كل وحده تسوق سياره تدخل

[eng.heart]

السواقه أخلاق والمفترض نعطي مجال للي مستعيل ويبا السيد ,,

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم خليفة11]

احيانا تصادفني هالحالات لكني اتفاداها بالتجاوز و بـــث

ادعي عليها ليش إن شاء الله ؟

او ممكن بتنبيه الإضاءة القوية " الفار " أو بكل بساطة آخد السايد اللي يمه و سلامتج .

لكن انتبهي اختي مهما كانت ظروفج ترى السرعة فيها الندامة و ماله داعي نسرع عشان والله موعد مشتشفى أو موعد مع صديق

بالنهاية ما بنغير من القدر شيء .

[ملكة الاحاسيس]

ملكة

يعني قصدج المفروض السيارة في هالحالة ما توقفينها و لا تنقصين سرعتج و ان السرعة المفروض بروحها تنقص شوي شوي .

انا الي اعرفه انه لازم نحاول نخف السرعة و نوقف السيارة لاني استوت لي مرة و عرفت انه لو تميت اسوق ممكن باحتكاك التاير و هو جي ويا الشارع يسبب مشكلة اكبر و يستوي ضو لا قدر الله .

المهم الحمد لله على سلامتج و سلامة عيالج .و صح كلامج المفروض نشيك عالتواااير ..

ياختي قدر الله وماشاء فعل رغم ان زوجي يشيك سيارتب بس صار الموقف بوقت قياسي يعني مربك جدا والحمدلله ان عيالي رقود ومامشغلة اذاعه ... سبحان الله ربج يوم يكتب للادمي يعيش
والحمدلله ... عدا على خير بالنسبه لي سيارتب تعتبر سبورت وزوجي نبهني ماضرب بربك لن بريكها قووووي ماشاء الله.. والي اسمعه انه لازم تحولبن غيار عكسي عشان ااسرعه تنزل بسرعه


ام خليفة سامحج الله لو انتي بمكاني بتعرفين ليش دعيت عليها ... وعند الله تقبل ولا ماتقبل
لكن سرعه شارع محدده ماتجاوزتها وانا مب سايرة حواطة ماشيه خط دبي العين يعني امشب بسرعه الخط

[سوالف بحر]

صدقتي
لكن في ناس طايرة طيران واحيانا مايكون في مجال تاخذين يمين بسبب الشاحنات او سيارات والله يهديهم يديم بالليت ويلزق بالسيارة مايعطيج مجال ويسويلج ارباك واحيانا حوادث لا قدر الله من الخوف
انا لو مستعجلة امشي 130 ولو حد طاير وراي اعطيه المجال طبعا بدون عناد لكن لو عندي مجال اطلع بهدوء
ولو كنت ع مهلي امشي يمين 100 لاني مااقدر اسوق عل بطيئ اموووت
بكل الاحوال الله يحمي الجميع ويكفينا شر الطريق والسرعة

[هـام السحب]

المختصر المفيد يا بنات ... اللي تسوق على 80 أو 90 لا تمسك اقصى اليسار ...

اللي يسوون هالسوالف حريم وهنود في الغالب ... وللأسف حتى في من شبابنا اللي عنده سيارة فخمه يرفض تماما إنه يبطل الشارع ...

جيه احنا هنود شوارعهم في بلادهم عكس شوارعنا ونقوم نسوي مثلهم ...!!!

الأخت اللي قالت إذا طلعت بسيارة صغيرة يديمون لها وإذا بسيارة كبيرة يسكتون عنها لأنه عزيزتي السيارة الصغيرة يبان إذا في سيارات جدامها وإلا لا ... والكبيرة ما يبان عشان جذي تلاقينهم ساكتين عنج ... إلا البعض اللي يعرف كيف يتأكد إذا السيارة الكبيرة اللي جدامه في جدامها سيارات أو ان الشارع فاضي.

في الاول والاخير هي أخلاق ... عندكم ثلاث شوارع تتمشن فيها مثل ما تبن ... لا تمسكن أقصى اليسار وبس.

