حريم الاخوان ؟.,!

[مجروحة وأكابر]

صباح الخير بنات كيف حالكم عساكم بخير؟؟
اللي ما زالت يالسه فالبيت مع اهلها حابه اعرف كيف علاقتج مع حريم اخوانج وهل وجودهن في حياتج غير خوانج عليج نحو الاحسن ولا العكس وعيالهم كيف معاج يعتمد على امهم او لا خاصة لو هم عايشين معاج في نفس البيت ؟؟
هل انتي تحسين نفسج بعيده ولا قريبه من حياتهم ولو عندج اكثر من مرت اخو شو اللي خلى وحده اقرب من الثانيه
مشاويرج تحبين يشاركونج فيها ولا ؟
و لو صار اي اختلاف بسيط كيف تشوفين نفسج تفضلين تبعدين او تحلين الخلاف بالتراضي وكسب الود؟؟
انتظر ردودكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[نسايم روح]

نحن بالبحرين نعتبر زوجت الاخ شرات اختنا ويوم جيت الامارات تفاجاءت يعاملونس معامله مب زينه ويوم كلمه زوجي قطعني عنهم واخوه بعد ماسك حرمته بس بالمناسبات نروح نسلم لين درجه وحده منهم بتتزوج دزت مسج اتمنى ماشوفج بعرسي

[nooraaaa]

نحن بالبحرين نعتبر زوجت الاخ شرات اختنا ويوم جيت الامارات تفاجاءت يعاملونس معامله مب زينه ويوم كلمه زوجي قطعني عنهم واخوه بعد ماسك حرمته بس بالمناسبات نروح نسلم لين درجه وحده منهم بتتزوج دزت مسج اتمنى ماشوفج بعرسي

افااااا

[nooraaaa]

ما عندي خوان شباب عسب اجرب حريمهم

[munamoor]

نحن بالبحرين نعتبر زوجت الاخ شرات اختنا ويوم جيت الامارات تفاجاءت يعاملونس معامله مب زينه ويوم كلمه زوجي قطعني عنهم واخوه بعد ماسك حرمته بس بالمناسبات نروح نسلم لين درجه وحده منهم بتتزوج دزت مسج اتمنى ماشوفج بعرسي

اسمحي لي يا نسائم ،،، بالعكس نسيبات خالي بحرينيات و وايد متاذيات من خوات رياييلهن يالغلا ،،، لاتعممين يالغلا ،،، يوم بتقول الامارات انتي عممتي و انا ما ارضاااها يالغلا لا على الاماراتيات و لا على الامارات لانها بلادي ،،،،و بعدين قولي ان أهل ريلج هب شى او خوات ريلج بس لا تقولين يوم ييت الامارات تفاجات ... محد قال لج تاخذين ناس ما تعرفين طينتهم أهلهم اذا هم زينين او شينين و هاي مب اول مرة لج تحاولين تتهاجمين على أهل الامارات

[مجروحة وأكابر]

مشكوره على ردج نسايم بس صدقيني مب كل حريم الاخوان فالامارات جي لا بالعكس فكل مكان تحصلين الزين والعكس لا تحكمين وربي يحنن قلوبهم عليج و تصيرون اكثر من خوات
برايها لا تروحين عرسها توفر

[Eleena]

انا بالنسبة لي أعامل حريم إخواني كأنهم خواتي لأنهم بنات حلال حتى لو صارت بعض المواقف عادي الخوات بتزاعلن والغلط دائماً ما نخليه ع زوجة الاخ كلنا بنغلط وبصراحة انا احب اطلع معهن ونسهر ونمزح مع بعض ولو واحد من إخواني تزاعل هو وزوجته كلنا نوقف معها اذا ما كانت غلطانه اما اذا هيه غلطانه. فما احب ادخل بس بحاول أهدى الامر وكلنا خوات وحريم إخوان

[Rose.Style]

انا عندي 3 حريم اخوان ، و واحد منهم بيعرس جريب يعني بيكونون 4
حريم اخواني شرات خواتي ، مافي شي بينا غير الإحترام و الود و التقدير
هالحرمه مايت تدخل العائله عشان نسويلها مشاكل ولا نضارب وياها
ترا الفتره اللي بتعيشها ويا هليه اكثر عن عيشتها ويا هلها . .

فـ المفروض يكون لها قدرها و احترامها
الحمدلله ابد ماصارت مشاكل بينا والله لايقول يستوي شي

فتره حسينا وحده من حريم اخواني بعيده عنا بس مع الايام
عرفت منو اهل ريلها وتقربت والحين شرات العسل =)

[مجروحة وأكابر]

هلا نوره شكرا على مشاركتج ههه افتكيتي

[شمالية وافتخر]

موضوع حلو حتى انا ما عندي اخوان متزوجين خخخ

[ماحد شراتي]

ما عندي اخوان متزوجين بعدهم لاحقين ان شاءالله

يعطيج العافيه الغلا

[القرموشة]

حريم اخواني مثل خواتي نسهر ونحب نطلع مع بعض
والحمد الله ماصار شي بينا وعيالهم عايشين ويانا

[ام براق]

حريم اخواني 3. وايد طيباات وعمري ما صار بينااا مشااكل حتى امي اتضااربهم وتزعل عليييهم ما يزعلووون لان امي اتعااملهم احسن عن بناااتهااا. يحبوون امي ويحبوونهااا. بس ما يدخلووون ف حيااتنااا وايد يحسبوون حساااب اما نحن عاادي ندخل بس للاصلاااح. اخووااني تغيرو للاحسن لو حد من خوااتي بتعرس كل وحده اتناافس اطلع 10000 عشان يفرحوون العروس ولو وحده تربي ايمعووون البيزااات عشان الياااهل. ونحن بعد جي انسوييلهم لما انروح السووق نذكرهم ونشترييلهم بس اخوواني ما يحبوون حريم يطلعوون الا نااادر. بس مرتاااحين. عيالهم. وايد كوول وقليلين ادب. بس حلوو. ما يسبوون بس صرييحييين مثل امهم وابووهم. اناا وايد احبهم الله يحفظهم.

[مجروحة وأكابر]

الله يخليكم لبعض

[مس ستايل123]

علاقه جدا جميله الحمدالله مثل الخوات
ما حب اعور راسي لتفاهات القيل والقال والكلام الفاضي من جيي الحمدالله العلاقات حلوووه

وعيال الاخوان: مانقدر نستغني عنهم ابددددد ابدددد هم نور البيت