاً علاقاتكم الاجتماعية يعني لو اييج زوار وايد أو قليل عسب تتصرفين بالمجالس
وألف مبرووووووووووووووووووووووووك وان شاء الله بيت عامر بالأفراح والمسرات

**عروسة المملكه** · 2013-08-15, 09:48

انا بعد الحمدالله طلع لنا بيت في الفلاح البيت الاندلسي 5 غرف وحابه اعدل في البيت بس مو عارفين النظام من متى اقدر اعدل في البيت الي تعرف تفيدنا

**نبض الشارقة** · 2013-08-15, 10:31

رررررررفع

**مندوبة جدة** · 2013-08-15, 11:33

عساها بيوت عاامره ياارب

**سنفورة أبوظبي** · 2013-08-15, 12:57

المشاركة الأصلية كتبت بواسطة عروسة المملكه

انا بعد الحمدالله طلع لنا بيت في الفلاح البيت الاندلسي 5 غرف وحابه اعدل في البيت بس مو عارفين النظام من متى اقدر اعدل في البيت الي تعرف تفيدنا

هيه اختي نحن بعاد طلع لنا مثلج ع الشكل الاندلوسي و5 غرف بس هاااا انتبه لا تكسرين اي شي الا بعد سنه من اخذتوا المفتاح لان البيت حاليا يعتبر عليه ضمان لمدة سنه واذا كسرتي شي الضمان بيضيع عليج يعني انتبهي وصح مبرووووووك حبيبتي ع البيت

**كتكوتة حبيبي** · 2013-08-15, 13:12

البيوت ضيقة وصغيره والكثير تنازلو عنها ما بغوها

**بنت الطموح** · 2013-08-15, 14:26

مبروك عليكم البيوت اليديدة خواتي يبن مقاول شاطر وهو عنده افكار شو تزيدين وشو تكسرين يعني العايله الكبيرة تخلي البيت غرف نوم ويبنون خلف البيت المطبخ والستور وغرفة الغسيل وغرفة للشغالات وأمام البيت المجلس وتوابعه والجراج بالتنظيم يطلع البيت كبير

**بنت بن غليطه** · 2013-08-16, 15:16

أنا بعد طلع لنا من الطراز العصري وودي اسكن بسرعه بس بنسوي ملاحق برع والمطبخ بدمجه ويا الصاله وبنغير شئ من الحمامات ولازم الديكورات

**emaniii** · 2013-08-17, 06:17

بالعكس البيوت وايد حلوه وتصاميمها حلوه والله الواحد يحمد ربه انه محصل بيت في ناس يتمنون هالبيوت وانهم يتنازلون عنها هذا دليل انه مو محتاجين وغيرهم اولى بصراحه ماحد يرد النعمه

**greengreen** · 2013-08-24, 04:49

up upup

**still night** · 2013-08-25, 14:24

حبوبة اذا مب مرتاحة رديه وطلبي تحويل الي ارض بها خدمات وابني بيت العمر على كيف كيفج والله يوفقج

الموضوع: بيوت الفلاح

أدوات الموضوع

عرض