الغيره الزايدة عن حدها..

[أنسه زيتونه]

السلام عليكم ورحمه الله وبركاته ...

فديتج ام عبدالله هالنوع من الرياييل فطمه من التملك بيكون اسهل من فطم الياهل عن الحليب ان شاء الله

ان شاء الله لو بعد مب عشر سنوات عشرين سنه .... بس بالحيله والذكاء ... شوفي الاساس

ريلج يحبج ويموت فيج ويبا يتملكج .... لازم يحس انه غيرته يمكن تحطم سعادتكم ..بس مب بوضوح او

انج تواجهينه لانه بيكون شي وقتي بيرد شرات قبل ... لا لازم بطريقه غير مباشره من غير ما يشعر انج انتي تطالبين بهالشي

هو من نفسه لازم يحس انه تحكمه الزايد يمكن يضر فيج

وكونه يحبج بيتغير عشانج بس التغيير لازم يكون تدريجي من غير هو ما يحس فيه حتى

لي عوده ان شاء الله بسهب فيها بالحلول

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ملكان]

up


up


up

[حرمة عبدالله]

تسلمون على ردودكن ..

اللي تبا رقم الاستشاري سمحيلي فديتج الفون والله ماعرفه وين ريلي اعدمه من الوجود والسبب الاستشاري اللي ما خذت منه لا حق ولا باطل ههههههه

انسة زيتونة كلامج صح و هذا اللي صارلي بالضبط انا وايد اختصرت سالفتي من جي ضاع وايد كلام بين السطور ..

فعلا انا دوم كنت اواجه ريلي انه غيرته تنفرني منه يسمعني يوم وينسى ايام .. سالفه رقم الاستشاري اللي في تلفوني خبلته ويننته ..

لدرجه اني اقسم بالله اول مره اشوفه فحياتي يصيح !! كان يصيح ويسالني تخونيني!! تخونيني !!

مع اني الحمدلله اشرف من الشرف بس هو دايما يخاف يشك ويتهم الله يهديه .. مثل ما قالت اناناسه انا مرات اتحطم واقول ماباه تعبت بسني سجن ويوم اروح بيتنا واسمع الحريم وردودهن اتلوم فخاطري ومابا اخسر واحد هالكثر يحبني .. بس الحب مب كل شي ترا فالعلاقه الزوجيه لازم في ثقه في يسر مب كله حب وغيره .. بعدين في جوانب حلوه في ريلي مش معناته انه دراكولا وشرير هههههه بس غيرته تطغي على كل شي حلو فيه وتحطمه ..

احس هالنوعيه من الرياييل يقولون لج يا ويلج ان سويتي وما تسوين وان تميتي تقولين مابا وبروح بيت اهلي يقولج روحي بس يوم أي وقت الجد يغدي ياهل ويلزق فيج ..
انا احين راده ومستقويه .. يعني مب مطوله لساني وجي .. مخليه عمري وحده يديده واعامله جني توني ماخذتنه هههههههههههههههههههههههههههه اوني نسيت انه في اشياء ممنوعه .. احسه يتغاضى ويتلحلح شوي .. يا رب تيسر اموري ..

ادعولي ..

[اناناسة]

حرمة عبدالله اهم نقطة الحين انج ما تستسلمين لانج ان بس خطوة وحدة رجعتي لوراء

كانج ما سويتي شئ و بتردين بداية الخط




كمثال بغيتي تروحين الصالون و قال لج روحي بس لا تصبغين اللون الفلاني ( تحكم لا غير )

و انتي خاطرج فيه

ها مجرد مثااااااااال لانني ماعرف ان ريلج يتدخل بهالامور او لا



هو ما يباج تصبغين هاللون لانج بتحلوين و يغار حد حتى لو خوانج و حريم الاهل يشوفونج احلى و احلى

المهم ان حبيتي تصبغين و هو مب راضي لسبب واهي لابد تصبغينه كما تحبين !



