انتي مب شيخه

[طموح دبا]

آسفه بس فيني غصه والله وساكته ومجروحة ،،

ريلي من خذني وهو ما يوفر لي اللي أباه وأنا أعذره وأقول مديون،،، والله العالم هل هو مديون وإلا لا،،


موظفة صح ،، بس أبي أحس عندي زوج لو أجبرتني الظروف استقبل اعتمد عليه،،


من البداية ما وفر لي المصروف الشهري ولا الخادمة ولا سفريات ولا هدايا ولا حق جنسي ،،

كان فبداية زواجنا لسانه عسل،، لكن احين أبدا،،

أجهضت ثلاث مرات ،، وكل مرة أحس انه يبتعد عني أكثر ،، ما يهتم ويقول بوديج مستشفى زين نفحص،،،

واليوم بعد ما قررت افحص فمستشفى خاص وعلى حسابي ،،

جرحني بالكلام وقال لي : انتي مب شيخة،،،

ساعتها عرفت انه ما موفر لي اللي احتاجه والسبب انه ما يشوف أني شيخه عشان تستأهل الواحد يدلعها،،


شو سويت له ،، راعيته ما يوفر لي شئ إلا بطلب ،، اقصد الأشياء البسيطة ،،

أما اللي خاطري فيها والمهمة ما عنده استطاعه،، أنا ما أصدقه لين متى؟؟

وأخرجها انتي مب شيخة،،،

انزين رحت المستشفى الخاص اطمن على صحتي ومن معاشي،، تعودت انك ما توفر لي شئ قمت واهتميت لعمري،،،

مجروحا وساكته،، هو اعتذر يوم شافني أنجر حت،،،

لكن والله خواتي احين تأكدت أنه ما يوفر لي طلباتي والسبب انه ما يشوفني شيخه واستاهل مب لانه ما يستطيع،،،

مالي نفس أشوفه ،، قاعده بيت أهلي وساكته وبرجع بيتي بعد شوي،،

بس مب عارفه كيف اقابله،،، كلمته جرحتني وكشفت لي أشياء كنت غافله عنها،،

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[مراسيل الوفاآ]

لو منج برد عليه وبقوله شيخه عند اهلي
وشيخه ف بيتي لاني حرمتك وام عيالك
وانته لانك ريلي وابو عيالي ومسؤول عنا
ملزوم انك تصرف علينا شرعا وقانونا !

انتي مضغوطه نفسيا واي كلمه تجرحج
وهو مب مقدر وضعج ف عادي ما تفرق
عنده شو يقول ويمكن قالها بمزح لكن مب
من حقه، ياما حريم ازواجهن يعلقن تعليقات
هن ما بيدهن حيله فيه لكن مع ذلك الحرمه
يوم بترد ع ريلها مره بيحرم يقول نفس هالكلام
مره ثانيه، ما اقولج استقوي عليه لكن حطي
بينكم حدود الاحترام ولازم ما يتخطاها . .

هو يمكن مب حاس بنفسه لانج من البدايه رضيتي
باللي يسويه، لو من البدايه انتي تخلينه يصرف عليج
ويحس انه مسؤول عن حرمه وبنت جان ما وصل لهالدرجه
وولا حسيتي بتقصيره من هالنواحي، استقيلي واستغني عن
الخدامه وحطيه جدام الامر الواقع يا يصرف عليج او تصرفي
وياه تصرف ثاني لانج مب متزوجتنه ع ورقه بس ! وهو لازم
يعرف هالشي . .


الله ييسر امورج اختي

[روضه123]

لو منج برد عليه وبقوله شيخه عند اهلي
وشيخه ف بيتي لاني حرمتك وام عيالك
وانته لانك ريلي وابو عيالي ومسؤول عنا
ملزوم انك تصرف علينا شرعا وقانونا !

انتي مضغوطه نفسيا واي كلمه تجرحج
وهو مب مقدر وضعج ف عادي ما تفرق
عنده شو يقول ويمكن قالها بمزح لكن مب
من حقه، ياما حريم ازواجهن يعلقن تعليقات
هن ما بيدهن حيله فيه لكن مع ذلك الحرمه
يوم بترد ع ريلها مره بيحرم يقول نفس هالكلام
مره ثانيه، ما اقولج استقوي عليه لكن حطي
بينكم حدود الاحترام ولازم ما يتخطاها . .

هو يمكن مب حاس بنفسه لانج من البدايه رضيتي
باللي يسويه، لو من البدايه انتي تخلينه يصرف عليج
ويحس انه مسؤول عن حرمه وبنت جان ما وصل لهالدرجه
وولا حسيتي بتقصيره من هالنواحي، استقيلي واستغني عن
الخدامه وحطيه جدام الامر الواقع يا يصرف عليج او تصرفي
وياه تصرف ثاني لانج مب متزوجتنه ع ورقه بس ! وهو لازم
يعرف هالشي . .


الله ييسر امورج اختي

[letter_S]

في رياييل ما ينفع معاهم تكونين طيبة ومسالمة .. لازم تطولين اللسان عشان يفهمون ويستوعبون انهم لازم يحترمونج!!
طلعيله اللي فخاطرج واطلبي منه يعاملج بالزين وبالطريقة اللي تليق فيج
وهيه شيخة سواء رضى او لا !!!!

