كيف بشرتيهم بحملج !!

[بلادي الغاليه]

عقبالي يارب اتمنى هالخبر من ثلاث سنين

الله ويرزقج يارب بالذريه الصالحه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ريانه المزاين]

الله يسهل عليج يارب اول حمل أنا خبرتهم عادى بعد شهرين أما الحمل الثاني ماخبرت حد ليت الرابع ..
ربي لاتذرني فردا وانت خير الوارثين

يزاج الله خير فديتج وربي يسهل عليج بعد ان شاء الله

[ريانه المزاين]

لا حول ولا قوة الا بالله
معقوولة اختي هالكلام ؟؟
عيل انتي ساكنه وسط مجرمين مب ناس عاديين
ابعدي عنهم حبيبتي كثر ما تقدرين و حصني نفسج بالاذكار صبح و مسا
ناس حاقدة و حااسدة .. الله يكفيج شرهم

والله العظيم انا ساكته علشان ريلي مسكين والله كريم

يزاج الله خير ان شاء الله وربي لا يبليج ان شاء الله

[عشق طاهر]

اممممم انا طرشت مسجات لاخواني ههه لاني استحيت

و اهل ريلي عادي هو خبرهم

و فرحوا وايد لاني كنت ماجله الحمل سنه و هم الله يهديهم يتحرون فينا شي لاسمح الله.

[U??M??? Z????]

موفقه

[U??M??? Z????]

موفقه اختي

[أم رشوود 7]

انا اول ماعرفت اني حامل بالتحليل المنزلي خبرت اول شي ريلي وبعدها امي وخواتي وبعدها عمتي وحمياتي طبعا كلهم فنفس اليوم الصبح

[Cobon]

الله يرزق الجميع يا رب

غن نفسي توهقت ابغي ابشره بس حلاته فيس توو فيس
اتريييته بس ما ادري من نحاستي وصل البيت الفير وانا لابسة و كل شي و كاشخة بعد و اشخر هههههههه و عقب خبرته وانا مسطلة
اما عن بيت اهلي ،، كتبت بطاقة عليها صورة نونو و كتبت "يدي و يدوووو ،،،بوصل بيتكم بعد 8 شهور، زهبوا غرفتي لو سمحتوا"
عن اهل زوجي استحيت اخبرهم بس خبرت ام ريلي و هي نشرت الموضوع

و بسسسسسسسسسسس

[وردة_محمد]

يعني عمتجً وحميانج مب لازم يدرون أنا فحملي الأول ريلي خبر امه وفحملي الثاني قلت له لاتخبرً ما عرفت عني الا بالسادس وهاذا الحمل ماخبرتهاً ومايحتاي أخبرها وأهلي أكيد بخبرهم
بس الحميان والحمياتً والعمهً مب لازم يدرون

ليش فديتج ما تخبر عمتها.. مثل ما خبرتي امج وخواتج ريلج بعد له الحق انه يخبر امه وخواته.. هم مب غرب هم اهل عيالج لا تخربين بين الريال واهله وتسوي بينهم حساسيات.. مادري ليش في حريم جي عفان الله.. الله لا يرزق اخواني بوحده جذي عفاني الله

[ام خلود القمر]

ريلي بشرته الدكتورة ما قلت لحد كنت وايد استحي ولما كملت شهرين انتبهوا علي اذا سالوني ابتسم وانزل راسي

[احلى بعفويتي]

والله انا في اول حمل خليت ريلي يخبر ماما و امه هههههههه بعد 3 شهور
و الحمل 2 انا بروحي خبرت ماما عقب ما كملت شهرين و اختي وكمن وحده من الدوام عشان لو غبت وجي يعرفون ليش ..
و اهل ريلي هههه عقب ما كملت 3 شهور هو خبرهم ..

[بنت_بوظبي2]

الله يتمم لكم على خير

[ضحكة القمر]

انا عن نفسي كنت اسوي عشا حق ريلي وريحة البزار سوتلي لوعه وخاصه ان الدوره تاخرت علي 10 ايام شكيت في الموضوع

قمت اتصلت باختي وخبرتها قلتلها قالتلي شكلج حامل مع اني توني عروس من شهر عقب قلتلها يبيلي فحص حمل وابا نوعين
حليلي يابتلي 3 واحد قوم خط وخطين و اثنين مال + و -

المهم نشيت الصبح عالريج من الفرحة ناشه نشيطة متحمسه ابا اشوف وكان يوم الخميس وعزكم الله ركيض عالحمام سويت وترييت

اول فحص = خطين
ثاني فحص +
ثالث فحص +

دام الثالثه ثابته تاكدت اني حامل وريلي راقد وابا اخبره وبنفس الوقت حبيت افاجاه
صورت التست لاختي وقلتلها ماتحمل اليوم تسيرين وياي المختبر اسوي تحليل دم
مابا افرح ريلي واكون مب حامل وخاصه اليوم اللي عقبه اليمعه واذا ما سويت الفحص بضطر اتريا لين السبت وانا مافيني صبر

سويت فحص الدم عقب 5 ساعات اتصلت فيني ممرضه فلبينيه وقالتلي :" مبروووك مدام (هااامل) "

وطلعنا انا واختي السوق عشااااان ...............................!!!!

بالليل سويت لريلي جو وشموع دخل يسبح وطلع بيقعد عالسرير وحس ان في شغلات تحت اللحاف من شله لقى افرول بيبي وبامبرز ودلاغات ومرضعه تخبل وللحين مب مستوعب

جان اراويه التستات وهمست في اذنه " انا حامل "

ما صدق حضني ويبا يعضني وكل شوي يسالني صدق ومب مصدق ههههههههه

اليوم اللي عقبه الصبح ركيض عند امي اوني مستحيه وريلي قالها عقب 9 شهور بتستوين يده

واشتغلت امي صياح وتحضني وقعدتني على ريولها علني افداها ومن الفرحه تصيح وتضرب ريلي هههههههه

العصر خبرنا عمتي وخوات ريلي عمتي مب مصدقه وتقول حق ريلي شو قلت ويرتني وتمت تحضني مع ان ولدي مب اول حفيد لها بس ريلي حبيب امه

وهذي كل الحكايه

ادري طولت عليكم بس لا تنسوني من الدعاء ان الله يسهل علي ولادتي واستوي ماما

[العصا السحرية]

ربي يسهل عليكم ويرزق كل محرومه يارب

[ماما سوافي99]

في ولدي الاول فديته ... كنا ناوين نسير القرية العالمية.. وكانت الدورة متاخرة عليه.. سويت الفحص وعاطول خبرت ريلي وامي ... كنسلت سيرتنا..^^
فولدي الثاني حلمت حلم ولاني افسر بروحي الحمدلله فعرفت اني حامل .. وسويت الفحص وتاكدت.. وخبرت ريلي وامي وخواتي بس ما صدقوا لين سويت تحليل الدم وتاكدت من حملي,,,
اما حملي الحالي ربي يتممه لي على خير.. تميت ساكته وماخبرت اي حد بسبب ظروف خاصة,,لين ما كملت اكثر من 3 شهور ,, وبدا بطني يبرز,, ريلي استغرب مني وقالي بطنج يكبر شو السالفة فخبرته وخبرت امي عقبها بكمن يوم.. اول احتشروا علي لاني ماخبرت اي حد بموضوع حملي ,, وقلت لي اسباب خاصة..,,,

ربي يفرح الجميع دووم ويرزق الكل