تعرفين ليش ؟؟



لانها بتكون خطوة يديدة نحو التغيير ان شاءالله و انتي بهالطريقة بتفهمينه لج رايج الخااااااااااص

ها مجرد مثال اقصد الصبغة و انتي ممكن تطبقينه على امور كثيرة و لكن مب لدرجة ترمسين استشاري

او ما شابه لااااااااااااااا

انا اقصد بامور خاصة بج فقط عسب تفرضين رايج لانج لج حق على نفسج

[أنسه زيتونه]

حرمة عبدالله اهم نقطة الحين انج ما تستسلمين لانج ان بس خطوة وحدة رجعتي لوراء

كانج ما سويتي شئ و بتردين بداية الخط




كمثال بغيتي تروحين الصالون و قال لج روحي بس لا تصبغين اللون الفلاني ( تحكم لا غير )

و انتي خاطرج فيه

ها مجرد مثااااااااال لانني ماعرف ان ريلج يتدخل بهالامور او لا



هو ما يباج تصبغين هاللون لانج بتحلوين و يغار حد حتى لو خوانج و حريم الاهل يشوفونج احلى و احلى

المهم ان حبيتي تصبغين و هو مب راضي لسبب واهي لابد تصبغينه كما تحبين !



تعرفين ليش ؟؟



لانها بتكون خطوة يديدة نحو التغيير ان شاءالله و انتي بهالطريقة بتفهمينه لج رايج الخااااااااااص

ها مجرد مثال اقصد الصبغة و انتي ممكن تطبقينه على امور كثيرة و لكن مب لدرجة ترمسين استشاري

او ما شابه لااااااااااااااا

انا اقصد بامور خاصة بج فقط عسب تفرضين رايج لانج لج حق على نفسج

أنوسه ... اول مره اعاكسج بالراي ... نوعيه ريلها المتملك يحبها و يحس انه ربه رزقه بجوهره

ف يبا يخشها عن العالم كله ... وتملكه نابع من الغيره وعشقه لها واحساسه

انه استقلالها عنه بيأدى الى انها تنساه وتلتهي عنه ... هالحروب العلنيه والصريحه مع هالنوعيه من الرجال فاشله فاشله فاشله

لازم من الحرب البارده وغير مرسومه التضاريس

الحين يوم هي بتروح الصالون وبيقول قبل لا تصبغين هاللون وبتصبغه بس عسب تفرد رايها ابدا مب حل ..

لانه ريلها بيحس بعدم الامان والاستقرار ويحس بالخوف انه يفقد السيطره ف يمكن يزيد بسيطرته اكثر او تروح

ظنونه لاماكن اخرى ويوسوس له الشيطان والشيطان شاطر وتعرفين

هالنوع من الرياييل هالشغلات تاثر فيهم خصوصا فقدان السيطره... بالنهايه مش المغزي انها تفرد رايها عليه المغزي انها تستانس

بحياتها وتسوي الشغلات اللي تحبها وتكسب ريلها وتغيره للافضل ... ف مساله انها تعارضه بشكل صريح وواضح

بيزعزع من حياتها ... بالنهايه المراه المتزوجه يوم بتكشخ بالاول لنفسها عقب لريلها ....

تقدر بموضوع نفس سالفه الصبغه بالصالون .. اذا سألها تقوله سبرايز ... بسويلك مفاجاه حبيبي لا تسالني

شو بس خاطري من زمان اغير اللوك وابي افاجئك حياتي ... وهني بتروح الصالون بتسوي الصبغه اللي خاطرها فيها واذا ردت

البيت قبل لا ينتقد تقدر هي تكون المبادره والمستلمه لزمام الامور ... وتقوله حبيبي فديتك شو رايك كلهم

بالصالون يقولون لي يا بخت ريلج فيج والله يحفظج واكيد بيتخبل يوم بيشوفج ... وانا بصراحه وايد تحمست

وابي اشوف هاللون حلو بعيونك ولا لأ ... اذا قال حلو الحمدلله وكل خير ان شاء الله تكون سوت اللي

ف بالها ومشت رايها بدون لا يحس زوجها انها سوت هالشي عناد فيه وبيحس من افعالها ورمستها انها مسويه هالشي لخاطره

وبيحس بالاطمئنان الداخلي ... واذا قال لا مب حلو وغيريه ومدري شو ... تشل بعمرها وتبوز شوي وتقوله اصلا ليش اسوى هذا كله مب لك ..