[مـــــريم]

ونسيت شي الرياييل يموتون ع الحرمه الي تطلب وتسحب عنه بيزات بس بطرق غير العنف(حبيبي عيوني خاطري ابعطر كوكو عشان ارشه لك وخاطري ابمانكير عشان ادلع لك وخاطري ابألماس هههههههههه وجيه يعني) اما انقوللهم غصبا عليكم بتعطونا وغصبا وغصب اهنيه بينجلط هههههههههه ومابنشوف غير الباب مرقوع افويهنا ههههههه

[مبتسمةمتفائلة]

ونسيت شي الرياييل يموتون ع الحرمه الي تطلب وتسحب عنه بيزات بس بطرق غير العنف(حبيبي عيوني خاطري ابعطر كوكو عشان ارشه لك وخاطري ابمانكير عشان ادلع لك وخاطري ابألماس هههههههههه وجيه يعني) اما انقوللهم غصبا عليكم بتعطونا وغصبا وغصب اهنيه بينجلط هههههههههه ومابنشوف غير الباب مرقوع افويهنا ههههههه

صح كلامك 100% اطلبي منه ولا تتحرجين و باسلوب نااااعم و رقيق و انتي فاهمة الباقي و سيبك مديون ولا مش مديون هو يدبر حالة

[مـــــريم]

حبيبتي هو يمكن مايقصد ولا تضاربيين وياه .. انتي بسلوبج بينيله انج شيخه اشتري الغالي وروحي عيادات خاصه وسوي كل شي وخليه يدفع ملزوووووووووم مش ع كيفه وراتبج دسيه بتصرفين من خاطرج 2000؟3000 مش مشكله اما تعتمديين ع عمرج وهو باجر بقطهن ع وحده غيرج يوديه وتشرطي وطلبي وطلعيهن من عيونه هههههههههههه وين كيد النسا افااااااااااااااا اختج شريره

[ماسة ورد]

السلام عليكم
شوفي موقف مثل هذا ردة الفعل فيه تعتمد على شخصية و عقلية كل حرمة

شخصيا لو تعرضت لمثل هكذا موقف برد في الوجه بدل الكلمة عشرة و اسكر الموضوع و ما عا افكر فيه

و الله مدام عندك وظيفة و لا يهمك..... غيرك ما عارفة كيف تصرف على نفسها : لا ريال يصرف عدل و لا وظيفة تصبر حالها بها
فاحمدي الله و سوي طاف

[ام براق]

استغفر الله شو الرجاجيل يطلعون الواحد من الموود

[قلوب حلا]

ايييبون الهم هالرياييل

[شمه الشطوره]

وانتي اكيد دمعت عينج وشليتي بنفسج وسرتي عنه يا غرفه ثانيه يا بيت هلج ليش يوم قالج جي ما رديتي عليه
صراحه احب واشجع كل حرمه اذا ريلها رد عليه بكلمه تحرح ترد عليه باقوى منها لانه بيتعود ويصير شي عادي عنده وما راح يتمادى

[بدور_الزين]

يا أختي
كم صاير لكم متزوجين ؟ سنة سنتين ثلاث !!
طالعي في عمرج هل أنتي متجدده ولا من يوم ما أخذج وأنتي نفس الأسلوب نفس المظهر والألوان
نكدية ولا مسالمة
نكدية مب يعني تدورين مشاكل بل يعني طول الوقت تفكرين ليش أنا وليش غيري و تكبرين المواضيع
يقول عنج مب شيخة ؟!! حسسيه أنج شيخه
غيري أسلوبج معاه لفترة أسبوع
كلامج في المعقول
أبتعدي عنه
تجنبي رسايل معه
بس في نفس الوقت أهتمي بنفسج لإثارته من خلال أشياء بسيطه مثلا غيري ستايل شعرج ألوان ملابسج ( ملابس طلعه يفضل ) أطبخي أكلات معينه
أقري مجلات (أشغل الوقت ) يبي لج وحده تسوي لج فيشل فالبيت أو تدليك وسشوار

صدقيني بيحس من الجوهرة إلي عنده

بدور ( إخصائية اجتماعية )
سامحوني اللغة العربية ركيكة عندي

[ظبيانيه ستايل]

الله يكون فعونج يارب

[امراه]

لاحول ولاقوه الابالله مالقينا حلول للهالعرب اصراحه

[@زهراء@]

السلام عليكم ورحمة الله وبركاته

حبيبتي أصبري وتوكلي على الله ولازم تعرفي أن حق الرجل أكبر ولذلك أنظري إلى طاعة الله أولاً وبعدين أرجعي لنفسك وشوفي إذا مقصرة في شيء من حق زوجك وشوفي ماذا يحب ووفريه له أهتمي بنفسك لتسعديه تذكري الأشياء الجميلة التي أحبها فيكِ قبل الزواج والسنين الأولى من الزواج وتصرفي كما كنتي سابقاً عودي لنشاطك الأول وجمالكِ وروحكِ المرحة والمقبلة على الحياة بكل سرور

تحياتي لك ويارب يسعد أيامكِ بكل خير