مهزلة اليوم الخاص بالنساء في ياس ووتر وورلد و صالة أبوظبي للتزلج !!

[ام براق]

اوووووف تدرون انا قطعت كل هالاشيا. عشان ما اييب الاثم لي ولزوجي ما روح. المول الا ف نص الاسبووع والصبح وما سير بحر الا المسا ومارووح مساابح ولا سكيت ولا خربطاان قاعده ف بيتي عاازه نفسي من الناس اللي موصخيين الدنيا كلهاا،.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[emyahmed]

السلام عليكم خواتي

( الموضوع خاص بالنساء فقط لا غير )




أنا بصراحه شفت شي قلبي يحترررررق عليه و يتقطع ومن القهر كتبت الموضوع لأني ما أرضى بهذا الشي ... كذا مره سرت السكيت ( صالة أبوظبي للتزلج ) وشفت بعيني مصاخة البنات و قلة الأدب لابسات مفصخ ومكشوف و قصير واللي على خدها صورة بوسه واللي قاصه شعرها قصة غريبه وقصيره نفس البويات واللي واشمه و اللي تيلس في أحضان ربيعتها وأشياء شفتها لااااااعت جبدي منها ...

ومن غير عالم البويات كل بويه تمشي ويا بنيه وفي بنات و بويات يدخنن سقاير ... حسبي الله عليكم هالأشكال إيمانها ضعيف و تشوه سمعة الإمارات أنا ودي تنقرررض هالأشكال


ومره سرت الخميس حديقة الألعاب المائية ياس ووتر وورلد طبعا شفت مناظر ألعن من اللي شفتها فالسكيت حريم و بنات بالمايوو والبعض لبسهن ( قطعتين ) وفي مكان مخصصينه البنات مثل المرقص أو الديسكو !! والشي اللي صدق تعجبت منه الأجنبيه اللي تشتغل في الأمن رمستهن بالإنجليزي وقالتلهن لو سمحتن ما نريد قلة أدب هني فالحديقة !! يعني هالأجنيه أحسن عنكن و عندها إحساس و ضمير ...يعصون ربهم وآخر شي يدعونه يبون مطر من وين بييكم مطر و من وين الله بيرزقكم الخير وكيف ربي بيوفقكم وانتم تعصونه.... حسبي الله عليكم فشلتووووووتنا
وين الأهل وين الرقابة وين المسؤولين ؟! نحن نطالب بتوفير شرطيات نسائية في هذه الأماكن اللي يزيد فيها الفسوق والفساد والأنحراف لأنها تأثر بشكل سلبي على المجتمع ...


ورجاء اللي حابه تقلل من أدبها هي و ربيعاتها البويات تقعد في بيتها وعند أهلها تسوي اللي في راسها وتحترم المكان العام لأنه ملك للجميع وتحترم الناس ترى في عائلات و عندهم يهال والدنيا بعدها فيها الناس المحترمين والناس اللي متمسكين بدينهم ومحافظين عليه

عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي .

يقول النبي صلى الله عليه وسلم :
( إِنَّ الإِسلَامَ بَدَأَ غَرِيبًا ، وَسَيَعُودُ غَرِيبًا كَمَا بَدَأَ ، فَطُوبَى لِلغُرَبَاءِ . قِيلَ : مَن هُم يَا رَسُولَ اللَّهِ ؟ قَالَ : الذِينَ يَصلُحُونَ إِذَا فَسَدَ النَّاسُ )


وطبعا إلى كل وحده عصت ربها وخالفت دينها أحب أذكرها في هذا الحديث :

عَنْ جَرِيرِ بْنِ عَبْدِ اللَّهِ رضي الله عنه قال: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ سَنَّ فِي الْإِسْلَامِ سُنَّةً حَسَنَةً فَعُمِلَ بِهَا بَعْدَهُ كُتِبَ لَهُ مِثْلُ أَجْرِ مَنْ عَمِلَ بِهَا ، وَلَا يَنْقُصُ مِنْ أُجُورِهِمْ شَيْءٌ . وَمَنْ سَنَّ فِي الْإِسْلَامِ سُنَّةً سَيِّئَةً فَعُمِلَ بِهَا بَعْدَهُ كُتِبَ عَلَيْهِ مِثْلُ وِزْرِ مَنْ عَمِلَ بِهَا ، وَلَا يَنْقُصُ مِنْ أَوْزَارِهِمْ شَيْءٌ ) .