ولا يبين بعينك كله العالم تقول اني اخبل وحلوه وانت ريلي يكون جي ردك واذا تحبني صدق بتشوفني حلوه بكل حالاتي

وتسحب بعمرها وتزعل ... وهني هو بيبدا يحس انه غلط وشوي شوي بيبدا يقدر ... و ع الاقل بيحس انها

تكشخ وتهتم له هو ف الاول والاخير ... لازم هالخوف اللي بداخل ريلها اللي يخليه يحاول يتملكها شوي شوي تبدا تهدمه


التغيير صح لازم يكون خيارها ... بس الرجل كالطفل اوقات لازم نجذبه واوقات لازم نهمله ... بس بحاله الرجل المتملك العاشق

لازم نزرع فيه الثقه والطمأنينه عشان يتوصل لمرحله السلام الداخلي ....

بس بالنهايه هذا كله بالاول والاخير عشانها هي ... لازم هي تكون مستانسه وتسوى الشي اللي بخاطرها مو مهم

ريلها تحرا انه هو متحكم وهي متحكمه ..اوقات انا امشي ريلي ع شوري بدون لا يحس اني افرض رايي لا اخليه يحس

انه امشي ع كيفه وانا مريحه راسي ... لا صارخت ولا نرفزت ولا عصبت كله بالحيله والذكاء الين شوي شوي

يستسلم الرجل من الموقف الهجومي ويوقف حكم مساعد ..


...بس صدق الله يعين انا حاسه رياييلنا شوي وبيخبلون فيها .... انا ريلي كان اخس عن جي يغار من ربيعاتي وخواتي ...

بس الحمدلله قدرت افطمه

[حرمة عبدالله]

لا يا انانانسه مثالج عن الصبغه في محله .. تعرفين اني ممنوع اتحنى فالمناسبات!!! ما اريد اصدمكن اكثر ههههه

وبالنسبه لموضوع الانترنت .. يدري انه في انترنت فالبيت .. بس ريلي مب من النوع المتفتح يعني لو يعرف انه فالنت شي شيء اسمه تواصل او مشتركه هنيه بيقطعه اليوم قبل باجرر .. لا يا اناناسه مب مستعده اتراجع بس عقولتهم حبه حبه ..

تدرين يا اناناسه ليش بعض الحريم يستسلمن؟؟ الاهل والله الاهل يلعبون دور في شخصيه الحرمه .. احيانا ما نقدر نرمس لانه للاسف الاهل خوفهم بس من الطلاق بالذات اذا مافي فالعايله حد مثقف ويقدر يحاور .. عن نفسي والله اني من بدايه عرسي اصارع هههههههههه شرايكم فالكلمة هههههههههههههههههههههههه بس اهلي وريلي يحبطوني ما القى حد ف صفي غير حريم خواني وخواتي اللي مالهن حول ولا قوة ..

[candy box]

للرفع

[اناناسة]

الحمدلله







فديت زيتونة و آنسة زيتونة و رايها انا بس بليز بدي زيتون اسباني مال القرية مب مال الجمعية








تدرين يا زيتونة الحلوة هالنوعية من الرياييل لازم تعطينهم في الجبهة ههههههههههههههههههههههه


اسووووووووووولف




اقصد المفروض الحرمة تترك الخوف و لازم تكون جريئة و محترمة و مؤدبة بنفسا لوقت

و اهم شئ قوية ما قول تصارخ لووول


بل تصر على رايها ان هي على حق


عن الصبغة بالله عليج السالفة تستاهل كل هاللف و الدوران تشوفني و اشوفك تحب و احب حلوة و مب حلوة

