عمتي وحمياتي و بيتهم

[bnooota]

الله يعطي كل واحد على قد نيته

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Momoko]

يا اخت كوبون



يا مرا،،لو تتكلمين عدل يكون احسن،، و لو ما رديتي بعد افضل،، كلامج ها ماله معنى،، وانتي الحين بشهر فضيل بعد،، شو عقل ماعقل ؟؟ ثمني كلامج احسن لج،، و بعدين انتي تشوفين هالشي عادي غيرج ما يشوفه عادي،، اونه مرت حميي يالسة و تطالع ريلي اللي يبا ييلس ويا خواته،،، ليش وين الغيرة عالزوج؟؟!!! ارتقي بردودج احسن لج














ماعرفت امح كلامج اللي هني

اللي عليج تزورينهم مرة ف الاسبوع مرة ف الشهر براحتج زوريهم و خلج سنعة و زينة و لا هم ضروج ولا شي يعني ليش زعلانه !
ما عزوج ما باركوا لج مو مشكلة ع الاقل ما لقيتي منهم ضرر
قولي الحمد الله رب العالمين


بالنسبة تقولين مرت حميج تيلس يدام ريلج يا ختي براحتها ليش تتدخلين ف اشياء ما تخصج !
هي مغطية شعرها و براحتها تغطي ويها ولا ما تغطي هاي حرية خاصة
اما انج تبغينها تغطي ويهها او ما تيلس ف الصالة هاي اول مرة اسمع فيها

بتيلس ف نفس المكان اللي انتوا يالسين فيه و اللي هي الصالة عادي
تراها يمعة
انتي يالسة باحترامج و هم يالسات باحترامهم
انا مب مجبورة اغطي ويهي عسب خاطر مرت حمي تغار عليه !!!! شو ها العقل بس

استهدي بالله ترى موضوعج عادي وما يسوى[/QUOTE]

[Momoko]

في ناس ردودهم راقية و سنعة و انا اشكركم،، بس في ناس الله يصلح مخهم شوي ما يعرفون كيف يكلمون الناس عدل،، و انا الحمدلله خلوقة و مب صاحبة مشاكل،، يعني لازم اكون انا غلطانة اذا هم تعاملهم جي؟

هم حتى جدامي انا ييلسون يتحرشون عن حريم اخوانهم و فيهم و فيهم،، و مايحترمون خالاتهم،،

استغفرالله العظيم،، انا لاني اسوي الواجب و مب محصلة منهم شي يسرني ،. عسب جي قلت بفضفض شوي،،
واشكر كل رد راااقي

[ام مصطفى..]

حبيبتي والله .. آحسسن لج من المشااكل خلج بعيده
واذا عن مررت حميييج !!
ترا هذي حريه شخيصه هي مافيها مستحى و عادي عندها شو بتسوين ليها !!
خلج بعيده افضضل لج وربي يصلح الامور من بينكم ..

[NiceLondon]

الله يعينج خليج بعيده عنهم

[Momoko]

مشكورة ام مصطفى على تفاهمج لمشكلتي،،و نايس لندن مشكورة ع ردج الراقي
والله المستعان..
بزورهم بعد جم يوم

[Momoko]

و بشوف الاحوال،، و ربي الساتر

[عيالي و بس]

اختي اكيد صار موقف مافي حميات بالعالم يسون هالموقف الا وزوجه اخوهم مسويه شي معاهن

الواحد ما يغلط وبعدين يشتكي من ردة فعل الطرف الثانية او يشوف اغلاط الثانين وينسى عيوبه .....ودامهم مايبغون خلاص تقربي من اهلج افضل

كلامج هب صح بعض الحميات يغارن من حريم اخوانهن باسباب عدة و يظلمن بنات الناس اما بالنسبة للموضوع السن بالسن و العين بالعين طنشيهم و امسحي وجودهم في حياتج و ما لا داعي اتحسسين نفسج بتأنيب الضمير اللي ما يباج لتذلين نفسج عشانه لانج نفسيا بتتعبين و ما لج خص في ولدهم يروح و لا (هو حر و شي ثاني صلة الرحم) و الله يهديهم و الله يوفقج

[miss goodbuy]

