محتااااااره!!!

[ام محمد @@@]

السلام عليكم خواتي,,
اكتب وانا قلبي يحترق,
طليقي كان يقول انه ماراح يتزوج الا عقب 5 او 6 سنوات
بس امه تبا تقهرني و خطبت له وقالوا لهم اهل البنت انهم يتريون شهرين وهذا اللي برد قلبي شوي,لان امه قالت لهم نبا بنتكم
و مستعيلين , عبالها بنات الناس لعبه وان ولدها خلااااص ما يحتاي البنات يتريووونه على نار هم واهلهم.
هم خبروهم هالشي عشان ينشدون عنه, بس قالوا لهم اختها قريب بتربي ومشغولين وتريوا لين تربي و تطلع من الاربعين,
عاد هي خطتها ما نجحت مثل ما تبا لانها تبا تقهرني, وما عرف يا ناس انا شو سويت لها
بس الله اجعل كيدها في نحرها يا ربي

وهني انا بديت افكر, اول قلت ما بعرس ابدا و بربي عيالي
والحين افكر اتزوج, امي تحن علي واهلي
مب عشان امه
لانها ما تهمني و لانها مش من مستوا اخلاقي ولا ديني
اللي قاهرني ريلي اللي هانت عليه هالعششششره الطويييييله اللي صبرت عليه و ييته فقير و صار عنده فلوس وصار مهم
وياي و عشت معاه كل اللحظات الصعبه والحلوه, وكل شي بينا
بس الرياييل ما يبين في عينهم و اكثرهم انذال
المفروض يتريااا سنه عالاقل مب عقب شهر واحد من طلاقنا
شووووورن عليه؟؟؟؟؟؟
باقي لي عدتين
هل اوافق على حد ييني و تكون صفاته اوكي ولا
اطنننننننششششش
ابي اقهره اعرف اشكثر يغار
دايما كان يقول اكررره و اموووت حرمه مطلقنها تتزوج .
بعدني ما استخرت
شو اسوي, وعيالي ما ابا اييب لهم ابو ثاني
يااااااارب دبرني فاني لا احسن التدبير

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ahlami101]

ياختي لا تاخذيني أمر زواجج مسالة عناد او قهر
وبعدين توج طالعه من حالة زواج يعني نفسيتج بعدها ما استقرت
وبعدين يبالج وقت تفهمين عيالج ان لج الحق تتزوجين
وبعدين لاتبكين ع من باعج برخيص
واسأل الله انه يعوضج بالزوج الصالح الي يكون لج عون وسند ف تربية عيالج

[ام مصطفى..]

شو فيها لو الحرمه المطلقه تعرس مره ثانيه ..
الاستخاااره .. والله يكتب الي فيه الخييير

[دلوعه حمودي]

لو يج ولد الحلال عرسي بس لازم يكون زين عشان عيالج

[معاذير20]

اذا حد خطبج زين عرسي
ماعليج لا من ابوهم ولا شي

عيالج لهم الله .. بيكبرون ويتزوجون وانتي بتقعدي وحدج
محد لج

الله يوفقج يارب

[m3andah]

ياختي لا تاخذيني أمر زواجج مسالة عناد او قهر
وبعدين توج طالعه من حالة زواج يعني نفسيتج بعدها ما استقرت
وبعدين يبالج وقت تفهمين عيالج ان لج الحق تتزوجين
وبعدين لاتبكين ع من باعج برخيص
واسأل الله انه يعوضج بالزوج الصالح الي يكون لج عون وسند ف تربية عيالج

[بنت بوظبـي]

ياختي لا تاخذيني أمر زواجج مسالة عناد او قهر
وبعدين توج طالعه من حالة زواج يعني نفسيتج بعدها ما استقرت
وبعدين يبالج وقت تفهمين عيالج ان لج الحق تتزوجين
وبعدين لاتبكين ع من باعج برخيص
واسأل الله انه يعوضج بالزوج الصالح الي يكون لج عون وسند ف تربية عيالج

[حبيبة خالد]

الغالية أولا انتي بعدج ماخلصتي العدة يمكن يردج وما يصير تتزوجين وبعدج ماخلصتي عدتج، اتريي لين تخلصين العدة وبعدها إذا تقدم لج حد استخيري ربج،، وقبل كل شئ إذا عيالج بعدهم صغار فمن رأيي انج تتريين لين مايكبرون ويفهمون لان باعتقادي يمكن يقل اهتمامج فيهم إذا تزوجتي وهم راح يحسون بالهاشي من ناحية تقليل اهتمامج.

