بنت عمتي

[supeer girl]

السلام عليكم ورحمه الله وبركاته

من زمان ودي اكتب موضوعي بس دووم اتردد لان احيانا احس انه موضوع تافه واحيانا اقول لا الوضع ماينسكت عنه بس محد يسمعني ..
بنات انا عندي اختين اكبر مني وحده منهم متزوجه وهي الكبيره ،، هذي الاخت الله يسلمكم انا احبها واحترمها بس اتييني فتره انقهر منها احسها مصلحجيه واايد ومغفله ><
لانه مخليه بنت عمتي مسيطره عليها بكل شي كللللللللل شي .. يعني تعرف عنها كل تحركاتها من تصبح لين ماترقد ومانقدر نسير مكان بدون هالبنت عمه .. اذا سرنا مكان وماخبرناها تزعل وهي عادي بتطلع وبروح وبرد عادي محد منا يتنطق بكلمه
وايد متدخله بحياتنا واختي السبب مانقدر نسوي شي او نشتري شي او ناكل شي بدون ماتخبرها مسسسستحيل يعني حتى لو كلنا اليوم فطاير من برع اختي بتخبرها ،، انزييييين لييييييش
يعني ابددددن مالنا خصووصيه ،، حتى مثلا لو زعلت من اختي وقلتلها مانبا هاي تسير ويانا المكان لفلاني اختي تقول اووكي وقبل لا ايي هاليوم الي بنسير فيه اختي تتحجج وتطلع الف عذر انه ماتقدر تسير وانا اعرف انها مابتسير لانه بنت عموه مابتسير ويانا وهي ماتقدر تظهر بدوونها ..
والله وايد مرات اختي تهمل بيتها وعيالها علشان هاي الاستغلاليه وتخيلو تخليها تشتريلها اغراض وهدايا .. نحن الي مانقصر فيها وشالين عيالها مانحصل شرات ماتعطيها ولا نبا شي منها بس ليش يعني ..
وحتى يوم اختي تسافر تييب حق بنت عمووه وعمووه هدايا وااايده حتى امي ماتيبلها جي ،، وطبعا نحن لو يابتلنا شي على طول تخبرهم شو يابتلنا بالتفصيل ،،
المشكله انه انا واختي الثانيه مانقدر نظهر ونسير اماكن بروحنا لازم هاي اختي ويانا .. بس اختي ماتسويلنا سالفه نحن بس دووم تفكر فبنت عموه ،، وبنت عمووه تعرف هالشي ومستغلتنه عدددل ،، والله يابنات لو تشوفون اختي كيف تتصرف بتقولون اعوذ بالله هاي مسحوره شو
حتى لدرجه انه اختي الثانيه تقول انا بقول حق بنت عمووه انه نبا نروح المكان لفلاني وبنخليها تكلم اختي تودينا ><
والله حتى فالبي بي ماقدر احط صوره شي الا بنتطلي بنت عموه وبتقولي من وين ،، وما اقدر اكتب اووت الا وبتسال اختي على طوول انتووو وين !!
جنها تقول على اي اساس طلعتو بدوني !!
وهي تروووح وتظهر على كيف كيفها واختي تعرف وبروحها تقوللنا ياسلام يوم هي يوم تبا تظهر تظظظهر ونحن يوم بنظهر تزعل ،، استتتتتتغرب والله
اقول يوم تعرفين عيل حق شو امخليه عمرج مصخره حقها
وعادي عندها ماتهتم

واااكثر واكثر واكثر من جي والله
مقهوووره منها كله تتحكم فينا مادري شو اسوي مليت منها خاطري اصرخ فيها واقوللها ظهري من حياتنا

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[ماسه حساسه]

هممم احس اختج الكبيرة تعامل بنت عمتج كأنها صديقتها او اختها الحقيقية
وفي ناس ولائهم يكون للغرب اكثر من لحمهم ودمهم ..مادري من تجربتي لان عندي اخت وماتحبني
الحل بيدج شوفي قوي قلبج وخذي اختج الثانية وطلعوا مكان بروحكم بدون اختج الكبيرة
جربي مرة ومرتين وبتحسين ان الموضوع عادي وبعدين لما تظهرون مع بعض كلكم مرة ثانية بيكون عادي

