امج تجذب بس عشانج

[احلى بعفويتي]

>> النصيحه ستر مو فضيحه !!!
انا ما كنت احب تصرفات الابلوات بالمدرسه صراحه كل شي كانوا ع طول بتصل في ابوج كبير كان ولا صغير ..
الحمدالله كنت كافيه خيري شري ومفتكه من حنه المدرسات ع كل شي يدققون ..
البنت غلطانه اكيد بانها يابت الموباييل للمدرسه .. و معرفه الموضوع من صالح البنيه ..
بس الابهات ما عندهم تفاهم يمكن البنت لين الحينا تعاني من عنصريه الابو .. يمكن ابوها كفخها لين ما انصعقت المسكينه ..
يمكن الابو ضرب الام او طردها من البيت .. يمكن الابو لين الحين يعايرها بالماضي ..
يمكن الابو الحين مزوجنها غصبن عنها عشان يداري السالفة الي اكيد حازه في خاطرها ..
يعني انتي و المدرسات مافكرتوا بهالاشيا .. شو دواها ما دواها .. يمكن الحينا المسكينه متاذيه من الدور البطولي الي سويتوه فيها .. الابلوات كانوا يتسابقون ع هالاشيا اونهم يصلحون ومن اهناكي البيت ينهدم ع روس الي فيه من هالسوالف ..
ممكن اذا تدني مستوى .. مشاغبات بسيطه ممكن تكلمين الابو بس مثل هلاشياء الابهات ما عندهم تفاهم عادي لو كان متعصب يذبحها في البيت و لا يحرض اخوانها ع ضربها وشتمها ..

ماعرف صراحه لو انا كنت مكانج ... بحاول مع الاخصائيه النفسيه جلسه وياها ويا الام و انا موجوده بالتوجيه والنصح و ممكن مهاتفت الشاب و معاقبته وتهديده .. و الام بتابعها وانتهى موضوعي .. موبطوله اني اكسر البنت عند ابوها .. حرام .. الحينا افكر هالبنت كيف عايشه حياتها مع ابو اكيد يشك فيها مهمت اصلحت من نفسها ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احلى بعفويتي]

.. حسستوني ان هالجيل مامنه رجا ..
هالجيل هم خواتكم وعيالكم ..
في الخير وفي الشر ..
بس الموضه ماثره ع البنات شويه ..
ليش كله تحسسوني انكم كنتوا في جيل الصلاح و الهدايه التامه ..
يعني ماكنتوا تسمعون ميحد حمد وتتخيلون البر والمزيون هههههههههه اكيد هالافكار كلها مراهقات عاديه ..
يعني حسستوني ماكنتوا تحبون شاروخان و تقصقصون صور وائل كفوري ههههه الله يهديكم بس المثاليه الزايده بليز اوفر ..
في كان الشين بعد هيج الايام ..

[Jasssy]

مفروض انج لميتي الموضوع وحليتي المشكله بطريقتج ..كلنا مرينا بمرحلة المراهقه وكل حد غلط وياما كنا نغلط وبقولج موقف صار وياي فالاعداديه نحن كان عندنا ممنوع نييب مجلات فالمدرسه وكنا بهذيج الفتره متخبلين عالفرق الاجنبيه (Boyzone, westlife,BSB) ايااام والله وكنا نتافس بتجميع الصور او نتبادلها والبنات كانن ييبن مجلات اجنبيه وما اعرف منو خبر مربيه الفصل انه نحن عندنا هالمجلات والصور وحلت الموضوع بينا وقالت لو عرفت الاخصائيه ولا المديرة ورقه تنبيه او ولي امر يحضر مب الام لا كانوا دايركت يدقون عالاب

فكان مفروض منج تحتوين البنت والموضوع ولو ما حصلتي نتيجه كنتي تقدرين تحولين الموضوع للاخصائيه مب احسن عن تتفشل البنت واهلها ..

عجبني التعليق !