الحل انج تتقربين لوحده من خوات ريلج , يعني بأي طريقة تحاولين تكسبيها ولو بدايتها بمسج او اتصال . عشان يوم تزورين تحسين فيه مجال للوناسة
يعني لو مرت مناسبة يبي هدية للبيت اي مناسبة كيكة مثلا , ترين الهدايا تتطيب النفووس

والله يكون في عونج

[munamoor]

عادي غلاي الأكثرية جذا تحصلون البعض منهم يميلون لحرمة أخوهن
مثلا الأكبر او الأصغر و الثانيين
لا !؟! تبغين الصدق ما تفرق وياي بس عمتج لازم تهتمين بها تراج بالاخير
إنتي ها لزيارة عسب خاطر
عمتج اما حمياتج برايهن بس الأهم عمتج و عمج و خلاص يا ختيه
أما حرمة حميج فعادي برايها يا ختيه مادام ريلج هب معطنها
ويه يمكن لأن عادي عندها هالشى


إنتي خليج كول حبيبتي و كل الي عليج زيارة مرة وحدة في الأسبوع او خليها مرة وحدة كل أسبوعين
أنا ما احب الشخص الي يطنشني و اخذ منه موقف و خلاف عادي سألني برد عليه و اذا ما كلمني برأيه
في حفظ الرحمن كل الي علي السلام عليكم و عليكم السلام

و مثل ما قلت لج يالغلا ،،،محبة عمتج من محبة ريلج يالغلا ،
،،أنا عمتي فديتها عسل و الله و حتى يوم توفى أبوي
تمت أتينا طول ايام العزا الله لا يغير علينا ❤

[future dreams]

لا تضايقين بنفسج
اهم شي انتي سويتي الواجب تزورينهم من باب احترامج حق اهل زوجج ..
انتي تقولين انهم يتكلمون ويحشون عيل ابعدي نفسج وخليج سطحيه تأدين واجب الزيارة اسلم لج من القيل والقال ..

[بنت بحور]

اشهد ان لا اله الا الله واشهد ان محمد رسول الله

[نسايم روح]

عندي وعندج خير قسما بالله دخلت وفي يدي ولدي ماكمل يومين صكت الباب في ويهي اتكلم عن خوات زوجي وامهم وياهم بس مب دوك سبحان الله كانج يالسه تتكلمين عني بس انا زوجي واقف بصفي يعرف خياس خواته ونفسيتهم

[روح.الامارات]

حبيبتي لاتتضايقين ولاتشيلين هم ..
اولا .. أحمدي الله انه مطنشينيج احسن من متعلقين بج يعني تعرفين سووالف العمه والحميات ..
ثانيا .. في ناس جيه تحسينها ماعندها ذوق و اسلوب وهاللي تعودوا عليه .. << ماراح تقدرين شي كبروا عليه بس حاولي يعني تدخلين مواضيع معاهم لاتكثرين مواضيع خفيفه
وسوالف بسيطه بيحبون الكلام وياج وبيسولفون معاج المرات اليايه ..
ثالثا .. عن مرت حمييج .. اختلاف العادات و التقاليد تلعب دور .. في ناس عادي تجابل رياييل عايلتهم و كول معاهم ضحك و سوالف بس فيه ناس عكس جذيه متشددين
ويمكن انتي متشدده وهيه لا ..
ورابعا .. ريلج يصد عنها و يطلع لما تكون موجوده .. حمدي الله احسن من انه يقعد يعني زين منه ..
واحسن المعامله المعامله بالمثل .. طنشيهم و خلاص .. و لما تزورينهم انوي الاجر بصله الرحم ..


لاتكبرين الموضوع وتتضايقين هم في بيوتهم الحين كل وحده مش شايله هم و لا ماخذه بال و انتي حارقه بنفسج و متضايقه ..

[Cobon]

الموضوع بسيط استهدي بالله
اهم شي ما يضرونج ولا سوالف الرسميات و يباركون و يعزون هاي اشياء عادية لا تشيلين هم
و كل بيت تختلف عاداتهم يمكن انتي مب متعودة بس في وايد بيوت يلسون ويا بعض ما يستوي بعد اقول ل ريلي ما بيلس وياكم لان اخوانك يالسين يعني من باب الذوق بيلس بحجابي و بيلس عند ريلي و بسولف مع البنات و ممكن اخوان ريلي يسولفون وياي بحدود

ما اجوف فيها شي يعني و هاي مجرد غيرة منج لا اكثر