تعالو شوفو تجاربي لمعرفة جنس الجنين باكثر من طريقة

[شذى راك]

السلام عليكم ورحمة الله وبركاتة

هلا بخواتي عساكن بخير

حبيت اعرض عليكم تجاربي الي سويتها عشان اعرف جنس الجنين فاضية هههههه واعرف اذا صج او لا ان شاء الله تستفيدو وتعطوني رايكم وادعولي الله يسهل علي يارب ويرزقني بالي اتمناة يارب امين الله يجزاكم خير

للعلم جميع التجارب موجودة في منتديات او اليوتيوب وتقدرون تشوفوها اوتجربوها

اول تجربة لي كانت ب الملح واعتقد وايد سمعوا عنها فحبيت اتاكد
الطريقة : ضعي ملعقة من الملح في داخل كاس زجاجي او شفاف ثم ضعي علية البول الصباح اكرمكم الله النتيجة الافتراضية تقول اذا تعكر البول يعني = ولد
واذا ظهر كان خيوط تصعد من اسفل الكاس الى الاعلى =بنت
نتيجتي كانت ظهور خيوط للاعلى ولكن للاسف 😔 يوم رحت العيادة اشيك قالت لي ان الجنين نبضة توقف وهذا الكلام كان في الاسبوع 9 ويوم اجهضت ما كان جنس الجنين ظاهر 😞

التجربة الثانية
تجربت الملح في الحمل الثاني النتيجة كانت تعكر البول يعني =ولد
وبعدها رحت اسوي السونار وكنت تقريبا في الاسبوع 16 والنتيجة كانت ...................... ولد - لكن استغربت من الشكل وياني احساس غريب من الي شفتة وهي تقولي ولد لكن مب اكيد يمكن الحبل السري في النص لكن تقريبا ولد الي شفتة كانة عضو انثى وفي شي في النص نفس الذكر المهم بعد فترة سويت سونار وكنت في الخامس تقريبا الاسبوع 18 وقالت لي دكتورة ثانية غير الدكتورة الاولى انة .........ولد


في الاسبوع 26 او27 قالت لي الدكتورة انها .......بنت 😁 قلت لها متاكدة قالت انا متاكدة وراوتني فعلا شكل بنت وقالت لي انها اصلا تخصص بنات - زين يا الجماعة التجربة تقول ولد خخخخخخ


تجربة الجدول الصيني وطبعا ما انصح حد فيها لانها في علم الغيب وهذى كانت لمجرد التسلية انا وربيعتي للعلم التجربة تقوم بحساب عمر الام + اخر يوم دورة وفي اي شهر وبعد الحساب يظهر اذا ولد او بنت في منة جدول وفي منة طريقة حساب
النتيجة كانت لربيعتي = ولد +تجربة البول ظهرت ولد وفعلا ولدة الحمدللة ويابت ولد وطبعا اكيد صدفة كلة بعلم الله

اما انا ظهر لي ولد قي الجدول وفي طريقة الحساب طلع لي بنت
قلت خل اجرب تجربة ثانية وهذي التجربة عبارة عن ملفوف الاحمر او البنفسجي تاخذين منة ربع الكمية وتقطعينا صغار وبعدين تحطينة في جدر صغير وتصبين عليها ماي وتخليها تغلي لمدة 10 دقايق اللون بيكون غامج تقريبا مزرق او بنفسجي غامق وعند بول الصباح اكرمكم الله حطي نص كمية ماي الملفوف في كوب والنص بالضبط يكون بول
النتيجة الافتراضية تقول :اذا تغير اللون الي اللون المحمر او الوردي = ولد ......واذا ظل اللون نفس الشي بنفسجي =بنت
النتيجة كانت بعد التجربة ولد خخخخخخخ تعبت نفسيتي زين السونار يقول بنت خخخخخخخ

قلت خل اجرب تجربة اخيرة وهي عبارة عن بيكربونات الصوديوم
النتيجة الافتراضية تقول : بعد وضع ملعقة من بيكربونات الصوديوم داخل كاس زجاجي او شفاف بداخلة كمية من البول اكرمكم الله اذا ظهر تفاعل وكانة مشروب غازي يظهر فوران وفقاقيع =ولد اما اذا لم يظهر تفاعل = بنت
النتيجة كانت لم يظهر تفاعل يعني بنت زين وتجربة الملفوف 😭

التجربتين متناقضات في النتيجة اي وحدة اصدق 😭

انا خلاص رحت واشتريت اغراض للولد ياجماعة الخير التجربة زين شو اسوي فيها ههههه مسوية عمري حقل تجارب

المهم اخر زيارة لي قالت لي دكتورة غير الي مريت عليهم انها .....بنت وراوتني الشكل وقالت لي 99٪ بنت وقالت اقدر اقولج 100% بس انا ما بقول غير 99٪ رحت واشريت للبنت

شو رايكم ياكروشات ويا حلوات عطوني رايكم
بنت ولا ولد
وبخصوص التجارب ممكن يصير تناقض في النتايج يعني ممكن يصير خطئ

سامحوني اذا طولت ودعواتكن بليز لا تحرموني منها

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[fdeet-roo7h]

هلا اختي
التجارب كلها مب مضمونه و محد يعتمد عليها
وهذه كله بعلم الغيب حتي السونار مرات يغلط
لكنه نادر جداً بس ٩٩ نسبه كبيره لاتهتمين اختي وايد
كلهم سواء ولد او بنت خير وبركه و الله يبلغ كل حامل
بطفلها بتمام الصحه والعافيه يارب

