انا حامل في الثاني بس

**ونه الم** · 2013-05-20, 12:27

السلام عليكم بنات
شخباركم
بنات هذا اول حمل لي ومن اسبوع تقريبا عرفت اني حامل واخر دورة لي كانت 4-4 وانا ماسويت فحص على طول بين معاي ف السونار وقالتلي تعالي الاسبوع الي بعده عسب النبض عقب ماعرفت اني حامل حسيت بوحام بس لوعة بس البارحة ماياني ابدا الا فليل ومايتني هذيج اللوعة كله احس حرقان ف بطني وحلقي يعني احس قطع الوحام ولا يتهيالي وايد خايفة ومتوكلة ع الله لاني اترييت هالحمل ثلاث سنوات وخايففة افقده اتمنى اييني الوحام 24 ساعة بس ماينقطع وسواس ايينس فيدوني بنات وبشو تنصحوني واحس من فترة لفترة الام تحت البطن تروح وترد مثل الالم يوم الدورة تنزل اسمحولي ع الاطالة بس وايد افكر

المزيد من آخر المواضيع من نفس القسم:

**ونه الم** · 2013-05-20, 12:43

ردووو علي بلييز

**كلوديا** · 2013-05-20, 12:44

الف مبرك على الحمل الله يتمملج على خير يارب، ولا تيلسين توسوسين مب زين اذكري الله وسيري راجعي الدكتوره عسب توصفلج ادويه تناسبج يمكن فيج حموضه عسب جي تحسين بحرقان ،وان شاء الله مافيج الا العافيه

**أشواق333** · 2013-05-20, 12:48

مبروك ألف مبروك علي الحمل الله يثبت لج الحمل يارب ..
أتوقع اللى فيج شي طبيعي بس اذا شاكه روحي العياده علشان تطمنين ..

**ونه الم** · 2013-05-20, 12:54

الله يبارك فيكم ويرزق كل محرومة ياااااربي , بس يعني عادي الوحام يوقف يوم ولا يومين ولا اييي خفيف مره

**Rose.Style** · 2013-05-20, 12:56

مرحبا ختيه . .
مبروك عليج الحمل والله يتممه على خير
انا شراتج حامل في الشهر الثاني ويوم اكل وخص الغدا تييني نفس الحموضه
الدكتورة قالت لي هالشي طبيعي ويصير ويا كل الحوامل . .

اما بخصوص الالم تحت البطن بعد تييني هالالام لو مشيت وايد او يلست يلسه غلط
حاولي انج ترتاحين ولا توسوسين وايد

**ونه الم** · 2013-05-20, 13:09

الله يبارك فيج حبيبتي ومبروك عليج يارب والله يثبته اختي انتي سمعتي النبض ولا بعدج وياج وحام ولوعة وكيف كانت اللوعة متقطعة ولا مستمرة

**كلي حلااا** · 2013-05-20, 15:36

ألف مبروك والله يتمم لج على خير
آنـّـّا يوم كنت حامل بولديه كان لوحام شوي متعب ف البداية عقب خف وأيد يعني ماطول
وها اللي تحسينبه شيء طبيعي بس بخصوص الألم
روحي راجعي الدكتوره وانشالله خير ويارب تفرحين بضناج

**eyonan** · 2013-05-20, 16:59

الف مبروووك

اختي عادي في ناس ما تتوحم

بس انا في شهر الثاني ع طول اتوحم

**m.a.r.y.a.m** · 2013-05-20, 17:44

الف مبروك حبيبتي وربي يتمم لج على خير

فديتج الوحام مب شي الزامي للحامل
في حريم موووول ما يحسوون بالوحام
واللي ما تحس تقول الحمد الله ترااه شي موول مب حلو
لوووعه ودوخه وترجيييع

وفي حد من الحريم يكون وحامه في البدايه بس وعقبها من يدخلون الرابع يخف عنهم
وحد يتم عندهم لين الشهر التاسع

فاللي فيج شي طبيعي حبيبتي

والالم اللي تحسين فيها بعد طبيعيه بس ارتااحي اكثر خاصه في اول 3 شهور
حاولي ما تتحركين واايد

مع انه دكتورتي يوم سالتها عن الريااضه وانا في شهري الثاني
قالت عادي الحامل تمشي وتسوي رياضه لكن بالخفيييييف

وعشان تتطمنين راجعي الدكتوره وخبريها عن اللي تحسين فيه

ع فكره انا مثلج اول حمل لي الحمد الله من 3 سنوات
واللي تمرين فيه مريت انا فيه
اول شهر ما حسيت باي شي يخص الوحام
في الشهر الثاني والثالث حسيت انه فراااشي ما يباني من كثر ما اكون تعبااانه هههههه
والحمد الله دخلت الرابع وخف عني كل اللي اعاني منه شوي

**افناان** · 2013-05-20, 19:48

مبرووك عليج حبيبتي
الله يثبته لج و يتمم حملج ع خير ... انتي و كل وحدة تتمنى الذرية ...
ارتاحي لين تكملين الرابع .. لا تروحين مشاوير بعيدة و لا تشيلين شي ثجيل
و الوحام ما يكون مستمر ... مد و جزر ، مرات ينقطع يوم يومين بعدين يهجم عليج هجمة شرسة ههههه

**تيتوليتي** · 2013-05-20, 21:18

مبروووك و الله يتمم لج على خير

عادي حبوبة لاتحاتين انا صار لي جيه انقطع عني الوحام 3 ايام تقريبا و بعدين رجع و في ناس وحامهم خفيف
و ناس مايتوحمون .. اختي كانت تقولي اتيها اللوعه يوم و تنقطع يومين طول فترة الثلاث شهور
استمتعي ب حملج و لا تمين مستهمه

**شهد123** · 2013-05-20, 21:29

الف مبروك فديتج..
مب شرط اييج وحااام في ولدي اول حمل يتني لوعه ما قدرت اوقف منها وكنت تقريباً فالثاني وبعدهااا الين ما ربيت لا وحااام ولا لوعه ف مب شرط توحمين ع شي وحملي الثاني لا يتني لوعه ولا وحااام وان شاء الله ربي يثبت لج حملج ويتمم لج ع خير ويرزقج ربي بالذريه الصالحه وبخلقه وصحه تامه..

**Almansouria&&** · 2013-05-20, 21:57

الف مبروك حبيبتي الله يثبتلتج إياه لاتحاتين ها الشئ عادي ويصير في اي وقت. وأنشأ لله تسيرين وتطميني علي حملتج انشألله واحس سيري في اقرب وقت العيادة وريحي بالتج وتطميني الله يطمنتج انشألله

**PrinceSs R** · 2013-05-20, 23:04

الله يتمملج على خير حياتي وماعندي فكره عن الوحام ان شاء الله انه شي طبيعي

الموضوع: انا حامل في الثاني بس

أدوات الموضوع

عرض

العرض المتطور

انا حامل في الثاني بس

المزيد من آخر المواضيع من نفس القسم:

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

رد: انا حامل في الثاني بس

المواضيع المتشابهه

حامل في الثاني

حامل في الشهر الثاني

حامل في الشهر الثاني وفي كرشه

حامل في الشهر الثاني وفي كرشه