وحده متصله

[ميسون@]

السلام عليكم
وحده متصله بريل اختي وأختي كانت معاه المهم البنت المتصله عرفت انه حد معاه تقوله مرتك وياك يوم تفضى كلمني تقولي اختي اسودت الدنيا في عيني قلت له رجعني بيت أهلي قالها الوقت متأخر شو بيقولون أهلج الحين وأنا ما أعرفا ويلس يقنعها انه ما يعرفا فتقوله اختي كيف عرفت رقمك يقولها ماعرف يمكن يابته من السيستم .
المهم خذت الموبايل اختي وطرشت لها رساله قالت لها لو سمحتي لا تتصلين فيني انا انسان مزوج ردت البنت تقولها الشرع محلل اربع حبيبتي ولو كان فلان اللي مطرش لي المسج بقول ما عليه وانا اعرف انج مرته.أهني اختي مسكينه متصله فيني وتصيح تقولي أكيد هو يعرفا كيف عرفت انه المسج اللي وصلها مب منه ولا ها أسلوبه .
اختي تقولي انا كنت واثقه فيه بس بعد اللي صار ما اقدر أثق فيه وهو ينكر انه يعرفا يقولها هذي البنت تبغي تسوي لي مشاكل عشان انا لابسنها .
تتخيلون صدق ما يعرفا وكيف اقدر اقنع اختي.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Bent _ A7med]

اختي اختج المفروض انها ما تحط ببالها ان ريلها يخونها بس لان شافت هالشي

يمكن صدق هو لابسنها و هي تحاول تتقرب منه

قولي لاختج لاتخلي الشيطان يقص عليها ويفرق امبينهم وسبة هالبنت وتظلم الريال وهو ماله ذنب


خل اختج تحط ملللللللللللللييييييييييييييييييييييييييييييون احتمال و يمكن ويمكن قبل ماتظلم الريال وقوليلها ماتتغير عليه وتقوله انت وانت وانت وهو ماله ذنب وعقب يروح لهذيج لسبة ان حصل اللي ماحصله عند حرمته


والله يهديهم ويسخرلها زوجها ويبعد عنهم اللي يبي يخرب حياتهم

[Rose.Style]

حسبي الله على بنات ابليس ،
شو هالبنات لي يحبن يفرقن ويخربن البيوت
والله الواحد قام يخاف . .

ختيه انصحج تنصحين اختج شرا ماقالت ختيه بنت احمد
يمكن فعلا ريلها مايعرفها . . خليها ترمس ريلها بهدوء
تشوف شو سالفة البنت لو حست انه جذب عليها تواجهه

لاتخرب بيتها وهي بعدها هب متأكده
عسى ربي يصلح ازواجنا ويحنن قلوبهم علينا

[2Hearts]

الله يصبرها خلها تكون ذكية سواء كان صادق أو جاذب تتصرف ولا كن استوى شيء وتعيش حياتها مثل ما كانت قبل الموقف صعب جداً والأيام بتثبت لها الحقيقة ويصير ان البنات يتحرشون بالشباب ويطنشونهم هيه على ذمته وحرمته خلها تستمتع بحلالها وربي يسعدها ويفرج همها

[cute uae]

حسبي الله على بنات ابليس ،
شو هالبنات لي يحبن يفرقن ويخربن البيوت
والله الواحد قام يخاف . .

ختيه انصحج تنصحين اختج شرا ماقالت ختيه بنت احمد
يمكن فعلا ريلها مايعرفها . . خليها ترمس ريلها بهدوء
تشوف شو سالفة البنت لو حست انه جذب عليها تواجهه

لاتخرب بيتها وهي بعدها هب متأكده
عسى ربي يصلح ازواجنا ويحنن قلوبهم علينا

[اسيرت شوق]

لا حول ولا قوة الا بالله حتى لو على قولتها الشرع محلل اربع لكن الشرع مب محلل المصخره وقله الادب يتصلن ويرمسن الريايل
لو اهو ياها لباب بيتها يخطبها بنقول الشرع محلل اربع الله يهديهن
زين خلاص اختج تقول لريلها اذا انت صادق هات الشريحه واكسرها وطلع غيرها ما يبالها شي

[طيف الغربة]

