الثعلبه والاكزميا

[بنت خورفكان 3]

امهات لحقوني من الثعلبه كانت بوحده من بناتي لكن الحين بالكل صارت عدوى
رحت علاج جلديه لكن ماشي تحسن

شو هالامراض اللي ماتتشافى


انا طفرت شعري يطيح بالهبل مع بنتي والباقيات بالجلد الجسم

اللي عرفت حل اكيد مب كلام نت تخبرني جزاكم الله خير

انا شفت النت بس حلهم كان بصل وثوم اللي جربت ونفع معاها تخبرني

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[وجدان الفجر]

أختي سلامتج وسلامة بناتج وربي يشفيكن ويعافيكن .
الثعلبة , ما ينتقل بالعدوى يعني ما يعدي , مين اللي قال لج أنه مرض الثعلبة ؟ يمكن مرض ثاني أختي , مرض الثعلبة مناعي ذاتي , غير معروف السبب للإصابة به وهو ثلاث أنواع , تصيب الجلد وفروة الرأس , فيه بحوث ربطت بين الحالة النفسية السئية والصدمات العصبية وبين الإصابة بالثعلبة . شوفي دكتورة جلدية علشان تحدد لج نوع المرض , ولو هي فعلاً ثعلبة في عندهم علاجات مختلفة للمرض . وفي نفس الوقت أقرأي الرقية الشرعية عليج وعلى بناتج . أتمنى لكم الشفاء العاجل بإذن الله .

[بنت خورفكان 3]

الدكتوره تبع الجلديه عطتني كريمات ومراجعات وماشي فايده

[وجدان الفجر]

قالت لك مرض الثعلبة ؟
إذا مشيتي على العلاج ومافي تحسن روحي لدكتورة ثانية , فيه علاج لثعلبة الرأس يعطى إبر في البقعة الخالية من الشعر بسبب الثعلبة , وأختي فيه علاج بالحبوب وفي علاج ضوئي . يمكن إكزيما , أنا أقول يمكن , طبعاً الدكتورة هي اللي تعرف أحسن مني , بس الإكزيما ممكن تصيب الجلد وفروة الرأس واللي في فروة الرأس أسمها الإكزيما الدهنية وممكن تسبب تساقط الشعر مع قشرة , وبعد فيه مرض الصدفية , ممكن يصيب الجلد وفروة الرأس , بس كل هذه الأمراض غير معدية .

[اصداف]

كيف يعني في الجلد وشعر اي لاماكن في الجلد ممكن يكون نقص الزنك

[أم محمد بلال]

اذا انتي ف خورفكان عندج الدكتور محمود الطايع ف الفجيرة اذا بعده موجود و علاجه ماشاء الله تبارك الله
حتى الاكزيما خفت عن ولدي و اختفت بشكل نهائي

[ام خلود القمر]

اذا انتي ف خورفكان عندج الدكتور محمود الطايع ف الفجيرة اذا بعده موجود و علاجه ماشاء الله تبارك الله
حتى الاكزيما خفت عن ولدي و اختفت بشكل نهائي

هذا الدكتور ما يتحصل دوم مسكرة عيادته

بنت خورفكان اي شامبو تستخدمين لعيالج ؟

اذا شامبو معطر وماركة جونسون وقفيه واستخدمي سيباميد

بالليل حطي فازلين الوردي في شعورهم فلقي وحطي والصبح سبحيهم

استمري فترة لا تكثري زيت الزيتون او اي نوع زيت احتمال عيالج فروة شعرهم من النوع الدهني وهذي الزيوت تسكر المسام

اذا ما يتحسسون من المكسرات عطيهم جوز

عندج عيادة صوب سفير الخور يمدحون دكتور الجلدية بس ما اعرف شو اسمه

الله يشفيهم

[Luna Piena]

شوفي عند سوق الخضار والفواكه في الفجيرة هناك مطعم اسمه الشامي في عيادة فوقه فيها دكتور جلدية ممتاز ،، كنت موديه الوالدة لأن عندها أكزيما في الإيد ومع علاجه راح ،، و نبهنا من المنظفات والصابون والكريمات التجارية وقال أحسن شي للجلد وخصوصاً للي يعانون من الأكزيما هي منتجات qv روحي عنده العصر دوامه الساعة خمس أما الصبح مدري

[m3andah]

انا عندي الثعلبة من 10 سنين تقريبا

يمكن تكون في انواع معدية .. ما عرف

بس انا خواتي كانو يستخدمون مشطي واغراضي والحمد لله ما انتقلتلهم .. وهو مرض مناعي ونفسي ماعتقد يعدي

جربت اشيا كثييييييييييرة

وما نفع معاي علاج الاطباء .,,, مراهم وابر موضعيه وحبوب .. كله كورتيزون ومينوكسيديل اضرارهم كثيرة ..وفي بعض الحالات يوم توقفين العلاج ترجع .. ف ما استفدنا غير سلبيات هالادويه

