صالون غاردينيا والكيراتين

[ام وديمه22]

السلام عليكم
انا حجزت موعد عند صالون غاردينيا في العين أبى أعالج شعري وايد اتضرر من سحب اللون عقب ما صبغته قام يتكسر مثل الخيوط تعبت نفسيا لانه شعري كان ناااااعم وكثيف الحين برد اعالجه بالكيراتين القولد أبى فزعتكن يا بنات العين شو رايكن في الصالون وشو أسعاره ؟! اهم شي شعري يرد نفس قبل

المزيد من آخر المواضيع من نفس القسم:

• روتين العناية بشعر المحجبات
• خلطة لتنعيم الشعر المصبوغ والتالف أقوى سر...
• ابرز فوائد غسل الشعر بالماء البارد
• افضل خلطات تكثيف الشعر امنه وفعالة
• فوائد فرشاة تدليك الشعر
• فوائد بذور الحلبة السحرية للشعر
• اسباب وطرق علاج جفاف الشعر اثناء الشتاء
• طريقة العناية بالشعر المصبوغ
• طريقة عمل شامبو طبيعية للشعر الجاف
• طريقة تثبيت لون صبغة الشعر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شذى الليلك]

للرررفع

[فوعة الفلي]

لا لا تسوين عند غاردينا انا اول مرة سويت عندهم عجبني شعري وحتى كتبت عن الصالو ن فالمنتدى ولكني للأسف والله اني انغشيت منهم انا اخر مرة سوتلي انا جربت عندهم واستمريت فترة طويلة بقولج شو الفرق بينهم وبين الصوالين
هذا الصالون يوم يرد يسويلج كيراتين يسوي للجذور بس وهذا غلط لانه الجذور تتفتح ويصير لونها فاتح ولو تلفين كل صوالين الامرات محد بيوافق على انه يسوي للجذور فقط وهي تريد توفر على نفسها استهلاك الكيراتين
ثاني شي: اسعارها وايد غاليه وخيالية
ثالث شي بعد مداومه تقريبا 9 شهور عندهم رحت اخر مرة عندها وسوتلي للجذور فما اعرف شو حطت يمكن تمليس ماعرف المهم كريمين حطت لي وتم شعري يتحارق والله والله اني تقريبا تميت اسبوع كامل وشعري مثل الجروح فيه ويعورني والله كنت مانام الليل وكلمت راعية الصالون رانيا وقالتلي والله احنا مابنغش،و يوم سالت صالون ثاني قالولي حطتلج تمليس اصلا والتمليس يحرق الشعر.ماقول غير حسبي الله ونعم والوكيل فيهن والله انهن ماديات واايد اول ماسويت عندهن قالن لي ب3000 من غير حمام الزيت تقولج ب400 والله اني رحت صالون ثاني وحصلت عندهم نفس حمام الزيت وقالن لي ب100 شوفي الفرق؟!!

والله العظيم يوم تسالينهم شو نوع الكيراتين او شو نوع كريمات تنظيف البشرة يقولون لج سر وكله سر عندهم

اتمنى اني افدتج بتجربتي

[فوعة الفلي]

اذكر اختي صبغت عندهم وسوته لها ب700 درهم وماطلع حلو ومايضبطون اللون اللي تبينه يقولون لج نحن الوحيدين عندنا ماركة المانية ووايد غاالي

[أم موضي]

الصالون اسعاره مبالغ فيها وغير انه شغلهم مب حلو...

بس كلام يقطر عسل

[عيناوية مررة]

حراام عليكم شو هاذا حرب قاعدة تقوم على هالصالون !!!!!!!!!!
ياختي فعلا صدق إلي قال " إلي مايطول العنب حامضن عنه يقول "

[ام وديمه22]

غريبة مع انه هالصالون سمعته وايد اوكيه وايونه من دبي بعد

[ام وديمه22]

سويت عندهم صراحة نتيجة واااااو حتى لو سعرهم شوي غالي ع الأقل ادفع واطلع من عندهم وأنا مستانسة

[ميميه88]

والله انا ابدا ابدا ما ارتاح له مع اني ماجربت منه
وبعدين ترى قالت لج الاخت اول شي استانست عليه وخلاف صارت لها هالبلاوي
روحي اذا تبين لاروشا يمدحونه

[أفا]

والله انا ابدا ابدا ما ارتاح له مع اني ماجربت منه
وبعدين ترى قالت لج الاخت اول شي استانست عليه وخلاف صارت لها هالبلاوي
روحي اذا تبين لاروشا يمدحونه

أفااااااااااااااااااااااا دامج مش ميربة عندهم ليش تذميهم مع إنج مشرفة ومسؤولة عن كل كلمة او تعليق تقولينه
عن نفسي انا بعد مش ميربة شغلهم ولا أشجع الكراتين للي شعرها مايحتاي له

[محتاااارة]

سويت عندهم صراحة نتيجة واااااو حتى لو سعرهم شوي غالي ع الأقل ادفع واطلع من عندهم وأنا مستانسة

مبروك عليج يالغلا ترى هالصالون أحسن صالون يسوي الكراتين لكن لاتنسين يباله عناية عسب تحافظين عليه فشعرج