الغيرة تذبحني

**دوا جروحه** · 2013-08-04, 17:30

مرحبا خواتي ،، شحالكن؟؟
فخاطري أتخلص من هالغيرة الزايدة على زوجي بس مب عارفة كيف والله تعبت أغار عليه من كل شي ،، دوم فيني خوف ان وحدة تأخذه مني مادري شو أسوي ،، حد يساعدني أبا حل

حتى اني بديت أفقد ثقتي بنفسي

المزيد من آخر المواضيع من نفس القسم:

**ام ريوما77** · 2013-08-04, 18:27

من كثر ماتحبينه تغارييييين بس انتبهي لا يخرب بيتج هذا الغيرة

حلوه الغيره بس إذا زادت عن حدهااا يكون ماله طعم واهم شئ خليج واثقه من نفسج الريال

ا يحب الحرمة اللي واثقه من نفسها

**مراسيل الوفاآ** · 2013-08-04, 20:12

دايما حطي ف بالج منو اللي بيخسر لو استوى
الشي اللي ف بالج الله لا يقول، انه ريلج ياخذ
وحده ثانيه والتفتي لنفسج لانه لو صار هالشي
ما بتنفعج الا نفسج، ف حاولي كل ما تغارين
تشوفين السبب هل فعلا يستاهل الغيره و ع طول
تناقشي ويا ريلج ورمسيه قوليله فلان احس بغيره
لانك جي سويت او جي استوى اما اذا السبب ما
يستاهل وانتي مكبره الموضوع استغفري وتقربي
من ريلج اكثر بس ابتعدي عن المشاكل بسبب غيرتج
الزايده لانها اتطفر الواحد وتوقعي يي يوم وريلج
يقولج مليت من غيرتج ! ف دايما فكري ف نفسج
ثم ريلج والغيره حلوه لكن لها مواقفها . .

الله يوفقج

**Jasssy** · 2013-08-04, 20:27

السلام عليكم ورحمة الله وبركاته

الله يخلصك منها يا أختي
هلهناك أسباباً معينة؟ إن كان هناك داع لشكك فالأفضل أن تعالجي المشكلة من أصلها، وليس أن تفكري بالغيرة نفسها.
أما إن كانت مجرد شكوك من لا شيء وليس لها أصل أبداً فالأفضل أن تتعوذي بالله منها لأنها هي قد توجد طريقاً لتبرر نفسها ! وقد يفتح باب ليس له داع.
بعض الرجال يقولون: صارت وصارت ما تفرق
الله لا يجعل زوجك منهم إن شاء الله
اشغلي نفسك بشيء خلال حياتك، أبعدي الأوهام (إن كانت أوهاماً وليست حقائق!) عن بالك، كلما خطرت لك فكرة غيورة حاولي الانشغال عنها وأبعديها.
زادكم الله تفاهماً ومحبة وثقة ببعض

بالتوفيق

والسلام عليكم ورحمة الله وبركاته

**شعاع امل** · 2013-08-04, 22:01

ياختي الغيره بصراحه شو اقول عنها؟!

انا ماجربتها لاني مب متزوجه بس

يمكن الكل يعرف قصتي يوم كنت اشتغل

زوجة المدير كانت تغر على زوجها

فكانت كل يوم او يومين في المكتب عنده!!!!!!!

وحاله صعبه حتى الموظفين الرجال لاحظوا هذا الشي

واحد كانت متضارب وياه والا اشتغل يقول حرمته الله وكيلك فيها مرض كل يومين وثاني عنده

انا ماكنت ملاحظه بس بعدين لاحظت

فالغيره شي مزعج

حتى كانت في وحده كانت متقدمه لنفس وظيفتي وكانت عندها شهادات احسن عني

بس ماقبلتها مااعرف شو السبب كان

بس طبعا هي ماتعرفها ولاشي حتى تدريب او تجربها ماخلتها تجرب

وانحطيط انا بدالها وخذيت كل المشاكل

فالنصيحه لازم الغيره تكون في محلها

صح هي حلوه بس لازم يكون في كنترول

**دوا جروحه** · 2013-08-04, 23:12

مشكورين خواتي والله أنكم اتبردون القلب وما يخيب الظن فيكم ،، اشكر كل وحدة مآذن شنني وردت عليه لو بدعوة من القلب

**ماحد شراتي** · 2013-08-04, 23:50

حبيبتي الغيره غريزه موجوده فبني البشر
حاولي قد ما تقدرين تسيطرين عليها
يقولون الغيرة الزايده نابعه من عدم ثقه يا اما في نفسج او في ريلج
تحملي لا تحسسية فهالشي
الله يسخره لج ويهدي بالج ان شاءالله

**#وجدان#** · 2013-08-07, 15:50

اختي تابعي الدكتور صلاح الراشد ،،
فيه قاعده الشي الي تخاف منه بيصير لك ،،،، مثلا نخاف من موضوع او نخاف اتصير مشكله معينه ونركز ع هالموضوع ،،، وبعد سنوات اتصير لنا المشكله ...

انتي لازم تغيرين تفكيرج وتحسنين الظن بالله ... وخلي افكارج اجابيه

**MissRose** · 2013-08-07, 21:58

حطي في بالج حاجه وحده الشي لو زاد عن حده ينقلب ضده
يعني الغيره الزايده اطفر الريال وتشرده اوكي الغيره موجوده لكن لاتحسسينه انج فاقده الثقه فيه تحملى
انا انصحج تراجعين نفسج اكثر وتفهمين انه مب لصالحج تغارين هلكثر
والله يوفقج يارب بحياتج

الموضوع: الغيرة تذبحني

أدوات الموضوع

عرض

الغيرة تذبحني

المزيد من آخر المواضيع من نفس القسم:

رد: الغيرة تذبحني

رد: الغيرة تذبحني

رد: الغيرة تذبحني

رد: الغيرة تذبحني

رد: الغيرة تذبحني

رد: الغيرة تذبحني

رد: الغيرة تذبحني

رد: الغيرة تذبحني

المواضيع المتشابهه

الغيرة مرض

الغيره تذبحني

يا أذبحها و لا هي تذبحني

القهر بذبحني الحقوني ؟؟؟؟؟؟؟؟؟

قيل عن الغيرة ...