زوجي !

[بكور علي]

Cobon تقول:
2013-06-11 14:28
رد: زوجي !
لزينانا اقول ارجعي بيتج البيت
و امسكي بيتج بإيدج ولا تسمحين لأي شخص يخربه
و دامج حامل هاي نقظة خليه وياج و وديه عند الدكتورة و اتفقي مع الدكتورة تقول له الحامل محتاجة دلع و عناية و رعاية
و سيري جلسات السونار وياه

غيري اسلوبج و كلامج و كل شي عسب تحافظين ع بيتج
يا اختي اخرطي مثلي ما تعرفين
عطيه من ها الكلام الزييين

سوي بنصيحتها والله يكون بعونك

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام مصطفى..]

الحمدالله على كل حال ..

[manal25]

الحمدالله على كل حال

[m3andah]

Cobon تقول:
2013-06-11 14:28
رد: زوجي !
لزينانا اقول ارجعي بيتج البيت
و امسكي بيتج بإيدج ولا تسمحين لأي شخص يخربه
و دامج حامل هاي نقظة خليه وياج و وديه عند الدكتورة و اتفقي مع الدكتورة تقول له الحامل محتاجة دلع و عناية و رعاية
و سيري جلسات السونار وياه

غيري اسلوبج و كلامج و كل شي عسب تحافظين ع بيتج
يا اختي اخرطي مثلي ما تعرفين
عطيه من ها الكلام الزييين

سوي بنصيحتها والله يكون بعونك

وانا بعد اشوف هالشي صح ,,, بس بعد لازم يثبتلج انه ودر كل البنات وان ما بيرجع لهالحركات
وانتي ازعلي فتره بعد عشان ما يقول عادي بتزعل وترضى نفس كل مرة
يعني بينيله ان الموضوع كبير وايد .. ومب اعتذار وهدية وبيمشي الحال .. لازم يندم صدق عاللي سواه

[A+k]

تمي بيت هلج لين ماي هو ويستسمح منج

[:: DUBAI ::]

لا تخلين شخصيتج ضعيفة و مكسوره .. خلي لج راي و لج صوت و يحسبلج الف حساب ..

كيف خطب غيرج و من قالولج ردي رديتي البيت .. خلي لج كرامه .. انا ما اقول لا تردين .. بس ردي عقب محاولات منه و عقب شروط و عقب ما يراضيج و هو ايي ياخذج ..

بيضربج عشان حبيبته دافعي و قولي و اكديله انج بريئه و انها تتبلى عليج ..

الله يسخرلج زوجج يارب .. و ييسر امورج ان شالله ..

[أم ردينا]

>> حبيبتي .. اول شي .. محد له الحق يقول ان بدايتج غلط وهاي المشاكل نتيجه العلاقه .. سوري منها ,, هذا لو انتي ما كلمتي .. ترا ربيع اخوج .. و لو كان مبين عليه الغلط اخوج ما بيرضى تاخذينا .. بس شكله .. هو عنده علاقات بالخفااااء محد يدري عنه .. فبليز بنات ركزوا ع المشكله مو ع اشيا ثانيه ..
اول شي مشكلتج .. زوجج يحب وحده 2 .. انتي عزيزه عليه بس قلبه عند ال2 ..
كيف تتعاملين مع المشكله ..
هو متيم فيها و يسمع كلامها و عادي قلبته عليج بس مكالمه وحده .. انتي ما تمانعين انه يتزوجها و لا فكرتي تتصلين فيها و تهزئينها لانج عارفه انه يحبها من زمان .. نقطه ايجابيه انج متفاهمه بهالشي ..

انتي حامل .. وانضربتي صح ..

اذا تميتي بيت اهلج .. البعد ما بيرده لج .. ممكن تاخذين استراحه محارب لين ما تحسين ان جسمج ارتاح و علامات الضرب راحت .. عقب شلي عمرج و سيري له .. هي الحين ماخذه مكانج بقلبه وحتى بغرفتج ... لان اكيد يكلمها بفراشج كل ساعه ..
انتي يوم بتروحين بتثبتيله ان كلامها غلط .. لو تكلمين الرياييل بتقولين فكه واحسن اتم ع كيفي بيت اخوي .. بس لما تروحين بيتج و تعيشين عنده احسن لج .. في رياييل وااااايد ينجذبون حق حريمهم الحومل .. يقولون الحامل تفرز ماده تجذب الريال .. لان كل ما شاف بطنها تكبر .. يحس بالفخر .. ويحبها و يداريها ..
ما اقولج تلصقي فيه .. خلج رزينه و ثقيله .. بس ما يمنع التمثيل شويه اخر الليل ..