السلام عليكم ورحمة الله وبركاته


فعلاً كلنا بنات المدرسة بهالعمر كان لنا أشياء ممنوعة نسويها، طبعاً ببراءة الأطفال. ونييب للمدرسة أشياء ممنوعة ونخبيها.
وهالأشياء والعلاقات بين البنات والصبيان موجودة بكل الأماكن يعني القصة مو يديدة، متكررة كل سنة كل شهر كل أسبوع. ممكن تنكشف فالمدرسة ممكن فالبيت، يعني في كثير طرق. أذكر وحدة كانت تخبي الموبايل والرسائل وكلللللللللللل شيء، عملت حادث سير، ولما كانت فالمستشفى كانت تهدس باسم الحبيب ههههههه يعني فضحت عمرها جدام أبوها بروحها.
السؤال هو، هل هالبنت حتوقف عن اللي تسويه ؟ ولا ممكن تعيده بس بطريقة مستترة أكثر وتاخذ حذرها؟ .. منقول إن شاء الله لا


بس اللي ما فهمته

او زواج الاب من اجنبيه

إيش دخل هي ؟؟؟
يعني وليش تشوفين الجهة السلبية بهالزواج وما تشوفين الجهاااااااااااااااااااااات الإيجابية ؟؟؟


بالتوفيق

والسلام عليكم ورحمة الله

[nooraaaa]

طبعا في موبايلات ع ايامنا من عشر سنين . انا موليد 87 . قبل عشر سنين طبعا في موبايلات

شالسالفة هجوم على الحرمة و هي ما قالت شيء

سبحان الله اي حد يتكلم عن ظاهرة تخص مراهقات هالوقت مثل ظاهرة البويات و البلاك بيري و غيرها يهاجمونها و يتهمونها بالتشهير و تخريب سمعة البنات و مادري شوووووو ؟؟؟

ليش جيه ؟؟

بدل ما نتحد كلنا عسب انعرف اسباب الانحراف و ندور لها حلول سليمة و صحيحة . انقول والله هاي فترة مراهقة و الكل بيمر فيها ؟

ليش تتحسبون ماشي مراهقات محترمات و يخافن على سمعتهن و يحترمن القواعد و القوانين الادبية و الاسلامية ؟؟

كل المراهقات مستهترات و يمرن بهالمرحلة من الاستهتار و الاستخفاف بالادب و الدين و لازم نحن انسامحهن و انطبطب عليهن عسب ما يتفشلون و ما تصيبهم عقدة نفسية ؟؟

هذا كله كلام يايبينه من الغرب و من الكفار اللي ما يخصهم فالدين و العادات و التقاليد . و اللي يحاولون ينشرون الفساد في اراضينا الاسلامية و يحاولون يقنعونا بمعتقداتهم الهدامة و اللي تبيح للمراهقين و المراهقات الاستهتار و فلة الادب تحت مظلة انهم يمرون بمرحلة طبيعية لازم كل انسان يمر فيها .

لا يا خواتي لا تتهاونون بتربية ابنائكم و تقولون هذه مرحلة و بتنتهي . لا بالعكس هذه اهم مرحلة في حياة البني ادم يتعلم فيها الصح من الغلط و لازم يتعاقب على الغلط اللي يرتكبه عسب يتعلم بعدين من غلطه و ما يعيده .

البنت هذه اتوقع انها اتعلمت من غلطتها يوم نادوا اهلها للتحقيق معها و عرفت انها غلطانة و اكتشفت من خلاله انه الشبا اللي كات اترمسه كان يقص عليها و يكذب عليها . و الحمدلله انها وصلت لهالدرجة و انتهت .

العضوات اللي يقولن ليش تزقرون اهلها و ليش اتفشلونها جدام المشرفة و جدام اهلها !!

ماعرف شو اقولكم صراحة ؟؟

[شدو عنقاء]

الصراحة كبرتو عليها الموضوع يعني مب لازم تجيبو الرجال ينهان امامكم لا الله و لا عبادو يرضون ككنتو تكلمون البنية تجيبو امها و كذاااااا بس ااهانة الرجال قدام الحريم مب حلوة ربك امر بالستر

[شدو عنقاء]

>> النصيحه ستر مو فضيحه !!!
انا ما كنت احب تصرفات الابلوات بالمدرسه صراحه كل شي كانوا ع طول بتصل في ابوج كبير كان ولا صغير ..
الحمدالله كنت كافيه خيري شري ومفتكه من حنه المدرسات ع كل شي يدققون ..
البنت غلطانه اكيد بانها يابت الموباييل للمدرسه .. و معرفه الموضوع من صالح البنيه ..
بس الابهات ما عندهم تفاهم يمكن البنت لين الحينا تعاني من عنصريه الابو .. يمكن ابوها كفخها لين ما انصعقت المسكينه ..
يمكن الابو ضرب الام او طردها من البيت .. يمكن الابو لين الحين يعايرها بالماضي ..
يمكن الابو الحين مزوجنها غصبن عنها عشان يداري السالفة الي اكيد حازه في خاطرها ..
يعني انتي و المدرسات مافكرتوا بهالاشيا .. شو دواها ما دواها .. يمكن الحينا المسكينه متاذيه من الدور البطولي الي سويتوه فيها .. الابلوات كانوا يتسابقون ع هالاشيا اونهم يصلحون ومن اهناكي البيت ينهدم ع روس الي فيه من هالسوالف ..
ممكن اذا تدني مستوى .. مشاغبات بسيطه ممكن تكلمين الابو بس مثل هلاشياء الابهات ما عندهم تفاهم عادي لو كان متعصب يذبحها في البيت و لا يحرض اخوانها ع ضربها وشتمها ..

