ضروري خواتي بغيت فزعتكم

[غزال الشمالي]

مرحبا خواتي انا عندي مشكله ويا ريلي وصلت الحين محكمه الاصلاح الاسري يبا يطلق ,,

بدايه موضوع

هاي ثالث مره يمد ايدينه عليه يضربني وانا ماسكت سرت المستشفى عشان ايب تقرير , وسبقني واشتكى عليه فالمخفر الشارجه بلاغهروب اتصلوا عليه المخفر قلتلهم انا فالمستشفى قالولي ريلج امقدم بلاغ قلتلهم ان شاءالله بي سرت المخفرواتصلوا فيه ويا وكتبوه ع تعهد وطلعنا وكان بيوديني بيت اهلي انا مابغيت اسير الانهم ماخذين بنتي عني , المهم سار سيده المحكمه قدم ع طلب الطلاق دخلونا عند اصلاح اسري عطونا موعد كان الارعاء الطاف ورمست وهوه رمس ماخليت شي ماقلتله المهم المصلح قال كلكم غلطانين انته وهيه الحين خلاص رد لحرمتك وبيتك وعيالك هوه هب راضي عطونا موعد بعد العيد .. اول ماطلعت من محكمه اتصل فيه تم يهدد والله بطلقج ما اخليج ماباج صكر فويهي .. رمست بالزين قلتله فكر 100 مره عشان البنت حرام عليك يقولي الله لها انشاءالله ..خوااتي واايد يقول كلام موب زين يقولي انتي مستريله وانتي خبيثه وانتي هب متربيه ,, وايد ضايقني هالكلام تخيلوا خواتي موب مخلني اسير السوق اخذ للعيد ولا اسير الصالون حتى الدكتوره مايخليني اسير اكتشفت اني حامل وكنت حاطه فبالي مايستوي طلاق بس طلع يستوي بس العده تكون 9 شهور ,, خواتي انا خلاص كرهته وكرهت اسلوبه ومعاملته لي الطلاق ارحملي , والله ادعي انه بعد العيد يطلقني ويفكني منه , ع فكره انا الزوجه ثانيه له .

وانا فالشارجه وموضوعي فالمحكمه الشارجه لوحد يفيدني زين

اتريا ردكم .. بس بدون الي بيقولي انتي خذتيه من حرمته اولى وتحملي الي بيج ,, انا ماقلتله تعال خذني هوه كان مشاكل ويا حرمته وبغى يعرس

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[معاذير20]

اختي ... دام هذا كلامه ... اشوف مافيه خير
الرسول يقول
خيركم خيركم لاهله
وهذا حتى بنته عايفنها
و شكى عليج بالشرطه لبا افهم شو تترين م واحد بهالمستوى

عادي بكره يتبلا عليج بشي ثاني
ودريه هذا فراقه ابرك

ولا ريال يقول لبنت ناس انتي هب متربيه؟
الا كلن يشوف الناس بعين طبعه

[نسايم روح]

الله يهديه ويسخره لج

[نواري الشامسي]

الله يهديه ويسخره لج

[جوهره خالد]

صلي صلاه استخاره وبترتاحي ان شاء الله

[A+k]

الله يعينج ويفرج همج

[ام زايدالغالي]

اللي يدخل حرمته للمخافر هذا مافيه خير

[ضياء الايمان]

يشتكي ? حرمته مب ريال هآ

[تاجرة خلطات]

الله يعينج حبوبه

[Leona]

شو قال للمخفر يوم اشتكى عليج؟
بس صدق واحد يشتكي عليج, لو اخوج ابتعدي عنه لول

[إآٌحسآس نمله]

بخصوص انج زوجته الثانيه وتحملي ،،هالكلام غلط وبعدين هالشي نصيب وانتي مالج ذنب فيه ،، ومب معناته زوجه ثانيه انهان وانسب وغيره واتم ساكته حتى لو كنتي العاشره في حياة زوجج حقج من حق حرمته الاولى الشرع يوم حلل 4 حلل بالانصاف بعد المهم ماعلينا ..

شوفي مهما كانت عيوب ريلج صبري مب عشانج عشان العيال لان الزمن صار يخوف واااااااايد ف انتي ادعي في هالايام المباركه وعسى ربي يسخره لج ويهديه .. وعن الاهانات والكلام اللي هو يقوله في ريايييل من النوع اذا الحرمه ترد عليه بنفس الكلام اللي يقوله مع الايام يسكت ف انتي درسي ريلج وشوفي هو من اي نوع وكيف تقدرين توقفينه عند حده واذا تعبتي وحسيتي ماتقدرين دخلي حد من اهلج واهله بس يكونون ريايييل وان شاء الله مابيصير الا كل خير ..

موضوع انج ادخلين حد من اهلج لا تقولين مابا وغيره و لا رمست بس ماصار شي ، انا كنت مثلج بس ريلي كان وايد يشك ويضربني ، بس من آخر مره ضربني دخلت اخويه ف الموضوع ، واخويه قالي لازم حد من اهله بعد يعرف المهم صار الصلح والتفاهم وكل منا قال كل اللي ف خاطره كنت انا وريلي واخويه واخوه طلعنا تعشينا وسرنا ع البحر وهناك صار الكلام الجامد ف انتي شوفي وفكري عدل واستخيري ..

والله يوفقج ويهدي لج زوجج ..

[أم برلنتي]

أحسن افتكيتي منه

ربي يعوضك خير يارب

افضل حل معاه الطلاق

[بنت زاايد]

صلى الاستخاره والخيره فيما اختاره الله....

[بنت عقيد]

انتي في ايام. مباركة. صلي وفي كل ركعه ادعي انه ااذل فيه الخير في دينك و دنياك وعاقبة امرك ييسره لك واذا مافيه خير يبعده عنك
وخلي الامر لله. فوضي امرج لله. وبتشوفين. يا الطلاق مر بسرعه. او ردك البيت.
بس حاولي تعرفين وين الخلل. مانقدر نقول انك على حق ولالا القصه مب مكتمله.
اذا رحتي المحكمة كوني هادية لا تتراددين وياه جدام القاضي

[Cobon]

احتفظي بكل التقارير و قدميها للمحكمة
و دوري لج محامي شاطر
و طالبي بكل حقوقج ( نفقة - نفقة عيالج - مسكن خاص بعد الانفصال لا سمح الله - حتى لو هو ما كان يصرف عليج طول الشهور طالبي فيها - ولو ساعدتيه بمبالغ معينه طالبي فيه )

اليوم ضربج و اللي عقبه اشتكي عليج في الشرطة شو انتي بشكارة شاردة
ما عندج اخوان اهل سند يوقفون ف ويهه شوي و يصلبونه