و ناس يقولون و ناس يفعلون و ماعرف شووووووووووووو




صرااااااحة و يمكن انا غلطانة مادري



هالنوعية كل ما حاولتي تكسبين رضاهم و تتنازلين و تتمكرين و تحاولين بالمكر و المسايس و اللف و دوران تحصلين

( اقصد الحرمة تحصل مب انتي هخخخخخ)


كل ما يتمادون و يتحكمون زيادة و ان تمادوا و اعطوهم ويه بزيادة

بيي يوم يتهم حرمته بالخيانة


لانه عقله الباطن التعبان يشوف كل تصرفاتها غلط

و شكرا

[أنسه زيتونه]

لا زيتون لبناني بس افا عليج حاضرين نيبلج اسبانيكوو كم انس انس عندنا

انوسه الاموره ... انتي نسيتي شغله مهمه ... اوردي ريلها ماخذ موقف من موضوع المستشار

يعني اي فعل صريح وواضح بيكون جنه يالسه تطلقين النار ع مستودع بارود

عسب جي انا قلت .. لازم المكر التدريجي الين تتغير الفكره المترسخه في باله ويحس بالامان النفسي والسلام الداخلي

لانه هو حاليا في نزاع بينه وبين نفسه وبينه وبين حبها وبينه وبين عفريته ... تدريجيا هي لازم تبدا تمسك زمام الامور بسالفه الصبغه كمثال تعوده انها سوت شي من نفسها ... عشانه وبدون لا تاخذ رايه حتى لو شي بسيط وبحيله لازم تبين له مثال موظفات

الصالون قالولها نايس وتدخله بالموضوع عشان يحس عمره محور حياتها... وعشان ما يكون في مجال للنقد لابد يكون في طرف ثاني مدح بالشغله ويحس هو بينه وبين نفسه انها هي مهتمه فيه ومسويه هالشي لخاطره وهو كسر بخاطرها

لازم يسيطر عليه هالشعور بالذنب.. اعرف عوار راس ومشوار طويل ... بس العبره فالمغزي

انه اذا نرفز وانتقد لمجرد الغيره يوم بيحسبها براسه بيفكر انها سمعت المديح من الموظفات وهو ما مدحها .. وهي مسويه هالشي لخاطره

وبيحس بالذنب شوي شوي لازم يترسخ شعوره بالذنب والخوف انه اذا ما غير اسلوبه يمكن يخسر حبها

نحط العسل بالسم ونشوف حيجرى ايه

يابوج هالرياييل بكل نفسيه وافكارهم غير شكل ... بس ما عليه الواحد ياخذها كتحدي .. ( الله يرزقنا الجنه يارب )


تقولج الحرمه ريلها حتى الفون مسويله حظر


يعني ريلها صعب صعب صعب لازم تحسسه قبل اي شي بالامان.. ولازم يتعود من صغائر الامور ... وبشكل غير مباشر الين يدخل بالجو ويتعود ...


من سالفه الى سالفه وسالفه الين هو من نفسه يدعها في حال سبيلها ويبدا هو يشاورها .... لانه بتكون عفاريته ماتت ان شاء الله

هو محتاج يشعر بالامان هو يبا يكون محور حياتها وانها ملكه .. تصادمهم بطريقه واضحه بيضرها اكثر مما بيفيدها لانه يوم يومين

بيتغير عقب بترد حليمه لعادتها الجديمه ... اما بالحرب البارده والتغيير من تحت تحت واسلوب الضرب من تحت الطاوله ... اتوقع

هالاسلوب اللي ينفع مع الرياييل من هالنوع ...

[أنسه زيتونه]

بخبركم قصه حياتي





اذكر اول ما ملجت ... ربيعاتي كانن مسويات بارتي لي ورحت وخبرت ريلي قبلها وانا عايشه الجو الريال يكتب جمله وانا ارد بحرف

ومطنشه الفون وارد عليه عقب نص ساعه او ساعه تعرفون خرشه البنات تنسى الوحده اسمها ... المهم طرشلي مسج ..