صدقيني قربج منه .. احسن من بعادج ..
حتى لو رديتي ع ربيعته وقتيلها .. انا ما ابا افرقكم .. هو يباج و انى اتمناله السعاده .. يمكن تبعدج عن تفكيرها ..
وانتي بينيله انج ما تعارضين زواجهه بما انج كنتي تعرفين عن حبه وتمنيتله انه يتزوجها .. هو بعد بيقل استنفاره منج ..
ويمكن يخبرج عن تفاصيل حياته معاها .. وتعرفين نقطه الضعف و تشتغلين عليها ..

ان شالله اكون فدج ... حبيبتي .. ارجعيله بس ونتي مرفوعه الراس .. صدقيني بيحن لج .. الريال يحب شكل مرته فالحمل .. و الحمل ترا يحلي الوحده وايد .. يمكن حياتج تحلا فهالفتره ..

صح كلامك انا معك

[دلعي غيـر]

اسمحيلي، ماقدر اقولج غير انه ريلج مب ريال
والسموحه منج مره ثانيه، بس ريال رضى ع
عمره يرمس فلانه وعلانه ع اساس انهن خواته
وحب له وحده غير عن حرمته ويوم وحده منهن
بس قالت حرمتك فيها وفيها، قام يضربج !!
لو كل اللي استوى حقيقه ف ها مب كفو الوحده
تعيش وياه . . ماضيج وياه لا تربطينه بالحاضر
لانكم تزوجتوا ع سنه الله ورسوله ومحد يقدر ينكر
علاقتج به يعني ما في مجال حد يجرحج ب شي
الا اذا كان لج يد ف اللي يحصل سواء لج ولا لريلج


ماعرف شو بتعتبرين ردي نصيحه
ولا تهجم ع ريلج، بس بنشوف رد الخوات . .


الله يتمم حملج ع خير وييسر امورج

يعل تنكسرر ايد كل ريال يمد ايده على حرمته يــارب

[اخت زايد]

الله يهديه ويرجعكم لبعض

[بنت خورفكان 3]

اول شي بصراحه الله يعينج اشوف حالتج بس اشوفها مب صعبه عندي لج حل ترتاحين له
مشي امورج بروحج
وحطي فبالج انج حامل خبري امه اللي اهيه عمتج شكلها واقفه بصفج وقفي معاها ضد اللي ناويه على زوجج علشان ولدج وتقوليلها هذا ولده وانتي زوجته ولازم يتحمل المسؤوليه ويصرف عليج وعليها ومب زين الحامل لها الضيق
وريلج شكله متقلب بعواطفه ومب صادق او ان فيه شي ( مره يقول يحبج ومره يحب البنت )

وطبعا عمتج بتخبرج بأخر التطورات اللي بولدها


اما سالفة انج تردين البيت فجأه وبيكون ردة فعله التطنيش واكبر طاف وهم بعد اهله بيحتشرون عليه وبيهتم فيج غصبن عنه لانه مجبر

ولاتنسين تتصلين به وتوصلين معاه لحل يرضي الطرفين


ان شالله الله يوفقكم

[بسمة فجر]

الله يعينج اختي بصراحة موضوعج اثار في نفسي تسائلات كثيرة معقولة في ناس في زمنا هذا يفكرون و يتعاملون بهذا الأسلوب ؟؟
حبيبتي موضوعج فيه وايد نقاط لازم تتصلح
أتمنى انج تسيرين عند اختصاصية استشارية أسرية و تستشيرينها في موضوعج
الله يهدي ريلج و يصلح بينكم

[*فراشة حلوة*]

الله يعينج اختي ويفرج همج
والله ييسر أمورج

[قلب طفله*]

مساج الله بالخير
يمكن حمالج هذا خيره من رب العالمين حاولي تفتحين وياه صفحه يديده لو علشان النونو الي في بطنج و علشان الايام الحلوه الي كانت امبينكم لا تخلين الشيطان يفرق امبينكم حاولي تردين له

[sky-bule1]

مب اتفاقكم ع أساس إنكم إخته و اخوج ومن هالكلام؟

كيف وصلت المواصيل وياكم لدرجه انج تيبين بيبي منه ؟؟

يعني من بدايتها اتفاقكم ما التزمتوا فيه و تعديتوا الحدود لي حاطينها بإنكم إخوان !

[مراسيل الوفاآ]

مب اتفاقكم ع أساس إنكم إخته و اخوج ومن هالكلام؟

كيف وصلت المواصيل وياكم لدرجه انج تيبين بيبي منه ؟؟

يعني من بدايتها اتفاقكم ما التزمتوا فيه و تعديتوا الحدود لي حاطينها بإنكم إخوان !

ما بيصيرون اخوان بمجرد قالوا هالشي
الاخوان يا اما من لحم ودم او بالرضاعه
غير هذا هم يربطهم عقد زواج شرط فيه
النكاح، لا تشككينها ف عمرها واذا هي
اصلا تفكر ف هالشي تسأل عنه شيخ
دين، بس نحن مب مخولين بأنه نفتي
ف علاقتهم اختي . .