تقول لطليقها ..... فديتكـ

[مراسيل الوفاآ]

حرام لانه ريال غريب
ومب شرط اذا الحرمه
قالتها لريال يعني معطنها
مجال يمكن عادي عنده
يعني ما يحس ب شي يوم
تقوله هالكلمه ويمكن يستحي
ويمكن متعود ع هالكلمه منها

وبخصوص انهم كارهين بعض
اذا هو معرس يمكن تبا تقهر
حرمته او تتقرب له لا اكثر
والحل اذا عندهم عيال انه التواصل
يكون بين حرمه الريال وطليقته افضل
من انه يكون دايركت بينهم . .

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملكة الاحاسيس]

امكن لسانها اتعود عالكلمه
انا اتكلم معي اي حد اقوله حبيبي ههههه سارت عاللسان
وتورطت بمواقف الله يستر بس

[قلوب حلا]

اكيد هو عاطنها مجال ولا ماقالت له فديتك والله يعلم شو يقولون من وراج يامسكينه ههههههههه

[قلوب حلا]

وماتدرين يمكن ناويه تتزوج وتطـلق ترجع له

[ام مصطفى..]

والله تبين الصدق ماشي حيا ف هالزمن كل شي صصار عادي ..
وها طليقها وفي ناس يقولون لواحد غريب هالكلمه .. !! الله الهاديييييييي ..

[غلآ نفسي]

مطلقنها بالثلاث وما في مجال يردها

يمكن طنازة قالت له فديتك مثلا انا يوم مب عايبني الوضع اقول مثلا (( لا فديتج مب جي )) مع اني مثلا كارهه هالبنت

فهمتي علي ؟

[ام ريوما77]

نحن حريم كبار وعاقلااااااات يعني الوحدة تفكررر هل يصير اتفداااا واحد صار غريب علي

بعدين كارهين بعض حق شوووو تقوله فديته كيف جي مااايركب

[مالتيزرس]

?‏?لِْـِّْ?????ـِّْاِْ تعليق.

[Pheno-m-enon]

يمكن هي متعودة تقول هالكلمة و يمكن حتى لو طليقها.. بس مثلا رمسها حق شي معين او هي رمسته حق شي معين و حنتله
نحن ما نعرف شو مشاعر الحرمة.. بالنسبة للحلال و الحرام.. هو يعتبر ريال غريب عليها احينه
شي حريم رياييلهم كانوا يضربونهم او يشربون و بعد يحنون من تشوفه او تسمع صوته
يعني ما نعرف شو نية الحرمة = )

[هماليل]

ثاااااااانكس خواتي ع الردود الطيبة
وصحيح إن لم تستحي فافعل ما شئت
وبالفعل يمكن لسانها متعوّد على هالكلمه خخخخخ

وبالنسبة للإخت اللي قالت
(الله يعلم شو يستوي من وراج ويا مسكينه وما ادري شو)
ترا انا ما اتكلم عن نفسي
عن واحد من عيال خالتي مطلق حرمته
وهو شرات اخوي يفضفض لي دوم
وبالعكس يا لييييييييييت يردون حق بعض
وأنا أحاول وياه من كم شهر
خاصة إن عندهم عيال مثل العسل فديتهم

أما انا حياتي ولله الحمد خاااااااالية من الشوائب
ههههههههه يعني من المشاكل ولله الحمد والمنة
ربي يبعد عنا الحساد وعيال الحرام
وحياتي منورينها زيودي الغالي وأبوه ربي لا خلاني منه فديته
وعايلتي الله يحفظهم لي ظهري وسندي

[فنــــــــدوه]

يقول الشاعر: سالـم محمـد الجـمـري
إن بـغـنّــك قــالــن الـغـالــي فـــــداك ... وان جـفـنّـك حـالـتـك حــالــة يـتـيــم
يعني بالعربي حنت لطليقها

[cute uae]

في ناس متعودين ع كلمه فديتك

يمكن لسانه ماخذ ع هالكلمه عرفتي


بس الموضوع واقف ع كلمه فديتك و لا زايد اهني بتعرفين اذا هي تقصد شي و لا بس كلام

[ام زايدالغالي]

يكتفى الموضوع من الردود
يغلق