(انا مب خيار ثاني ف حياتج وعمري ما بكون ) المهم ربكم ع هالمسج فوني فضى وانا كنت مروحه البيت ... دزيلته

جود نايت وانت اوردي تعرف وخبرتك اني ويا البنات ومسويه عمري اللي دونت كير

وحطيت راسي ودخلت ف ملكوتي الخاص ورقدت (شخصيتي قويه وبالويه ما احب النكد)


المهم الاقي الريال اليوم اللي عقبه جدام البيت ويتصلبي زوزو لبسي عباتج وطلعي برا عينكم ما تشوف الا النور ..

انا من بوظبي ... اشوفه قبض خط العين تم ساكت وويه اصفر اخضر ازرق ... عقب ما اسمع الا صريخ وجمل غريبه عجيبه

انتي شو .. انا المفروض اكون محور حياتج وكوكب وانتي مداره تدورين حولي ... كيف تردين عقب سنه ويا فرحتي فيج

رايحه ويا ربيعاتج ونسيتيني ومطنشه والله يعلم ومدري شو ..... بصراحه ع هالنرفزه والصراخ والخط القابضنه قلت

الريال يبا يذبحني ويفرني ع الخط ... تميت جي داخليا اتنافض و اتشهد واستعيذ من الشيطان ..عاد انا كله والا الصراخ ...

قالي ربيعاتج تقطعينهم اذا بيشغلونج عني ... خير شر انسيهم وقطعيهم وماشي فون ... ومن صوبي ما سمع غير : حاضر سيدي


بس شو الوضع عقب الزواج ودخولنا للقفص الحديدي وعقب ما طلعت عيوني وطلع الشيب براسي وصدق يعني مب غشمره شيبت وانا بعدني بيبي ببدايه العشرينيات ... الحين ربيعاتي هو اللي يباني اطلع وياهن ومن خاطره وما يحس بالتهديد..

وما تفرق عندي انه يحس انه هو متحكم وانا اللي متحكمه بشكل غير مباشر اهم شي سويت اللي فبالي ... مكر خدعه لف ودوران

اهم شي انا بيني وبين نفسي اعرف اني سيده الموقف ...

ان الحرب خدعه

س هذا لاف استايل طويل المدى ... يعني التغيير البطيىء والرسايل غير المباشره بتنفع اكثر من المواجهة والجرأه ... ويمكن انوسه

انتي رايج صح ونصيحتج مناسبه .. وثانكس فديتج ع ردج وحماسج اللي يبث الحيويه بالنهايه كافه الحلول وارده ... الوحده شو وراها غير تطبق وتجرب وان شاء الله ام عبدالله تستفيدين من اراء البنات وانوسه وتلاقين هالمساحه اللي تقدرين فيها تجدين نفسج ومتنفسج الخاص ...

بس مافي راحه بدون تعب دونت وري فديتج نحنا هني خواتج ومعاج ان شاء الله الين توصلين بر الامان ^_^

[اناناسة]

حرمة عبدالله حبيت ( اصارع ) هههههههههههههههههههه والله تخيلت مصارعة حرة هههههههههههههههههههههههههه






زيتونة


مممممممممممممم ايلست افكر بكلامج و شفت صح لج حق ان تتم تعاند و مثلا قال لا تصبغين اشقر و صبغته

ممكن يمنعها خير شر من تروح تصبغ !!

انزين في مكر بطريقة ثانية



ان الحرمة تبغي تفتح شعرها تفتخ بالتدريج يعني كل مرة شوي افتح عسب الباشمهندس ما يلاحظ



مكر يا ماما مكر ههههههههههههه





قريت قصتج و اقول هو الصح بنفس الوقت كنتي تعقين عليه يمين الطلاق انت طالق طالق طالق يالى روح بيت اهلك


عنبوووووووووووووو اوكي اوكي ما يخصني ما بتدخل خلاص توبة



بعيد عن ريلها و ريلج و الاخرين

انا في شئ ما داش مخي خير شرررررررررررر

الريال ان يحب التحكم على كل صغيرة كبيرة ليش اساسا يتزوج ؟؟

يا سيدي تم ببيت ابوك و اتحكم باخواتك بلا تلعوز بنات خلق الله !