لا تستبعدي بنات هالايام استغفر الله

يمكن راكضه وراه ويمكن هو واعدها بشيء الله وحده العالم

لكن خليها تبين له مبداها من الان يعني لو انت ناوي تعدد هذا شرع الله بس كو صريح وكلمني لان الكذب ديله قصير الا ما تنفضح وساعتها ما بسامحك لكن كذبت وخدعتني بكذبك .,,

اذا شافته مصر ما يعرفها تنسى السالفه وتهتم بزوجها وتدلـله وربي يبعده هالاشكال عنهم

وبنفس الوقت تنتبه لزوجها لان هالزمن والله يخوف للاسف

وان شاء الله ما يكون في شيء

[الغــــــلا]

حسبي الله ونعم الوكيل ..
صدق ماتستحي .. لو أنا مابمسك عمري والله ﻷمسح فيها اﻷرض بشرشحها ..
وين تبا هاي ؟
من القهر كتبت كﻻم ومسحته مابا آخذ اثم على مثل هاﻷشكال .. تيلس ويا ريلها وتتفاهم وياه واذا هو صادق حتى يراويها سجل مكالماته ويقطع هالرقم ويظهر غيره عقب تحط حد للي مادري شو أسميها >< ..

أستغفر الله العظيم ..
اللهم احفظنا وأزواجنا من الفتن .. ماظهر منها ومابطن ..

[دلوعه فزاع]

يمكن هو صادق لان وايد ناس يحبون يخربون العلاقات الاسريه الناجحه

[ميسون@]

بناااات مشكوراااات على اقتراحاتكم
من شوي رمسها جدام اختي ونازعها وأختي تسمع فتحيلوا تقوله انته تنازعني عشان ترضيها وانا اللي احبك وأموت فيك تقول اختي ما قدرت اتحمل خذت الموبايل وصكيت بويها .
للمشكله انها معاه في الدوام كيف يتحاشاااها هذا اللي مخوف اختي
بناااات كيف جيه ما تستحي؟؟؟؟؟؟؟

["UAE"]

ربع عليها جمل ان شاء الله

بس عرفت من الشرع انه محلل 4 ما عرفت ان الشرع محرم المغازل
والله قهر ويها لوح
لا يكون بس خلصوا الرياييل

عنده في الدوام افضل حل يطلب نقل
ما تستاهل يخرب استقرار اسرته عشانها
بس كل شي يهون لخاطر ام العيال

الله يسخرهم لبعض اختج و ريلها و يبعد عنهم الشيطان و عيال الحرام

اكثر شي و اقوى شي عصبت
هيه و الله ئ

[مزمز راك]

مممممم
انا لو منها بحلفه عالقرآن انه ماله علاقة فيها و اللي بينهم بس زماله
هذا أحسن حل ...

اذا حلف معناته صادق
و اذا حلف جذب عاد بينه و بين ربه
اذا ما رضا يحلف معناته البنت المتصله صادقه بكلامها ....

[3yoon Ba3'dad]

لا إله إلا الله محمد رسول الله و الله تعبنا من هالمشاكل الي ما تخلص لا تقدرين تأمنين للريال و لا لبنات هالأيام سترك يا رب طبعا محد يقدر يتخيل إذا صار فيه هالموقف شو بيكون تصرفه بس يمكن لو انا مكانها الله لا يقولها بخليه يحلف ع المصحف ان صدق هو لابسنها وهي الي تركض وراه ولا ما بصدقه لو شو ما صار

[3yoon Ba3'dad]

مممممم
انا لو منها بحلفه عالقرآن انه ماله علاقة فيها و اللي بينهم بس زماله
هذا أحسن حل ...

اذا حلف معناته صادق
و اذا حلف جذب عاد بينه و بين ربه
اذا ما رضا يحلف معناته البنت المتصله صادقه بكلامها ....

نفس الراي

[ماسه حساسه]

مبين البنت مش محترمة وناوية تلف عليه
اختج ليش تعطيها فرصة وتترك بيتها وماتصدق ريلها !!
يمكن يكون مظلوم وحتى ولو ،، خليها عند ريلها مو تعطيها اياه !!
تقدر تطلب منه يغير رقمه،، او يبتعد عنها نهائيا يعني هو الي مفروض يقدم تنازلات