[وردة الجاردينيا]

اذكر يوم استلمت الليسن و الموتر اول جمله سمعتها من الأهل: السواقه ذوق و فن و أخلاق..و لين اليوم هالجمله محفوره فذاكرتي

أحاول قد ما أروم اني التزم بالسرعه القانونيه و مرات أخذ السيد اليسار المخصص للسرعه و اكون مسرعه بس مع هذا تكون فيه مسرعه اكثر منيه و يعطوني فول ليت و فيه ناس تجرب وأيد من موتريه فمن نفسي اخًذ السيد الي عدالي

ما احب اعاند فالسواقه و دوم اعطي للناس اعذار حتى لو انا امشي بالسرعه القانونيه بس دوم أقول اكيد الي يسوق وصله خبر او عنده حالة وفاه او حرمته ياها الطلق او امه مريضه او او او 

[وضحه - بوظبي]

شكرا لكل من شارك

ملكة الاحاسيس حاسه فيج والله وصدق يقهر اللي صار لج.. ومن قهري كتبت الموضوع

والاخت هام السحب

اختصارج وايد حلو .. ويا ليت كل حد يقرأ اللي كتبتيه .. بالضبط اللي في بالي

[قصايد الهاملي]

انا دومي ع الخط السريع سوا شارع صغير او واسع طايره 120 والا لو خط 166 وطايييره

خخخخ وصدقج شي ناس ماتراعي واتم تتمشى يتحرون اعمارهم ع الكورنيش

[afra2008]

ولا تنسون تراعون نوع السيارة ترا اللي عنده فراري يسوق 100 غير عن اللي عنده كامري ولا سزوكي
ترا في سيايير نوعيتهم سريعة لانها سبورت، فماله داعي تعاندين
في ناس يعاندون على الخط السريع لان تفكيرهم انه هم يسوقون مثلا 120 وحسب القانون فله الحق يعاند
لكن لازم يراعي نوع السيارة اللي وراه يمكن سبورت ويمكن تكون مزودة بعد
انا عن نفسي احس اكثر الحوادث مب من اللي يسرعو من اللي يمشون ببطئ على الشارع السريع !!! واخر شي هو يطلع منها ولا كنه سوا شي واللي كان مسرع عادي منجلب ولا داعمله عمود

[مريم الشحي]

هههههههههه ذكرتيني وايد من هالاشكال ,,وانا عن نفسي وحده مووول ما اقبض اليمين ادري هذا الشي مب زين بس ضارية عالسرعه ,,والي تستهبل علي اراويها الويل,,اتجاوز من اليمين والعوزها عسب اتحرم اتيي جدامي واتسوق 60 عالشارع ,,اتلاقيني الزم عليها بريك مرة وحدة هههههههه وطبعاً لو ضربتني بتكون هي الغلطانة ,,والا اتلاقيني العوزها من جهة اليمين ..هالناس ما تتأدب غير ما تجلعين عينها طال عمرج ..

[هـام السحب]

ولا تنسون تراعون نوع السيارة ترا اللي عنده فراري يسوق 100 غير عن اللي عنده كامري ولا سزوكي
ترا في سيايير نوعيتهم سريعة لانها سبورت، فماله داعي تعاندين
في ناس يعاندون على الخط السريع لان تفكيرهم انه هم يسوقون مثلا 120 وحسب القانون فله الحق يعاند
لكن لازم يراعي نوع السيارة اللي وراه يمكن سبورت ويمكن تكون مزودة بعد
انا عن نفسي احس اكثر الحوادث مب من اللي يسرعو من اللي يمشون ببطئ على الشارع السريع !!! واخر شي هو يطلع منها ولا كنه سوا شي واللي كان مسرع عادي منجلب ولا داعمله عمود

[ما لقيت اسم]

انا من اللي يعاندون لما يكون بالشوارع الداخلية و تكون السيارة اللي وراي جخ ورياضية!!
اذا انا واصلة لهامش السرعة وهي اقصى حد لاني اكره البطء .. و اساسا الشارع داخلي وسط المدينة حق شو الليتات ؟؟
ما يمديني افكر احول المسار الا خلاص واصلين للاشارة فحق شو هالحركات؟؟

انا اقدر ان الناس ظروفها تختلف و في الطريق السريع و الطويل شي طبيعي الواحد يحترم ان غيره عنده ظروف وذوقيا جي لازم وحتى راعيين الخقة اترك لهم المسار ..وهذا طريق سريع الواحد يكون بالناحية اليمنى او الوسطى وخلاص و مافي داعي للعند .. والكل يرتاح

لكن في الشوارع الداخلية اثنين يجلطون
البطيئين عاليسار و بعد راعيين الخقه والليتات و غالبيتهم شباب وماوراه سالفة بس جي فلسفة و تهور
والفئة الاخيرة هذي..عاد ما بتورتر و بزاحم السيارات و بتجلب بسيارتي بسبتهم و بسبة مزاجهم عسب افسح الشارع لهم!
يحترمون غيرهم طول ما اهم في شوارع داخلية كل ابوها 500 متر وين تبا!! شوي وواصلين الاشارة لا وحمرا بعد