تجاربكن ويا اللولب بليييييييييييز

[لمعة ماسه]

السلام عليكم كروشات و ماميز

الموضوع باختصار للإفادة ، كل وحده ادش تكتب تجربتها ويا اللولب ...

شو نوع اللولب اللي ركبتيه ؟ النحاسي أو البلاستيكي أو الهرموني؟
عند أي دكتورة ركبتيه ؟ و وين مكان عيادتها ؟
عل كانت تجربة ناجحة ولا لا ؟
واجهتي مشاكل صحية ؟
و اللي جربت تركبه بنهاية الأربعين؟ ما حسيني بآلام الخياطة؟


بلييييييييز لا أطنشون الموضوع و أكيد الكل ليستفيد بإذن الله

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الودايم]

انا ركبت العادي عقب 7 او 8 شهور من ربيت. عند الدكتورة حنان حاليا موجودة في مستشفى القرهود
عانيت اول شي من الدورة كانت تنزل مثل النزيف بس عطتني نوعين حبوب اخذهم وبعدين الحمدالله اعتدلت الدورة. والحمدلله خليته تقريبا سنتين وعقب شليته.

[لمعة ماسه]

تسلمين أم ودايم ع الرد ، انا وايد محتاره بس افكر اركب الهرموني بنهاية الأربعين و هذا ثاني حمل ليي و خايفه من آثاره السلبية

[ام الودايم]

اصلا الهرموني مايركبونه حق اي حد قالتلي الدكتورة اركبونا حق اللي عندها اصلا مشاكل في الدورة او المبايض او شي جي.

[بهلولة]

انا مااا افكر باللولب موووول
من كثر ما اسمع عن النزيف او الحمل خارج الرحم او الالتهابات

[ظبيانيه ستايل]

انا جربته مرتين وما انصح فيه بصراحه وانتي استخيري

[ام حمده 77]

انا جربته ثلاث مرات

وكل مرة كنت اخليه ثلاث سنوات

وبعدين اشيله عشان احمل

والحمدلله وايد اوكي

وايد ناس خوفوني منه وسالت الدكتورة

وقالت لي هو افضل وسيلة لمنع الحمل

ومشاكله اقل بوايد من حبوب منع الحمل

طبعا اول ست شهور بتحسين بغزارة الدورة الشهرية

وبعدين يتاقلم جسميك عليه

واهم شي انك تتابعيه كل ست اشهر

وافضل وقت لتركيب اللولب بعد الولادة او خامس يوم بالدورة

وركبته مرة عند عيادة اوراس ومرة عند الدكتورة اميرة بمستشفى الزهرة

ومرة في مصر يوم كنت مسافرة

طبعا ركبت العادي

[robi]

انا كملت شهرين من ولادتي ورحت ابي اركب لولب في كوزمو سيرج عند الدكتورة امل وانا متردده مثلج وكل حد يقول شي سالت الدكتورة قالتلي الحين منزلين اللوب اليديد من ماي الذهب مزااااياه :
مايزيد ايام الدورة
مايسوي التهابات
فقالت بركبلج اياه ومن طلعت من عندها مارديت انشغلت ولا سرت اركبه بس ياليت لو وحده ركبته اليديد ها تخبرنا عنه

بس حبيت اخبرج عن ردة فعل الدكتوره وهي اخبر بشغلها

[ليالي85]

سلام عليكم
اللولب يناسب اجسام و اجسام لا .خواتي حاطين لولب من مدة و ما سوالهم شي انا حطيته شهرين عقب ما ربيت و لوعوزني و تعبني افرازات ما توقف و الم كنت اخد حبوب ما نفع قالت لي الدكتورة ان الجسم بيرفضه تم معي اربع شهور و اخر شي شلته الدكتورة و في ه الفترة حملت
انا اشوفه احسن مانع ادا كان الجسم يتقبله

[الخياله2008]

اللولب افضل طريقه لمنع الحمل من تجربتي .. بس مشكلته يطول الدورة وتكون غزيره ثالث ورابع يوم ..
وعلى حسب تقبل رحم المراه وايدين الدكتورة اللي تركبه ..

[A+k]

لاتركبينه عقب الولادة ع طول لان بيسويلج نزيف

اتريي عال أقل ست شهور لين ما يعتدل الرحم عن تجربة

[صنوبر]

يقولون في حريم حملن باللولب


ليش الحبوب مضرة زوجة اخي تشرب الحبوب 3سنوات وتركتها يوم بغت تحمل

الحين حامل وين المشكلة؟

[بهلولة]

يقولون في حريم حملن باللولب


ليش الحبوب مضرة زوجة اخي تشرب الحبوب 3سنوات وتركتها يوم بغت تحمل

الحين حامل وين المشكلة؟

بعص الحريم ما يحبونها لانها تلعب بالهرمونات
انا عني افضل الحبوب
وما شاء الله استخدمها سنين
وما يستويلي شي
واول ما اودرها احمل ولله الحمد

[قلوب حلا]

زمـاان عقب ماولدت ,, ركبت اللولب النحاسي ,, بس الصراحه احساس مزعج غير الالم وقت يوم ركبته لي الدكتوره ,,
ماتم يومين المممممم فضيع عقب نزل اللولب عني ,, رديت شاورت نفس الدكتوره قالت عادي !! وركبت لي شراته مره ثانيه ,,

وبعد يوم نزل رحت لدكتوره ثانيه قالت رحمج مايستقبل هالشي فـ خلاص لاتجربين ,,

اللولـب من عيوبه انه يسوي افرازات كثيره ومثل صديد ورائـحه ,, وتصير الدوره اكثر عن الفتره المعتاده هاذا اللي سمعته من وحده قبل ,, بس الاجسام تختلف ,, وبالتوفيج

[أشواق333]

اللهم في كل دقيقه تمر على كل مؤمن متوفى غالي علينا وهو في قبره أسألك أن تفتح له بابا تهب منه نسائم الجنه لايسد أبدا اللهم أمطر على قبورهم من سحائب رحمتك آمين***