مرات ينسون هالبنت آدمية عندها ربيعات عندها حياتها الخاصة قبل الزواج

ماعليه انا مع ان البنت عقب زواجها تحدد علاقاتها و مب على راحتها تطلع و تدخل و لازم بشور ريلها


بس عاد مب لدرجة انها تتركهن عشانه !

عشان هو يكون محور حياتها !

الانسان يقدر يكون محور حياة شخص واحد و هو نفسه لا غير

لان ان جبر نفسه على غير ذلك لابد لا محال بيكره الشخص المتحكم

ما يفرق منو الزوج او الزوجة

التحكم الزائد عن حده يولد كراهية و = وجود جسمين مع بعض

روح المتحكم مبسوط و مستانس و الطرف الاخر روحه بوادي آخر بعيد كل البعد عنه و قلبه


ماعرف ليش الرجال الشرقيين يا يمين يا شمال و نادرا وسطيين

يا يهدون حريمهم هدددددددددددددددددددد الحرمة متبرجة متعطرة متدلعة و تتمشى بين الشباب و هو

عادي كأنه العيد ! كأن حرمته للشو و الخقة !


او انه يحبسها حبس كانها كناري جميلة في القفص الذهبي و طبعا في رياييل وسطييين


المطوع ينعجب بمتبرجه و يقطع كل علاقاتها و غصب يغطيها

يا ريال خذ لك مطوعة



واحد ما يعرف كم صلاة فرض علينا و ينعجب بمطوعة و يجبرها تعق حجابها ووووووووووو !

ياخي خذ لك وحده شراتك



و الامثال كثيرة


اويه انا وين رحت هههههههههههههههههههههههه


عادي ما عليه برد ريوس


اقصد اللي يحب يتحكم احسن يتم ببيت ابوه و لا يعرس و على كيفه يتحكم باخواته

لين ما يكرهونه و يتمنن يتزوجن و لو بشعشبون


اهم شئ يفتكن منه هههههههههههههههه

المهم


مثل ما قلتي كل ريال غير عن الثاني

انا صراحة طلعت كل طاقتي بموضوع اختنا UAE احس خلاص مخي مقفل

[كراميلا1]

هههههههههههههههههههه

ريلج تقريبا شبه ريلي بس وايد اتغير عقب الزواج لاني انفجرت وبنفس الوقت لانه يدرس جامعه فكل شي علي اشتري سامان البيت اخلص معاملات

[اناناسة]

انوسه الاموره ... انتي نسيتي شغله مهمه ... اوردي ريلها ماخذ موقف من موضوع المستشار

صدقيني ان مب المستشار و متصلة براعي الدكان تطلب خبز بعد موقفه ما كان بيتغير

لانها هي حرام ترمس اي ريال و هو عادي يشوف الحريم و زميلاته و اللي بالتي في !

خلاصة

حلال له حرام لها و مب مهم مستشار او راعي الدكان و الخياط اهم شئ ريال





يعني اي فعل صريح وواضح بيكون جنه يالسه تطلقين النار ع مستودع بارود




انفجار مرة و اخذ نتيجة ايجابية و لا كل مرة شلق صغيرون بلا نتيجة


عسب جي انا قلت .. لازم المكر التدريجي الين تتغير الفكره المترسخه في باله ويحس بالامان النفسي والسلام الداخلي


المكر يتعب المخ و النفسية ان كل مرة الحرمة يلست تفكر شو بيكون المكر اليديد

طول حياتها و هي تقضيه بتفكير و اختراع طرق يديدة كي تحصل على مرادها و هالشئ اعتقد جدا متعب




لانه هو حاليا في نزاع بينه وبين نفسه وبينه وبين حبها وبينه وبين عفريته

انزين هو بعد لا ينسى حرمته بعد عندها عفاريت !