[supeer girl]

هممم احس اختج الكبيرة تعامل بنت عمتج كأنها صديقتها او اختها الحقيقية
وفي ناس ولائهم يكون للغرب اكثر من لحمهم ودمهم ..مادري من تجربتي لان عندي اخت وماتحبني
الحل بيدج شوفي قوي قلبج وخذي اختج الثانية وطلعوا مكان بروحكم بدون اختج الكبيرة
جربي مرة ومرتين وبتحسين ان الموضوع عادي وبعدين لما تظهرون مع بعض كلكم مرة ثانية بيكون عادي

هيه فعلا صديقتها من يوم كنت صغيره واختي طابقه بهالانسانه ويعرفون اسرار بعض عدل مدل بس المشكله انها ماتستاهل لانها مستغله هالشي لمصلحتها فقط والطامه انه اختي تعرف عدل بس ماتيووز عنها ،،
بظهر ويا اختي اماكن قريبه اووكي وجربت وظهرتا بس اماكن بعيده يعني امارات ثانيه مانقدر روحنا واصلا اختي بعد روحها مابترضى نروح انا وياها بس

[شمه الشطوره]

باجر بتندم لان بيتها اولى فيها من بنت عمها
واعتقد بنت عمج مب معرسه وفاضيه
باجر بتعرس وبتلبس اختج لباس
نصحي اختج وتقربي منها

[supeer girl]

باجر بتندم لان بيتها اولى فيها من بنت عمها
واعتقد بنت عمج مب معرسه وفاضيه
باجر بتعرس وبتلبس اختج لباس
نصحي اختج وتقربي منها

اممم هيه مب معرسه ولا ظني بتعرس لنها صكت الاربعين بس عقليتها عقلية يهال ،، كله تطالعني وتطالع الي فعمري شو احب وشو ما احب وتقلدني وتغار مني وانا عمري بالعشرينات وما اقدر البس شي الا تسالني من وين واختي ماتقصر على طول تخبرها
ياختي ياما وياما نصحت اختي
وعلى. فكره بنت عمي تسوي اشياء قويه بحق اختي وانا اقوللها وبعدج تركضين وياها وهي عادي عندها تعصب مال ساعه وتنسى على طوووول وعادي بنفس الوقت تدقلها وتقوللها ها حبي شتسوين ><

[candy box]

للرفع

[ماسه حساسه]

انزين ادعيلهم اثنيناتهم بالهداية يمكن ربي يستجيب دعائج في ليلة الجمعة

[اسيرت شوق]

ضحكتيني اونه محرقه منها وتتصل لها هاحبي شو تسوين خخخخخخخخخخ

اعتقد الموضوع عادي انتي واختج اصغر من اختكم الكبيرة وبنت العمه
يعني تواصلهن شي عادي لانهن مقاربات لبعض بالعمر واكيد بيرتاحن مع بعض
انتي مستغربه ان لج بنت عمج تحب تعرف كل شي وتبا تقلدكم والسبب بكل بساطة انها مب معرسه وتحس عمرها صغيرة
الموضوع كله بايدكم انتوا تقدرون توقفون تدخلتها
وخلوها على راحتها مع اختج الكبيرة كيفهن مع بعض

[ام السديس]

ضحكتيني اونه محرقه منها وتتصل لها هاحبي شو تسوين خخخخخخخخخخ

اعتقد الموضوع عادي انتي واختج اصغر من اختكم الكبيرة وبنت العمه
يعني تواصلهن شي عادي لانهن مقاربات لبعض بالعمر واكيد بيرتاحن مع بعض
انتي مستغربه ان لج بنت عمج تحب تعرف كل شي وتبا تقلدكم والسبب بكل بساطة انها مب معرسه وتحس عمرها صغيرة
الموضوع كله بايدكم انتوا تقدرون توقفون تدخلتها
وخلوها على راحتها مع اختج الكبيرة كيفهن مع بعض

انا وياها لان اختج الكبيرة ما لقت غيرها قريبه منها بالعمر وانتي واختج ويا بعض

[supeer girl]

انا وياها لان اختج الكبيرة ما لقت غيرها قريبه منها بالعمر وانتي واختج ويا بعض

لا حبيبتي اختي انا اقرب منها بعد من اختي الثانيه الي اصغر منها بسنه ..
وبعدين انا الي مستغربه منه يعني هذيك تحش وتكذب عليها وتنافق وتستغلها ماديا وتتطلب منها وكله تطلب منها تطلعها ،، واختي تعرف هالشي عدل بس بعدها ماتيوز عنها ..