ماعرف صراحه لو انا كنت مكانج ... بحاول مع الاخصائيه النفسيه جلسه وياها ويا الام و انا موجوده بالتوجيه والنصح و ممكن مهاتفت الشاب و معاقبته وتهديده .. و الام بتابعها وانتهى موضوعي .. موبطوله اني اكسر البنت عند ابوها .. حرام .. الحينا افكر هالبنت كيف عايشه حياتها مع ابو اكيد يشك فيها مهمت اصلحت من نفسها ..

كلامك صح الصراحة تهوروا و عملو دراما لما كلمو الاب ما فكرو هو كيف تفكيروو يمكن خربوا البيت عاللي فيه
الجيل ما يتربى بها الطريقة و الواحد لازم يستر على عيال الناس و الا الله بيبتليه نفس الشي بعيالو

[مراسيل الوفاآ]

مشكلة مجتمعنا انه ما يتقبل النقاش ابدا،
ما انفتح موضوع الا ودرتوا فيه ف نفس
المحور بدال لا اتشوفونه من جميع الزوايا
وتناقشونه واتدورون ع الحلول المناسبه
تحاولون بشتى الطرق انكم توقفون فيه
النقاش الهادف . .


الاخت قالت انه السالفه جديمه لكن كـ تنبيه
هي طرحته الحينه ما ينفع لازم وكان المفروض
ولو، وبعدين انتوا تقولون لازم الواحد يستر
ع الشخص، اوكيه الله ستر عـ البنت لكن بعد ربنا
يبالها الخير ولو ما يحبها جان ما شافوها المعلمات
واستمرت ع الغلط صح ولا !!! ليش ما تشوفون
ايجابيات تصرفات الاداره، وانا ابصم بالعشر اذا
اي وحده فيكن ام وبنتها سوت شي والاداره تصرفت بدون
علمها انها تسكت !! بتسيرولهم وبتشرشحونهم لانه
بكل بساطه هالبنت بنتكم وانتوا المفروض تعرفون عنها
كل شي وتأدبونها وليس الاداره، ومثل ما قلت الله يعلم
بحال البنت لو بعدها مستمره ع الغلط والاداره ما زقروا
ولي امرها، ع الاقل يأدبونها اهلها ولا انها ترد للغلط
او انها تستمر ويا الشاب ويصير فيها شي لا سمح الله


ونحن ي اختي أحلى بعفويتي ما نعيّش عمارنا بالمثاليه
نعم كانت تستوي اشيا ونشوفها بعيوننا لكن اللي بزمنا
كنا نشوف البويات شي كبير ! واللي ترمس واحد ف هاي
مصيبه واللي عندها اكاونت ف فيس بوك نشوفها وحده
مب متربيه ؟ هل في وحده بتنكر هالشي، طبعا لا، وهالفرق
بين جيلنا نحن وجيل هاليومين اللي البنات فيه حللوا السوالف
والضحك ويا الشباب من ورا الشاشات والشباب صرنا نقول
عنهم مساكين "انلعب عليهم" . .



الله المستعان

[المول]

اشكر جميع العضوات واخص بالذكر بهلوله ومراسيل الوفاء كلامهم يدل وعلى وعيهن باللي يدور في المجتمع احي لباقتهن وفهمهن للموضوع والفريق الثاني حسستوني كاني اتكلم عن وحده انتوا اتعرفونها الموضوع قديم وجديد ويستمر مدام في غفله وفي وسائل ثانيه وثالثه للتواصل وانا ما اتكلم عن الفئه البالغه انا اتكلم عن فترة المراهقه فترة الطيش والاخطاء الكثيره هذه الفتره اذا مرت بسلام سلمتي على بنتج واذا غفلتي عنها ضيعتيها  

[munamoor]

مشكلة مجتمعنا انه ما يتقبل النقاش ابدا،
ما انفتح موضوع الا ودرتوا فيه ف نفس
المحور بدال لا اتشوفونه من جميع الزوايا
وتناقشونه واتدورون ع الحلول المناسبه
تحاولون بشتى الطرق انكم توقفون فيه
النقاش الهادف . .