... تدريجيا هي لازم تبدا تمسك زمام الامور بسالفه الصبغه كمثال تعوده انها سوت شي من نفسها ... عشانه وبدون لا تاخذ رايه حتى لو شي بسيط وبحيله لازم تبين له مثال موظفات

عسب يقول خلاص ودريه هالصالون و موظفاته اللي يخربونج و حياتنا



الصالون قالولها نايس وتدخله بالموضوع عشان يحس عمره محور حياتها...

ان الرجل اعتقد هو محور حياة زوجته ممكن يستغل هالشئ

و العكس صحيح


تقولج الحرمه ريلها حتى الفون مسويله حظر






يعني ريلها صعب صعب صعب لازم تحسسه قبل اي شي بالامان.. ولازم يتعود من صغائر الامور ... وبشكل غير مباشر الين يدخل بالجو ويتعود ...


كل ما تكون سمع و طاعة لاشياء تافهة كل ما بيشد الحبل على رقبتها





من سالفه الى سالفه وسالفه الين هو من نفسه يدعها في حال سبيلها ويبدا هو يشاورها .... لانه بتكون عفاريته ماتت ان شاء الله

و عفاريتها هي ؟؟

هو محتاج يشعر بالامان هو يبا يكون محور حياتها وانها ملكه ..

الحريم بعد محتاجات هالشئ و بالقوووووووووووووووووووووووووو

بشكل اقوى لان كل شئ من الحمل و الرضاعة و الولادة وووووووو عليهن و حساسات اكثر من الرجال



تصادمهم بطريقه واضحه بيضرها اكثر مما بيفيدها لانه يوم يومين

بيتغير عقب بترد حليمه لعادتها الجديمه ...


بس ان قالت بكل ثقة هاي انا و مب ناوية ارجع كما كنت في امكانية كبيرة انه ما يرد لعادته الجديمة



اما بالحرب البارده والتغيير من تحت تحت واسلوب الضرب من تحت الطاوله ... اتوقع

هالاسلوب اللي ينفع مع الرياييل من هالنوع ...


جائز بعد بس جدا بيكون متعب

يبغيله طاقة كبيرة و تعب نفسي


انتي تخيلي الحرمة اللي ريلها من هالنوع المتعب و المزعج

ان تبغي مثلا تروح بيت ربيعتها كم يوم لازم تيلس تفكر كيف تطلب منه ؟؟

كم لازم تخطط شو تقول و متى و باي طريقة عسب يوافق ؟؟


كم يوم لازم تركز و تعيد الكلام بخاطرها فقطططططططططططط عشان تزور ربيعتها كمن ساعة


هاي مب حياة بل قهر

شو بيصير ان الحرمة بكل بساطة تقول زوجي العزيز اليوم الفلاني ابغي ازور ربيعتي


و يرد تمام زوجتي العزيزة و لكن الله يخليج سيري بوقت اللي انا في الدوام او مشغول

عسب يوم ارد البيت تكونين موجودة


بهالحالة الاثنين بيقضون وقت ممتع و يردون البيت بكل وناسة و باور جديد


و الحياة تصير اروع و اررررررررررررررررروع


بلا خوف من المجهول و الرفض

[أنسه زيتونه]

هههههه شكله شخصيتج ناريه

عسب اعطي مجال للخوات يعلقون ويدلون بدلوهن بحاول اختصر

بس بقولج انوسه راعي الدكان غير ... والمستشار وضعه غير .. لانه لقى رقمه بفونها وتتطور الموضوع انها راحت بيت هلها ...


بس بالنهايه صح كلامج يمكن المواجهة تفيد ... بس من وجهة نظري اميل للحروب البارده .. احب التعذيب النفسي

حاسه عمري هتلر ... ... صح المكر واللف والدوران يتعبون الواحد بس الا ما توصل بنتيجه ... وفرض الراي والمواجهة

يمكن ييبون نتيجه بعد .. مش مساله سمع وطاعه ونلغي شخصيه المراه بالحياه الزوجيه بالعكس انا اشوف انه كل مرأه عندها القدره انها