[supeer girl]

ضحكتيني اونه محرقه منها وتتصل لها هاحبي شو تسوين خخخخخخخخخخ

اعتقد الموضوع عادي انتي واختج اصغر من اختكم الكبيرة وبنت العمه
يعني تواصلهن شي عادي لانهن مقاربات لبعض بالعمر واكيد بيرتاحن مع بعض
انتي مستغربه ان لج بنت عمج تحب تعرف كل شي وتبا تقلدكم والسبب بكل بساطة انها مب معرسه وتحس عمرها صغيرة
الموضوع كله بايدكم انتوا تقدرون توقفون تدخلتها
وخلوها على راحتها مع اختج الكبيرة كيفهن مع بعض

ترى اقوولج غريبه جدااااااا ،، يعني كملي الي انتي فيه وتمي معصبه كيف تقلب حالها بثواني ماعرف والمشكله جدامنا يعني ماستحت من الي قالته

حبيبتي ياليت انا واختي اصغر عنها ،، اختي الثانيه اصغر من الي متزوجه بسنه بس ،، انا الي اصغر منهم ،، وهي حاطه دووبها من دووبي ماتقلد وتراقب كثر ماتقلدني وتراقبني

ياليت اقدر اوقفها عند حدها حاولت بكل الطرق .. بس اختي عاطتنها اكثر من حجمها يعني لدرجه انه ماشي عندنا خصوصيه ،، ياخي احنا كيفنا بنطلع بناكل شو يخصها فينا ليش اختي تخبرها كل شي عناااااا

[شعاع امل]

ذكرتيني بنفسي انا كنت من هذا النوع

يوم اصادق حد حتى ربيعه لي كنت دوم اخبرها بكل شي

كانها اختي وجي بس هي مب مسويه سالفه وايد بس مصلحتها

هني الطامه الكبرى

يوم انتي تعتبرينها اختك وكل شي وهي لا بس مصلحه

اختك بتكتشف هذا الشي فيها بس متاخر

المشكلة ان اختك حرمه عوده يعني معرسه وعندها عيال وماشاء الله عندها اهل وخوات

فمب حاسه بهذا الشي او مب ماثر عليها

فعشان شي هي مب منصدمه وجي الحين

[بنوتة سوريا]

حبوبه خليج انتي مع اختج الجريبه منج وخلي اختج العودة مع بنت عمتكم هي مرتاحه وياها وأكيد تعتبرها أختها وصديقتها وما تشوف انها مستغلتنها عشانها تحبها مثل أختها وبعدين لما تخبرها كل شي عنكم هي تشوفها أختها فما تحس في أسرار بينهم

[الشاعريه]

حسيت فيج
لو اختج تخبرها كل شي عن حياتها برايه عادي لكن المشكله انها تخبرها عن اموركم وطلعاتكم بعد وهاللي يقهر
يعني هي تعرف كل شي عنج وين تسيرين وشو تاكلين وشو تشترين

يمكن لو انا مكانج بطلع ويا اختي اللي وايد ويايه وبخلي اختي الثانيه ويا بنت عمها لاني ماحب اكون مراقبه وكل شي اسويه يرمسون عنه

[بنت بوظبـي]

حسيت فيج
لو اختج تخبرها كل شي عن حياتها برايه عادي لكن المشكله انها تخبرها عن اموركم وطلعاتكم بعد وهاللي يقهر
يعني هي تعرف كل شي عنج وين تسيرين وشو تاكلين وشو تشترين

يمكن لو انا مكانج بطلع ويا اختي اللي وايد ويايه وبخلي اختي الثانيه ويا بنت عمها لاني ماحب اكون مراقبه وكل شي اسويه يرمسون عنه