ماعرفت كم عمر بنتج ..
اهم شي ان تبدين العلاج بسرعه لان في انواع تنتشر .. يعني يصير ف الجسم وكل مكان .. وقتها صصعبه تتعالج بالعلاج الموضعي
انا الشي اللي احسه صدق فادني ان تجيبي موس معقم وتشرطي المكان وتفركيه بالثوووم .. بتحسين بحرقة فضييييييييييييييييييييييييييييعه .. بس المضطر يتحمل
وسمعت عن الخل الاسود .. بس ماعرف من وين ييبونه ... وايد كتبو انه مفيد وموجود ف بعض الدول وسعره ما يتعدى العشر دراهم .. هاللي قريته عنه
اهم شي تحاولين تبعدين عن الضغوطات النفسية وما تحطين فبالج ان الموضوع صعب ينحل واتفاءلي بالخير

ناس كثيبر اتعالجت بعد فتره قصيرة مثل شهر ل 6 شهور .. بس في ضغوطات الواحد ما يقدر بتحكم فيها
الاكزيما ماعرف شو يفيدها بس طبعا لا تستخدمي كريمات معطرة او صابون معطر وهالاشيا ,,, حاولي تستخدمي اشيا طبيعيه اكثر مثل صابون زيت الزيتون الاصلي
ووعندي زباين يستخدمون زبدة الشيا ومناسبتهم للاكزيما .. بس حاليا مخلصة من عندي ,, دوري بالمنتدى بتحصلين تاجرات يبيعونها

[بنت خورفكان 3]

2 من بناتي فيهم ثعلبه بجلد جسمهم ووحده فيهم فيها ثعلبه اختفاء الشعر بشكل دائري وشعرها خفيف صار واكزميا بجلدها
اما انا بس تساقط الشعر بشكل فظيع انتظر مواعيد الجلديه واشوف شو هالامراض

الحين ما قلتوا لي هالثوم ينفع

منو فيكم جربت فرح الانصاري اللي بفجيره

[بنت خورفكان 3]

انا بجرب اروح عياده جلديه فرح الانصاري وبروح عيادة الجلديه اللي على الكورنيش
وبشوف النتيجه

[نيران الثلوج]

انا ريلي كان فيه ثعلبة اشتريتله ديرما رولر مثل الفرشا وفيها راس فيه ابر وقعدن امشيها على منطقةالثعلبة لين ما تحمر او يطلع دم هذا معناته المسام اتفتحت واييب فص ثوم فرش واقصه واضغط عليه ويطلع مثل العصارة وافرك بقوة وكل ما نشف اقصه بالسكين واعصر واحك لين ما يستوي المكان احمر واحيانا يطلع دم هو يحرق بس دقايق ويبرد
لمدة اسبوعين متواصل طبعا المكان اسود واتقشر وعقب ماتت الثعلبة ونبت الشعر والحمدلله \

حل ثاني بس والله مب دعاية تجربة اختي فيه تاجرة اسمها امايل تبيع زيت وزر الناقة اختي تعاني من صلع وفراعات استخدمت الديرما رولر تفتح فيه مسام الفروة وتسوي الزيت طول الليل وتغطيه بكفر بلاستيك وتغسل بالشامبو العادي لمدة اسبوعين الا والشعر نابت وخفت الفراغات وهذا غير التساقط الي خف وشعرها الي طول قبل ماكان يطول وللحين مستمرة عليه

هذه اختي تجارب شفتها بعيني واتمنى اكون فددتج فيها
معلومة بالنسبة للثعلبى هي ممكن تعدي لانها نوعين اذا كانت انثى تتكاثر واذا ذكر ما تتكاثر بالجسم

تحياتي

[m3andah]

انا ريلي كان فيه ثعلبة اشتريتله ديرما رولر مثل الفرشا وفيها راس فيه ابر وقعدن امشيها على منطقةالثعلبة لين ما تحمر او يطلع دم هذا معناته المسام اتفتحت واييب فص ثوم فرش واقصه واضغط عليه ويطلع مثل العصارة وافرك بقوة وكل ما نشف اقصه بالسكين واعصر واحك لين ما يستوي المكان احمر واحيانا يطلع دم هو يحرق بس دقايق ويبرد
لمدة اسبوعين متواصل طبعا المكان اسود واتقشر وعقب ماتت الثعلبة ونبت الشعر والحمدلله \

حل ثاني بس والله مب دعاية تجربة اختي فيه تاجرة اسمها امايل تبيع زيت وزر الناقة اختي تعاني من صلع وفراعات استخدمت الديرما رولر تفتح فيه مسام الفروة وتسوي الزيت طول الليل وتغطيه بكفر بلاستيك وتغسل بالشامبو العادي لمدة اسبوعين الا والشعر نابت وخفت الفراغات وهذا غير التساقط الي خف وشعرها الي طول قبل ماكان يطول وللحين مستمرة عليه

هذه اختي تجارب شفتها بعيني واتمنى اكون فددتج فيها
معلومة بالنسبة للثعلبى هي ممكن تعدي لانها نوعين اذا كانت انثى تتكاثر واذا ذكر ما تتكاثر بالجسم

تحياتي

انا جربت الثوم نفس الشي ,,, بس مش بالديرمارولر ,, شرطت بالموس ,, او بدون تشريط بس فرك قوي جدا لين يحمر وكل ما ينشف اعيد نفس الشي