تغير من زوجها وتمسك بزمام البيت لان الحريم اذكى من الرياييل بوايد بس كل وحده وريلها .. ترا كل ريال عنده مفتاح ويختلفون بالتفكير ..و بعد نقيس كل زوجه وحالتها ووضعها بمجتمعها ومحيطها والدعم اللي يمكن تتلقاه بوضع ام عبدالله فديتها اهلها معارضين الطلاق واقفين بصف ريلها

يعني مالها الا انها تعتمد ع نفسها بتغيير ريلها والمواجهة المباشرة معاه ... شو بتكون رده الفعل المقابله لها لو ريلها رفض يتغير

هل بترد عند اهلها وبيردها مره ثانيه ودواليك نفس الحكايه من اول ويديد هالاسلحه كثر استهلاكها بدون فايده تذكر تضعف

من موقفها مره بعد مره ..


... الرجل طفل كبير لازم نعشمه ونسايسه

عسب نلاقي التغيير المطلوب .. شفتي الياهل يوم تزاعقين او تنهرينه شو يسوي يتم يعاند فيج .. .. ما نروح لبعيد عندي

ربيعتي ... حياتها ف بدايه الزواج ... الله .. ريلي .. انا ... مهتمه بريلها ومسويه فيه يا دهينه لا تنكتين وقاطعه العالم

والكره الارضيه عشان ريلها هو همها وشغلها الدائم

بس تعالوا شوفوا عقب سنتين من الزواج انقلبت الايه .. كانت ماشيه ع شعار اتمسكن الين اتمكن .. وع فكره معظم

البنات اللي تتكلمين عنهم انوسه المتبرجات واللي رياييلهن عادي وكول كانوا جي ... فالبدايه هي تدلعه وتحطه بعيونها وتدلل

وعقب ما تتمكن منه تقلب عليه تعشمه بالحلا ويسير يخرم اوذانه عقب تمشيه ع شورها يا تطلع بطيخه حمرا يا بيضا



كاننا شطحنا من الموضوع الاساسي ...

والسموحه منج ام عبادي والله يحفظ لج عبدالله ان شاء الله

ان شاء الله ام عبدالله تاخذين الشغلات اللي تفيدج حبوبه والله يوفقج يارب ويسمعنا عنج كل خير يارب

[حرمة عبدالله]

راقيه ..

انا تميت سنين مثلج ادور مستشار وادور حلول .. لين وصلت للي انا فيه ..

مشكلتنا مب عند أي مستشار مشكلتنا فيييييييييييييييييييييينا .. عزمي وثقي بنفسج قبل كل شي ..

لا تبكين والله البكاء ما بيفيدج .. ولا تهتمين وتمرضين عمرج ..

دخلي حد من هلج لو فيهم حد يوقف وياج .. بس نصيحه لا تسكتين وتصبرين بدون أي موقف وتقولين باجر بتغير ؟؟

لاني تميت عشر او تسع سنين اتريا .. ولا تغير ولا شياته ..

انا نفسج كان يدخل بجيسه زباله الله يعزج ويلقط مكياجي جدامي ويفرهن فالزباله !! حتى العطور ممنوع اتعطر واذا تعطرت مافي طلعه من البيت مع انه عطوري فالثياب مب العباه او الشيله !!! ويوم اقوله ماباااااك برووح بيت هلي يصيح شرات الياهل !!!

وحياتج من رديت بيت اهلي صفيت المكياج عالتسريحه وادريبه يتحرقص احينه يباني افرهن بس فالاحلااااااااااااااام ....

ويوم يقولج مستحيل تغيريني ؟؟؟ نفس الجمله اقسسسم بالله قالي اياه قبل لا ارجع عنده ووقلت له : ما بغيرك فديتك تم مثل ما انته انا اللي بتغيرررررررررررررررر انااا تغيرت وبغير نفسي وببدا اعطي نفس الحب اللي عطيتك اياه لانه نفسي عزيزة .. مادري اوقات احس اني ارتب كلام عسب اقوله وحزتها يطلع كلام ثاني هههههههههههههه
الراقيه لا تسكتين ابدا ... ولا تاجلين .. لازم تتخذين موقف ..