زوجي متغير علي

[نسيمة الورد]

مساء الخير . زوجي تغير علي . ويظل ماسك جوالة وما يخليه، واي رسالة تيه يمسحها . يوم بيتكلم يطلع بر البيت يقول اهلي بيكلموني . والحين اشتراله تلفون يديد وحطله رقم سري ويخليه في السيارة . وتكثر طلعاته ويغيب عن البيت بس عشان يتكلم. حتى اصبحت تصرفاته غريبة على اتفه الاسباب يسوي مشاكل ويتضايق. بس يبا يطلع من البيت وحتى الجذب ابين من كلامه: انا الي اعرفه انه صريح . فجاة اسلوبه تغير وما يعملني كزوجة .
وكلامه متناقض. انا شكيت انه متزوج في السر لانه دوم يلمحلي انه بيتزوج وبيحطني في الامر الواقع . انا صارحته انه يكلم امراة . حتى مرات يكون سرحان ويفكر والليل ما يرقد . بس هوه ما يبا يعترف وقال الشرع محلل اربع .
انا سكت بس عشان عيالي. حتى ما يكلمني على الموبايل يوم اكلمه يقول انتي مزعجة ولا تتصليين واكرهج. انا انصدمت من كلامه . انا شاكه انه يكلم امراة .
الحين انا ما عرف شو اسوي .
حد منكم يعرف رقم استشارية : تساعدني لاني تعبت نفسيا حتى الدوام ما داومت.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الوزيره7]

بصراحه .... الله يفج كربج ..... ؟
ان شالله البنات يفيدونج ؟

[cute uae]

الله يهديه

[Rose.Style]

للزواج بـ الثانيه اصول بعد
المفروض لو تزوج يخبرج على الاقل هب تسمعين من الناس او تشوفين تصرفاته
اللي تجرح . .

ختيه انصحج تيلسين وياه يلسة بهدوء و روقان وتتكلمون
عشان حياتكم وحياة عيالكم ,
و عسى ربي يفرج همج و يهدي زوجج

[حلو مالح]

الله يفرج كربتك يا رب اصبري عزيزتي واجتهدي بالدعاء والله يصلحلك زوجك

[Cobon]

1- انتي تقولين انا سكت عسب عيالي لا حبيبتي يوم اييب لج طاري الزواج عطيه الخط الاحمر لا تعطينه خط اصفر او اخضر
قولي انا مب راضية ولا ما برضى ابدا و صكي السالفة لا بينين ان عادي عندج و قولي يوم بتعرس انا بعد بعرس

2- ايلسي معاه يلسة جادة و ناقشيه قولي شو فيك متغير

[رورو الحلوه]

نسميه حبيبتي لازم تفكرين عدل ونفس ماقالت روز استايل ناقشوا هالشي امبينكم بهدوء لانه صراحه اذا زادت المشاكل

بيكون فيها محاكم ومشاكل وايده وابدا مابتفتكين منها شراتي .وعيالج الحين عايشين مع ابوهم بيتعقدون طيعيني

انتي شوفي الاشيا الزينه فيه وانتي شكلج تعرفينه عدل وتعرفين طبعه حاولي تعرفين شو الي براسه او اقولج طنشي ...هالايام البنات مايخلون الرياييل ف حالهم مرات تلقين البنات الي مب زينات يربعون وراهم لغرض يمكن هاي الي يحبها او شاكه انه يحبها تبى منه شي .. واذا متزوج بسر بيكون محترمنج لانه لو كان يحبها جان خبرج وخلى الكل يعرف
انتي لاتهملين عمرج تكشخي اكثر من قبل والله بتقهرينه وبتخلينه مايفكر الي فيج وشوفي دوامج محد بينفعج هذا مصدر رزقج ..وحاولي اتييبله هدايا وونسيه.. وان شاء الله تردون شرات قبل واحسن ^^

[بنت خورفكان 3]

انا انصحج نصيحه لاتهملين عيالج او وظيفتج لانهم الاهم والريال دوم اللي براسه بيسويه
سواء كان متزوج بثانيه او يغازل ويرمس بنات
لاتخسرين وظيفتج
واذا شفتي فايده من الاستشاريه خبريني لان اللي عندي عله

[ام شيركو]

الزوج مايعمل شي الا يكون دارس وعارف قبل ردة فعل زوجته وشخصيتها وهيك بيعيش حياته ويقرر على هالاساس............كفاكم تقبلون الاهانة والضعف والله قد ماقريت بهالقسم احب امسك هالنسوان وابلش ضرب فيهم بلكي يصحصحو شوي .........وين الكرامة ياناس كونو زلزال بهيك مواقف وقتها بيعملك الف حساب الكلام مو موجه لصاحبة القصة الكلام لكل وحدة تستهون بقدرتها وشخصيتها.......بس تحبي حالك هو رح يحبك.....لاتستسلمي وان شاء الله تكون سحابة صيف وبشخصيتك تخليها تمر وماتترك اثر

[ورقة ناعمة]

1- انتي تقولين انا سكت عسب عيالي لا حبيبتي يوم اييب لج طاري الزواج عطيه الخط الاحمر لا تعطينه خط اصفر او اخضر
قولي انا مب راضية ولا ما برضى ابدا و صكي السالفة لا بينين ان عادي عندج و قولي يوم بتعرس انا بعد بعرس

2- ايلسي معاه يلسة جادة و ناقشيه قولي شو فيك متغير

اختي انتي لو ماتردين احسن لان ردودج صراحة مب طبيعية تذكريني الواحد يصلح مايخرب ,,,,

[قلب الذيب]

الله يفرج همنا وهمج
ويرده لج ردا جميلا
ما يكسر الظهر غير هالعيال عسى يثمر بعيونهم هالتضحيات
الله يرزقنا برهم يارب

[شمالية وافتخر]

للزواج بـ الثانيه اصول بعد
المفروض لو تزوج يخبرج على الاقل هب تسمعين من الناس او تشوفين تصرفاته
اللي تجرح . .

ختيه انصحج تيلسين وياه يلسة بهدوء و روقان وتتكلمون
عشان حياتكم وحياة عيالكم ,
و عسى ربي يفرج همج و يهدي زوجج

[دلوعه فزاع]

الله يسخره لج

[شمه الشطوره]

الله يصلحه ويهديه

[^GalaXy^]

الله يسخره لج ..بس قويه يقولج اكرهج