والله يعوضج بالزوج الصالح أن شاء الله. والله يوفقج ويخليج لعيالج

[munamoor]

اذا حد خطبج زين عرسي
ماعليج لا من ابوهم ولا شي,,,عيالج لهم الله ..
بيكبرون ويتزوجون وانتي بتقعدي وحدج
محد لج ,,,الله يوفقج يارب

كيف يعني الله يهديج عيالج لهم الله يعني لو الريال الي ياها قال لها فري العيال
على أبوهم عادي يعني و تقول لكم الله !؟!؟ و النعم بالله مليون مرة ،،،بس يا ختيه
الوحدة ما تروح تتزوج بس عسب تقهر طليقها يمكن الريال ظاهريا زين و ما في أحسن
منه بس يمكن ما يعامل عيالها عدل ،،،

[قلوب حلا]

عرس ولا ماعرس ليش تهتمين ,, بالعكس اذا ياج النصيب عرسي وعيشي من اول ويديد احلى عرس واحلى فستان واحلى شهر عسل والمستقبل قدامج وعقي الماضي وراج ,, الله يوفقج

[إآٌحسآس نمله]

ياختي لا تاخذيني أمر زواجج مسالة عناد او قهر
وبعدين توج طالعه من حالة زواج يعني نفسيتج بعدها ما استقرت
وبعدين يبالج وقت تفهمين عيالج ان لج الحق تتزوجين
وبعدين لاتبكين ع من باعج برخيص
واسأل الله انه يعوضج بالزوج الصالح الي يكون لج عون وسند ف تربية عيالج

[ام محمد @@@]

مشكورات حبيباتي, والله احس شليتن عني شي
بس ما اعرف حد هيه و حد لا
بس الخير الله بيكتبه لي انشاء الله
لان نيتي زينه الله يشهد

[شهد123]

دامج انفصلتي عن ريلج مالج فيه ولا تتخذين انه امه تريد تزوجه يعني عناااد فيج هذا نصيب وان تقدم لج حد استخيري ولا تتخذين قرارج عشان تقهرين طليقج انتي عندج عياال فكري زين هاي حيااااه طول العمره ..
ربي يجدم الي فيه خير لج ..

[بهلولة]

وعيالج؟؟؟؟!!!!!!
قلبي عورني عليهم
يدتهم تريد تقهر طليقة ابوهم وامهم تريد تقهر ابوهم!!!!!
يا الله
الرحمة لهاليتامى
هي يتامى
تعرفين ان الاختصاصيين النفسيين شو يسموون اطفال المطلقين؟؟ يتامى
لان حالهم نفس حال اليتيم
يا قلبي عليهم

يمكن انتي ما تلاحظين هالشي وما تشوفينه بس اليهال متأثرين من طلاقكم
ما فكرتي بنفسيتهم ؟؟
ما فكرتي تودينهم عند اختصاصي نفسي وتقيمين وضعهم النفسي عقب الطلاق
يكفيهم حاليا طلاق امهم وابوهم
وعقب فترة قصيرة زواج ابوهم
وبتكملين انتي عليهم وبتعرسين وتخلينهم وتلتهين

فعلا فعلا لهم الله هاليتامى

[ملكة الاحاسيس]

الحق جق والدين لايقف يطريقج
ان ياج رجل احسن من طليقج الي اهداج لقب مطلقة فتوكلي واستخيرب
والا فالافضل استمري مع اطفالج
مافي رجل يتزوج ويرضى يربي عياله او بالاحرى مافي زوجة اب ترضى
الا ماتعذبهم صغير وكبير
مافي رحمه لا من اول ولا من جديد
اما تتزوجي وتتركيهم او تحضنيهم الى ان يكبرو

لج الخيار حبيبتي
لكن شرعا يجوز لج الزواج