تجربتي بوتكس للشعر

[ام علاوي2007]

اخواتي العزيزات
انا لي مربي من سنه وكنت وقت حمالي مسويه كيراتين في يوم حسيت
المفعول الكيراتين خلاص قلت بروح صالون كفالي في ابوظبي
يوم خذت موعد مع الخبيره مي اللي بالصالون حق صبغه
يوم شافت شعري قالت ماشالله شعرج كثيف وما ادرو خربطت عليه وقالت شعرج جاف
ليش ما تسوين بوتكس قلتلها شو هذا قالتلي ها مسك تحطينه ع شعر يخف الجفاف عنه ويعطيه حيويه
وبالصدفه كانت وحده تسويه قلتها شو المفعول قالتلي زين ...سالت مي عن سعر قالتلي 2000
المهم عاد انا من خفه عقلي سويته بعد الصبغه طبعا هو يخف لون الشعر نفس الكيراتين يفتحه درجتين
المهم خلصت وجي حسيت شعري استوا زين بس بعد 3 شهور الله لا يريوكم
شعري انا ناعم وخوصي وطوله وقتها لين نص ظهري صار ليفه وما اقدر اتحكم فيه وايد استوا كيرلي وناشف
احيان اتعايز اغسل شعري في البيت اروح الصالون اسوي حمام زيت
المهم لي شهر الحين سويت كيراتين والله ان شعري اللي كانت الشباصه ما تمسكه طاااااح
وحسيت كانه كان منحرق بس الحين وايد مرتاحه بعد الكيراتين لان الشعره ردت ليس والحين ناويه اقص منه
اجدد شعري
ومش بس انا اللي صاير فيني حتى بنت عمتي وحليلهاا شعرها لين الركب <<< استوا ليفه واخترب
المهم سالت دارين لي في باتشي لوتشي قالت هذا ما يناسب اللي يصبغون شعرهم بس اللي يكون شعرها طبيعي
ونصيحه لك من اختك ما تحطين شي في شعرج قبل لا تسوين بحث عنه



وسامحوني طولت علكم

المزيد من آخر المواضيع من نفس القسم:

• روتين العناية بشعر المحجبات
• خلطة لتنعيم الشعر المصبوغ والتالف أقوى سر...
• ابرز فوائد غسل الشعر بالماء البارد
• افضل خلطات تكثيف الشعر امنه وفعالة
• فوائد فرشاة تدليك الشعر
• فوائد بذور الحلبة السحرية للشعر
• اسباب وطرق علاج جفاف الشعر اثناء الشتاء
• طريقة العناية بالشعر المصبوغ
• طريقة عمل شامبو طبيعية للشعر الجاف
• طريقة تثبيت لون صبغة الشعر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيف الغربة]

يجزاك الله خير على نقل تجربتك بس سوال الغاليه

شو نوع الكيراتين الي سويتيه وكان كويس؟

[::ButterFly::]

يزاج الله خير أنج نقلتيلنا تجربتج.. أنا أخاف من الكيراتين ومن بوتكس الشعر

أحس الواحد يستمر على حمام الزيت للشعر وان شاءالله بيتحسن.. أما البوتكس وربعه وايد سمعنا انهم يخربون الشعر

[امراه]

يزاج الله خير

[شواقي علي]

مشكورة على طرح التجربة

[امل السورية]

موووووووووووووووفقة

[ام علاوي2007]

يجزاك الله خير على نقل تجربتك بس سوال الغاليه

شو نوع الكيراتين الي سويتيه وكان كويس؟

حبيبتي سويت الكيراتين العادي البرازيلي كومبلس واخر مره سويت
زيت الماكديميا والارقان وايد حلوو

[ام علاوي2007]

مشكوره حبيباتي علي المرور
حبيت افيدكم والله يسعدكن

[& ذبحني حبك &]

اول مره اسمع بكومبلس ؟!
انا سمعت عن كيراتين جولبال كاديفيو كريستال،وهذول فيهم مادة الفيرمالهيد الخطيره..
انتي الكيراتين الي سويتيه ياي صالون وع كم؟ ومافيه هالماده؟

[& ذبحني حبك &]

ومشكوره ياقلبي ع طرح تجربتك لان الاغلب صابغ شعره مثلي هههههه

[نجمة الشتاء]

جزاج الله الف خير ع طرح تجربتج

[munamoor]

انا استخدم crystal Hair Botox ووايد اوكي بس لازم تستخدمين معاه شامبو
و كونديشنال و ماسك و سيروم خاص عسب تحصلين على نتائج جيدة للشعر

و بعدين كذا صالون قالوا لي استخدمي انواع ثانية ،،، و ماله داعي شامبو هات خاصة
بس اكتشفت أنهم يبغون الفلوس و خلاص عسب جي سويته عند وحدة اعرفها من
8 سنوات و هي جربته على شعرها قبل لا تجربه علي

[munamoor]

وبالصدفه كانت وحده تسويه قلتها شو المفعول قالتلي زين ...سالت مي عن سعر قالتلي 2000
المهم عاد انا من خفه عقلي سويته بعد الصبغه طبعا هو يخف لون الشعر نفس الكيراتين يفتحه درجتين

اختي بس حبيت أوضح لج شى انا ما رضت الي في الصالون الي أتعامل وياهم تسويه لي بعد الصبغة ،،، قالت لي ما يصير ،،، انتي ليش سويتي الصبغة و البوتكس في نفس الوقت ،،،، وهل استخدمتي له شامبو و بلسم و ماسك خاص ولا لا !؟ ترى هذا كله يأثر

[munamoor]

كومبلس ،،، اختي ممكن صور للمنتج !؟!
دورت في النت وما حصلت المنتج !؟!؟

[# ميمي#]

من تجربه البوتكس البارد روووعه للشعر