مستحيه من حركات ريلي

[تعبت ارضيك]

السلااام عليكم
بنااااااااااات انا شاركت ف المنتدى لانه واااااااايدين يمدحونه
انا الصراااحه عندي مشكله مع ريليي (انه وااايد يحب يعاااااشر) و انااا متزوجه من 3 شهور
و الحين من بدا شهر الفضيل ما رمت اصوم الا 5 مرات بس و احيااانا و انا صايمه يفطرني
الصراااحه انا رمسته كذا مره يقولي خلاص ماراح اعيدها بس كل مره ع نفس المواااال
فكرت اكمل صيامي ف بيت اهلي بس مستحيه من اهله لانه اول رمضان ف بيتهم و صرت استحي منه اني كل مره ارمسه ع نفس الموضوع
مااا اعرف شو اسوي ياست وياااه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[new life ~]

أختي الله يعينج الصراحة ،
المفروض ريلج يعرف أصلا كيف يسوي هالشي بنهار رمضان
اثممممم كبير إن يفطر لهالسبب !! المفروض تعلمينه بالحكم الشرعي
أختي أنتي لازم تفهمينه وترفضين بنهار رمضان حرام شو ما صمتي الا 5 أيام !!
فهميه و امتنعي ، نزلي يلسي ويا امه ادخلي المطبخ التهي باي شي سيري ف الصالة اقري قرآن
المهم ماتسيرين الحجرة وياه و فهميه بالهداوة و الطيب و انصحيه و بيني له الحكم الشرعي
ترا حرام اللي يستوي و الله يصلح الحال

[Moza-Alzaabi]

اللي اعرفه حرام
عن كل يوم تصومين 30 يوم متتابعين
وكفارة

[ساحره العين]

ياااربييه حرام يا اختي
الله يهديكم

[شعاع امل]

اختي انا لو بدالك اطلع من بيت خلال شهر رمضان صراحه اروح عند بيت هلي!

[شعاع امل]

او مايرجع البيت يعتكف بالمسجد

[{ آحلى دلع ..]

الموضوع كبير

لو هو مايعرف ابعآده انتي المفرؤض تفهمينه !

اتصلي ف شيخ دين واسأليه عن الكفارة

الله يهديكم

[سعيدة الحظ]

انا تزوجت السنه الماضيه قبل رمضات باسبوع اتعروست وماصار بينا شي في نهار رمضان انتي فهميه هذا شي واايد حرام وخليه ينام اول مايرجع البيت او يروح المسجد لحد قبل المغرب ,,الله يهديه

[أم برلنتي]

هذيي مصييييييييييييييييييييييييييييبة

هذا اثم عظيم ، حبيبتي انتي افطرتي عمدا !!

ضروري اتصلي بشيخ ويفتيلك في امرك

ولو على زوجك فهميه اثمه ولو كان يعرف فضروري انك توقفيه عند حده

لا طاعة لمخلوق في معصية الخالق

يقدر يعاشرك بالليل وتغتسلوا وتصوموا زي عباد الله

حرااااااااااااااااااااااااااااااااااااام

انتي ارتكبتي اثم عظيم جدا

[بنت رفيعه]

حرام يااختي انتي تتأثمين معاه لإنج تعرفين انه حرام و تماشينه سيري بيت هلج و إذا ماقدرتي أزعلي منه حسسيه انه غلطان و هذا حرام انتي علميه بس لإتماشئنه

[Cobon]

في بداية الموضوع ذكرتني انه كثير المعاشرة مب عيب ولا بحرام عادي يعني
لكن انتبهي مب زين ف شهر الرمضان يعني عنده بعد الفطور و فهميه ها الشي
دوري رقم مفتي و خليه يتصل فيه ترى ما يجوز ابدا و عليه كفارة

لا تروحين بيت اهلج و تسوين مشاكل بس دوري رقم دار الافتاء او مفتي ثقة و مشهور و خليه يتصل فيه

[أم برلنتي]

اللي اعرفه حرام
عن كل يوم تصومين 30 يوم متتابعين
وكفارة

بالضبط نفس المعلومة الي عندي
بس هي ممكن مش فاهمة اثمها لهذا قلتلها اسألي مفتي

[نملة كشخة]

استغفر الله العظيم!
اختي كيف صمتي بس ٥ ايام واحنا وصلنا ل ١٨ رمضان؟! حرااااااااااااااااام
طاعة الزوج لازم لكن فيما يرضي الله يعني اسمحيلي لكن ف امكانج اتفادين ها الشي ايلسي ويا اهله ساعديهم بالمطبخ اشغلي نفسج باي شي وبعيد عنه اقري قران ولنفرض حاول يا اختي وقفيه ان شاء الله تشردين عنه المفروض تكونين قويه وما اتنازلين بتقولين بيزعل؟ خله يزعل تزعلينه هو ولا تزعلين الله سبحانه اختي ها دين والمفروض ما نستهين فيه اللي صار ها اثم عظييييم

[عشق طاهر]

انتي يمكن تتحملين جزء من الغلط!

تدرين ليش؟


لانج مافكرتي تشبعينه وتهدين حيله من بعد الفطور لين السحور

عسبت خلال النهار يكون مكتفي و مابيفكر انه يبا

[تعبت ارضيك]

يا ما اقعد ويا اهله بس دوم يناديني بحجه انه عنده شي او يباني اييبله شي
يوم اعارض يقولي الملائكه بتلعنج كل ما ترفضين
و يقولي اذا ما خليتيني الحين اذا رحت عند غيرج لا تلوميني و من هاالكلام
و مب مسالة اني ما اشبعه بس هو يقول انه يحب هاالشي و انه تزوج عشان يحصن نفسه
انا الصراحه وااايد تعبت من كثر ماارمسه يقولي انتي صغيره و ما تفهمين