أترك لكم التعليق خواتي

[COLOR="#0000FF"]معلش يااوختى انا عايزة اسالك سوال بعيد عن الموضوع ده شويه هوة ......انا سمعت عن ياس ووتر ورلد كتير هوة انا ينفع اروحها مع زوجى ولا لازم مع حريم بس[/COLOR]

[ام براق]

[COLOR="#0000FF"]معلش يااوختى انا عايزة اسالك سوال بعيد عن الموضوع ده شويه هوة ......انا سمعت عن ياس ووتر ورلد كتير هوة انا ينفع اروحها مع زوجى ولا لازم مع حريم بس[/COLOR]

ينفع اوي اوي بس لو شفتي جوك بيبصبص ماتموتيييش.

[emyahmed]

ههههههههههه ربنا يطمنك ياجميل بس انا مش بعرف اروح فحته لوحدى لسه جديده هنا

[نجمة أبوظبي]

استغفر الله

[ام زايدالغالي]

انا يوم اشوف النوعيه هذي طبعا يي في بالي اهلها وامها وابوها والخ وين عنها
لكن والله في بنات الام مشغوله والاب مشغول لكنها قمه في الادب والاخلاق
نحن في زمن خلاص الياهل صار يعرف الصح من الغلط
يعرف الشي الغلط ان عيب صح ولا لأ
الجيل هذا يعرف ويفهم من عمر 5سنين
الحين البنت بعمر العشرينات او المراهقات مابتعرف هالشي غلط او عيب او منقود ؟؟؟؟!!!!!!!
امي وابوي مب معقدين معطينا الحريه لكن والله عيني ليومكم هذا ماتيي على ريال من الخجل والحياء
صح التربيه تلعب دور كبير لكن بعد البنت لها عقل تفرق بين الصح والغلط

شو نقول بس

زمن عجيب ....وجيل غريب ...

[نوور الحياة]

شو هالجيل ..


يقول النبي صلى الله عليه وسلم :
( إِنَّ الإِسلَامَ بَدَأَ غَرِيبًا ، وَسَيَعُودُ غَرِيبًا كَمَا بَدَأَ ، فَطُوبَى لِلغُرَبَاءِ . قِيلَ : مَن هُم يَا رَسُولَ اللَّهِ ؟ قَالَ : الذِينَ يَصلُحُونَ إِذَا فَسَدَ النَّاسُ )

[امراه]

استغفرالله العلي العظيم فحياتي ماسرت هالاماكن بس فعلا لازم اتكون فيها مراقبه وشرطيات لانه اسالفه فيها بويات حسبي الله عليهن

[ماحد شراتي]

هالموضوع يا الغلا لو بترمسين فيه من اليوم لين باجر النتيجة بتكون لا حياة لمن تنادي

الله يهديهن

[ام حتومي]

وربي شئ يقهر اغلبيتهم تلقينهم صحبات ويفلونها
واهاليهم اكيد مايدرون

انا سعوديه جوني اهلي بالاجازه وربي امي الله يحفظها ماقدرت تصبر

سعوديات بائن جايات قروب صحبات والله لبس ومصخره شئ يبكي

وجمعوا الشباب حوالينا

امي قامتلهم وقالتلهم انتو مادرستوا دين

وخلتهم يقومون من جنبا وطسوا

الله يهديهم والغلط ع اهاليهم ليش يرسلون بناتهم مع صحباتهم

[عطر رومانس]