الاخت قالت انه السالفه جديمه لكن كـ تنبيه
هي طرحته الحينه ما ينفع لازم وكان المفروض
ولو، وبعدين انتوا تقولون لازم الواحد يستر
ع الشخص، اوكيه الله ستر عـ البنت لكن بعد ربنا
يبالها الخير ولو ما يحبها جان ما شافوها المعلمات
واستمرت ع الغلط صح ولا !!! ليش ما تشوفون
ايجابيات تصرفات الاداره، وانا ابصم بالعشر اذا
اي وحده فيكن ام وبنتها سوت شي والاداره تصرفت بدون
علمها انها تسكت !! بتسيرولهم وبتشرشحونهم لانه
بكل بساطه هالبنت بنتكم وانتوا المفروض تعرفون عنها
كل شي وتأدبونها وليس الاداره، ومثل ما قلت الله يعلم
بحال البنت لو بعدها مستمره ع الغلط والاداره ما زقروا
ولي امرها، ع الاقل يأدبونها اهلها ولا انها ترد للغلط
او انها تستمر ويا الشاب ويصير فيها شي لا سمح الله

ونحن ي اختي أحلى بعفويتي ما نعيّش عمارنا بالمثاليه
نعم كانت تستوي اشيا ونشوفها بعيوننا لكن اللي بزمنا
كنا نشوف البويات شي كبير ! واللي ترمس واحد ف هاي
مصيبه واللي عندها اكاونت ف فيس بوك نشوفها وحده
مب متربيه ؟ هل في وحده بتنكر هالشي، طبعا لا، وهالفرق
بين جيلنا نحن وجيل هاليومين اللي البنات فيه حللوا السوالف
والضحك ويا الشباب من ورا الشاشات والشباب صرنا نقول
عنهم مساكين "انلعب عليهم" . .


الله المستعان

وياج انا و أوافقك الرأي ،،، لو سكتوا عنها جان تمادت و الحمد لله
عرفت معدن الولد و ربي ستر عليها

[الأصالة]

الله يستر على الجميع

كل عضوه ولها رايها الشخصي في الموقف الي صار ويا الاخت مول
بس سبحان الله يمكن الله كتب للبنت انها تنكشف عشان مصلحتها
انا ضد ان البنت تنفضح جدام ابوها ف لو اقتصر على الام بس كان احسن

[دلعي غيـر]

من قال هنيه قسم القصص والأفلام الدرامية ^^
هذي مواضيع جادة تطرح لهدف معين

طــــيب وين الهــدف من السالفه ؟؟؟؟؟؟!!
يعني سالفه عاديه و صايره في نص مجتمعنا الله يستر عل اليميع !!!!!
وشي عاددددددي وطبيععععععععععي الام تــجذب لجل تحمي عيالهــا ؟؟
شو اليديد في سالفه ؟؟؟!!!
عل العموم الله يستر على بناتنا و على جميع بنات امة محمد

[m3andah]

عن تصرف الام ... عادي ها شي طبيعي ماحد يبي يفضح بناته .. ولو كنتي ام ولاااا قدر الله صارلج هالموقف بتسوين نفسها .. ف الام ما تنلام ..
وعن البنت ... بعد جدا طبيعي ... الحين اللي اعمارهن 13 عارفين كل شي ويكلمون شباب
ومب بس الاهل واهمالهم السبب .. احيانا الاهل يكونون محافظين جدا ويحاولون ان يربون عيالهم صح .. بس الواحد يعيش فالمدرسة اكثر من البيت .. ف اكيد الصديقات والبيئة تاااااااااااااااثر وايد
غير النت والفونات ... وماحد معصوم من الخطا ..
الاب مسكين الصراحه .. انتو ما كان لازم تصعقوه جيه .. المفروض في تمهيد .. عادي الواحد اتييه جلطة ويروح فيها بسبة صدمة نفس هذي
و ك مدرسة او اخضائية اجتماعية من دوركم تسوون حلقات تثقيفية للطالبات .. وحلقات دينية اكثر بخصوص هالمواضيع والمشاكل المنتشرة بين المراهقين