[زم_قمر_ان]

الاهم الصحه فديتج

والاغراض اشترى لون محايد افضل عقب ما تربين

خذى الى تبي

[ام السديس]

ما شاء الله عليج عندج روح التجارب
الشهر 5 بالسونار يطلع واضح خذي اخر فحص بالسونار
الله يرزقج بالولد السليم ويطلعج بالسلامت

[المول]

والله ضحكتيني انصحج اذا اتعرفين الدكتوره اوراس اللي في الشارجه هي وايد شاطره بها المواضيع انا دايما تصدق معاي. والله يسهل امورج

[الجووووهره]

ههههههههههه
والله زين لج خلق تسوين تجارب
أنــ ـƠ̴̴̴͡ـ̮Ơ̴̴͡ـآ حلمت انه ايتني عيوز وقالت خذي عندها ذهب وخذيته ولبست سنسال والباجي خاتم واسوارات وتراجي خشيته بصدري فسرته قالو لي ولد ويوم سويت سونار قالت لي اكيييييييد بنوته أنــ ـƠ̴̴̴͡ـ̮Ơ̴̴͡ـآ لحين 22 اسبوع والله كريم اليجي ‏​۾‿ڼ آللـْ•̣̣̥·̩̩̩̥•̣̥ـْـّہ يامحلاه راضيه بقسمته بَـßÊـسّ يجي الطفل سليم معافا والحمدلله رب العالمين 😀

[نقنوقة]

انا اعرف شو بيب قبل الحمل حتى ههههه
يوم افسر الحلم يقولون لي شو بيب
واخر حمل ،، بشروني قبل الحمل بشهرين ههه كان التفسير بتحملين بولد .. وصدقو ^_^

المهم: لا تسوين سوات خالتيه ههه
وحليلها تخبلت السونار يقولها شي والتجارب تقول شي ثاني ....!!
وربت من قريب ماشاء الله وصدق السونـــار

[شذى راك]

هي صدق نشوف بالعين ولا نسوي التحاليل
انا كان احساسي انة ولد ودوم اشوف في الحلم بيبي صغير بس ما اشوف جنسة ينقطع الارسال هههههه

[sama DXB]

ف كل حمل يخبروني بجنس الجنين ف السونار و يطلع صدق

مادري ليش هالمره شاكه

قالتلي الدكتورة ولد ،، عقب ترددت قالتلي حبله السري بين ريوله
للحين ماشتريت شي
احس اني مب متاكده
و اي شي من الله رزق و راضيه بالاثنين

[بطوط]

التجارب والجدول االصيني ما ينوثق فيها بس السونار خاصه عالزمن نادر ما يغلط انا بولدي الاخير عرفت انه ولد فالشهر الثالث وحتى خفت اخبر ريلي قلت اكيد هذي تقص علي ما يبين هالفتره وفالخامس رحت الها قالتلي انا قبل قلتج ولد قلت الها جيكي الحين بيكون واضح وفعلا كان ولد خاصه الاجهزه اليديده واضحه عدل فعيمان دكتورتين ماشاء الله عليهم اذا قالو حقج الجنس يعني واثقين واذا مب واثقين ما يرمسون يقولون ما يبين دكتوره شيبوه ودكتوره شازيه

[شذى راك]

صح الي اي من الله حياه الله ونعم بالله بس بعد النفس تطمع وتتمنى اما الولد او البنت والانسان يقدر يدعي ويتمنى الي يبغية
المهم الحين نصدق السونار بس عاد الصدمة يوم ينزل العكس خخخخخخ وطبعا نحن يوم يسؤلونا ماشاء اللة شو قالو لج بنت ولا ولد على طول نرطن ما انقصر بعدين يتفاجئو حزتها عيل تقص علينا خخخخخخ مب بكيفنا هذا خطئ مطبعي ههههههه

[Dream High]

ههههههههههه شذى راك شو هالتجااارب كلهاااا ..

مادري جان مريتي ع نرميلا دامج من راك لانها شاطرة فتحديد جنس الجنين .. وطبعا العلم عند الله فالنهايه .. وخلج من هالتجااارب كلهاااا راسج بيدووور هههههههههه

[بنت خورفكان 3]

انا اذكر اني كان عندي فضول فرحت وخذت جهاز معرفة بنت او ولد وجربته وطلع غلط واالحين اعتمادي على السونار بالشهر الخامس

[ستروبيري شورت كيك]

طيب صار معاكم انه تفسير الحلم شيء و السونار قال شيء ثاني ؟؟؟

ع فكره عجبتني التجارب. خخخخخخخخخخ تعطيج حماس

[شذى راك]

بالنسبة لدكتورة نرميلا ما اعرفها والتجارب صج حماس ومنها تسلية ونشوف صحتها او خطئها وترى ممكن تصيب عند البعض او تخيب لان في وايد جربوها في اليوتيوب وضبطت وياهم
وبالنسبة للاحلام ممكن نحلم بولد بس يظهر العكس وهذا يرجع للوحدة واحلامها كيف تصيب معها او انة تحلم ببنت وتطلع فعلا بنت
اما السونار اذا صورتة فعلا واااضحة بخلاص الواحد يتوكل على الله ويحضر نفسة للي بي