يختي الموضوع هذا بالذات كل ماله يكبر.. ياما تكلمنا فيه وياما نصحنا بس ما في فابدة والرد يكون هذي حرية شخصية !
اي حرية واي خرابيط وهي اصﻻ مب عارفة تعريف الحرية ؟.
والله لو يهدوني عليهم جان راويتهم صنع الله كيف ما يبالهم اﻻ خيازرين منقعة بماي وملح وخل . اادب هالبوية والامعة العنزة رفيجتها مقصوفة الرقبة!ا...والله لاخليهم يمشون على الصراط المستقيم...االله خلق البنت بنت والولد ولد وهوسبحانه وتعالى مب عاجز انه يخلقج ولد لو كنت بالاساس ولد .
الحل ﻻزم هالاشكال يتقدمون للمحاكمة بتهمة الاساءة للدين الاسﻻمي والمجاهرة بالمعصية وتشويه سمعة الامارات .

ولو هالشي تطبق راح تنقرض هالاشكال...
ارتفع ضغطي ...

[Leona]

ياس وورلد بعد؟ لووول

احيد سكيت من يومه جي., وكل سنه تقولين اوووف لي مادري مليون سنه ما سرت سكيت خلني اروح يمكن البنات تغيروا! تلقينهم صاروا امصخ عن قبل

وشكله ياس صار نفس بحر الحريم ايام اول لووول

[وجدان الفجر]

أنا أحطي اللوم على الأهل !نعم , وينهم ؟ ما يشوفوا بناتهم شو يسون وشو يلبسن ومع من ما شيات وكيف قاصات شعرهن ؟؟؟ عنبوه هذيل عمي لو ما يشوفوا كل هذه الأشياء!!!!!
مع الأسف : الأسبوع الماضي حرمة أخوي راحت روضة بنتها علشان حفل الروضة وشافت ولد في صف بنتها , يعني عمره أربع سنوات وشي وأمه معاه , قاصين شعره مثل البنات ومحطية له قلوس على الشفايف وملبستنه قميص وردي وبنطلون بنفسجي!!!!! والولد آخر دلع ! لا تقولوا طفل , طفل صح ولكنه مشروع رجل ! والأم بكل فخر تقول لهم فديته ولدي نعومي !!!! حرمة أخوي حزنت على الطفل وحزنت أكثر يوم شافت أمه كيف تعامله !!!.
الله سبحانه بيسأل كل أم وأب عن أولادهم وعن تربتهم ليهم . كلكم راع وكلكم مسؤول عن رعيته .

[راعية_دبي]

صدقج وين المطر ....كل اشياء عجيبه تستوي...لازم يحطون شرطيه في ها المكان تراقب

[nooraaaa]

و الله معاج حق

عيل تعالي بقولج عن الوايلد وادي عنا فدبي كيف في ايام النساء . بالخميس بالليل شفت نفس المناظر اللي قلتي عليها و العن عن جيه بعد وحدة لابسة البكيني و الثانية حاضنة اربيعتها و غيره و غيره ، و المصيبة و الطامة الكبرى انه فندق الجميرا بيتش غرفه اتطل على الوايلد وادي يعني اللي يوقف فالبلكونة و يستخدم الدوربين ايروم يشوف كلشي . لا حول ولا قوة الا بالله

الحمدلله انا كنت لابسة المايوه الاسلامي التركي . حتى لو كان يوم مخصص حق الحريم لا يجوز اللبس الفاضح و الحركات الجريئة و الاصوات العالية . حرام ما يجوز هالاشياء لا تنسون ان الله يراقبنا و ترة النعمة زوالة . لازم نحمد ربنا ان البلاد فيها خير و تطور و انشأت لنا اماكن ترفيهية حلوة و ايام مخصصة للنساء عسب نستانس بطريقة حضارية . مب بطريقة همجية و خالية من الادب و الاحترام و اللباقة .

الله يهديهن