يوم زواجي ورمضان

[اخت الحنان]

ليش غاليتي حتى لو رمضان احجزي فندق افطروا بالفندق واطلعوا صلوا التراويح وطلعوا اتمشوا شويه وسيري مول مثلا كوفي وغيره غير جوووو عادى

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مس ستايل123]

فستان وحاله هههههه ماتسوى

[[..دانــة..]]

الله يسعدج يا قلبي ويهنيكم،،

الغالية احجزيلكم فطور في اي مطعم فالفنادق، أغلبهم يسوون عروض إفطار في رمضان وجو يونس

[Ana Uniqe]

اول شي ثاااانكس لكل الي ردو علي بذوق هذا يدل على ذوقهم والله يسعدهم يااارب

ثاني شي كلنا نصوم ونتعبد ف رمضان بس مانهمل عمارنا نكشخ لرياييلنا ولله الحمد وهذا روحه عباده طاعه للرحمان

وثالث شي ثانكس للي غير اسم الموضوع لاني حاولت مااستوى

واخيراا خواتي ماله داعي عق الكلام وتقليل من شأن الاخرين لانه نحن عندنا احساس والي ماترضينه لنفسج لاا ترضينه على غيرج

والله يبلغنا رمضان ونحن بصحه وسلامة

[ام السديس]

حبيبتي اختي الغالية انا مب مطوعة ولا شى
يوم زواج او عيد زواج نفس الشى سواءا غيرنا المسمى او لا ؟!؟!
والنتيجة واحدة و هي الاحتفال بذكرى الزواج ؟!؟!

من رأيي و احلى هدية لج و له اذا تقدرون تروحون العمرة العشر الأواخر و عسى ربي يسعدكم

حلوة الفكرة اختي اذا عندج امكانيه احجزي تذاكر عمرة
او اعزميه على الفطور في اماكن وايد حلوة او على السحور اطلعي وياه تمشي وحزت السحور تتسحور بمكان حلو

[Ana Uniqe]

انا شهر 4 رحت العمرة الحمدالله

هيه فكرة السحور او الفطور حلوة بعد مشكورة حبيبتي

[Rose.Style]

ختيه افضل تأجلين الموضوع لعقب العيد افضل لج وله . .
اول بادي احتراما لرمضـان و الامور العباده =) ،

ولج الحريه في اختيار الوقت

[ماما سلطان]

انا أشوف أن لرمضان احترامه.... روحه شهر ويخلص شرات البرق.... خلوها هدايا وبس.... لا اتضعين أجرج باحتفال ... تقدرين اتأجلين الاحتفال لعقب العيد.... ما أشوف أن الاحتفال بيوم الزواج لها الدرجة ضروري... الله يوفقكم ويسعدكم يارب,,

[Cobon]

ما اجوف فيها شي هذا ريلج مب حد غريب
و سوي شي حلوو و خفيف ف ها اليوم

يعني الناس ما يابوا عيال و حملوا ف رمضان !!!
لا عيب ولا شي احتفلي ولا تعورين قلبج ولا يتم ف خاطرج
و البسي و كشخي

[الطرفالذبوحي]

أحلى فكره أنكم تفطرون في مطعم. وتعطينه الهدية وبس ،،


عيل انا قبل كنت حاطة نفس موضوعج محد قال شي خخخخخخ والله هالعضوات ماتعرفين مزاجهم كيف ،،

[القيوآنيـه *~]

مآيسوى عليها حليلها
حبيبتي ااحجزي ف زعبيل سرآي ولا اتلانتس ليلة وحدة
خليـه شـامل لـ [ الفطور + السحور ] ،
لأنه وايد وايد يكون فخم الشـي وأكيد بيستانس ريلج عليه ، ..
ولا سويه فالبيت إذا ماتقــدرين ،
زهبي له الفطور بشكل خاص ورتبي الأكل بطريقة حلوة جيه
عاد انتي وفنج ،
الله يسعدكم ويخليكم لبعض ان شاء الله

[مراسيل الوفاآ]

اخيراا خواتي ماله داعي عق الكلام وتقليل من شأن الاخرين لانه نحن عندنا احساس والي ماترضينه لنفسج لاا ترضينه على غيرج

شفت بعض الردود اللي تقول نازل الوحي
واللي تقول نزلت موضوع ومحد قال شي
واللي واللي واللي . . بس انا من العضوات
اللي ردن ب رد لا يمت للموضوع ب صله
لكنه تذكير من باب "وذكر فإن الذكرى تنفع المؤمنين"
وليس تقليل لشأن الغير مثل ما تقولين اختي او تجريح

واللي ما نرضاه ع عمارنا هو الحرام واكيد ما بنرضاه
ع خواتنا وبننصحهن بدال لا نشجعهن ع الحرام ، مثل
ما قالوا خواتي شهر رمضان شهر عباده وفي منهن بارك الله
فيهن عطوج اقتراحات غير الاحتفال ب هاليوم واحتسبيها اجر لج
ولـ ريلج والله يبارك لكم في ايامكم كلها . .


وتذكير للخوات اللي علقن ع ردودنا واللي بيعلقن

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

[امراه]

الله يهدينا

[جتيلة غلاهم]

انا ابا اعرف ليش امكبرين الموضوع حلال حرام ليش كل ها؟
هي ماقالت شي تبا تستانس باحلى يوم بحياتها انا عن نفسي اقول احجزي في فندق وافطروا برع البيت غيروا الجو واعطيه هديه واي شي يخطر في بالج سويه

[جتيلة غلاهم]

وصح كلامج اختي شهر رمضان شهر العباده بس بعد ربي ما قال انسوا ازواجكم في هالشهر هي تبي اتونس زوجها وهذي فيها رضا رب العالمين يعني لا هو غلط ولا هو حرام وهو يوم بس مب اسبوع ولا شهر