ولدي ما يرقد

[ريم الشامس]

السلام عليكم


خواتي بلييييييز فيدوني
ولدي عمره سبع شهور وما يرقد عدل فاليل ينش وااايد تقريبا5 و6 مرات ما ارقد وايد اتعب منه
وغير جي عصبي عصبي بدرجه فضيييييييييعه

تعبت والله ما ارقد ما اتهنى والصبح دوام من الساعه 6 ونص

وارد 2 اجابله لين يرقد الساعه 9 وات واعيه بعد طول الليل ، احس اعصابي تلفت من قل الرقاد وصارلي سواد تحت عيني
متحطمه مب عارفه شو اسوي

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

[عائشة السومحي]

اهلا خيتو
الله يسهل الامور
اختي امسكي تمر خليه يتخمر في ماء حار
بعدين اهرسيه عدل
واعطيه ابنج كل قبل النوم شوفي كيف بهديه وبرقده وغير كذا الفوائد اللي بيحصلها
واقرئي عن التمر وفوائده للطفل

[ريم الشامس]

يزاج الله خيير

بجرب

[~* قلب غاليها]

يمكن يصيح لانه يوعان او شي

هالفتره المفروض تكونين مرتبه رقاده خلاص

وعيه الصبح من وقت ولاعبيه و خليه مصحصح ... و اذا بيرقد الظهر يرقد مال ساعتين يعني عقب 2 وانتي ارقدي وياه

و احتمال يرقد على الساعه 10 الصبح خليه يرقد مال نص ساعه

و فليل قبل لا يرقد شربيه حليب مخلوط بالسيريلاك و خليه يرقد وهو شبعان

وان شاء الله يترتب رقاده ورقادج

[شمالية وافتخر]

يمكن يصيح لانه يوعان او شي

هالفتره المفروض تكونين مرتبه رقاده خلاص

وعيه الصبح من وقت ولاعبيه و خليه مصحصح ... و اذا بيرقد الظهر يرقد مال ساعتين يعني عقب 2 وانتي ارقدي وياه

و احتمال يرقد على الساعه 10 الصبح خليه يرقد مال نص ساعه

و فليل قبل لا يرقد شربيه حليب مخلوط بالسيريلاك و خليه يرقد وهو شبعان

وان شاء الله يترتب رقاده ورقادج

[candy box]

للرفع

[ريم الشامس]

بعد بجرب
يزاج الله خييييير

[أم-ملاك]

الله يعينتج يارب والله حاسه فيتج ولدي بعد نفس الشي ما يرقد عدل الحين بنهاية الشهر الرابع ويقوم وااااايد بليل ويتم يصيييييييح أحاول أهز في بس ما شي فايده وآخر شي أسوي له حليب يشربه ويتم يمكن نص ساعه لين يرقد وما يكمل ساعتين ويقوووووووم تعبت والله خاطري يرقد طول الليل ع الأقل يقوم مره مب مشكله ما عارفه شو أسوي متوترة واااايد والمشكله دورت له سيريلاك ما شي مال 4 شهور شو أسوييييييييييي تعبت والله

[ريم الشامس]

ام ملاك
خذيله فارليز الدويري وحطي ربعها في المرضاعه

[S&R]

وألله حبيبتي انا نفس الحالة مايرقد وينش نص الليل يصيح بصوت عالي ويدق بعمره عالسرير

ماعرفتله يوعان ولا شئ يعوره وديته عند الدكتور يقول مافيه شئ

وأنا تعبت الحين بيكمل سنه ورقاده كانه ياهل فالاربعين

ماعرف شو الحل وااااااااايد تعبت وياه

[ام زايد21]

مابا احبطج بس هذا حالى مع بنتى للحين وهى عمرها ماشاء الله سنه وشهرين تقريبا وبالرغم من انها ما ترضع طبيعى من يوم انولدت الا انها وايد تنش فى الليل وتتحرك وايد برقادها تتجلب يمين يسار وشراتج تعبت من قل الرقاد واحس عيونى مرهقه ومنتفخه كل يوم الصبح

[الريامي2013]

عزيزتي يمكن ولدج شيء يعوره لا سمح الله وديه عند دكتور عدل مش مال المستشفيات الحكوميه احسهم ماينفعون اذكر ولديه البكر كان جذيه وأنا تميت ماعرف شو فيه لين وديته دكتور زين طلع فيه التهاب في أذنه وماي ورى طبلة أذنه ولين الحين اعالجه عمره 10 سنوات الله يخليه وكله بسبب التشخيص الخطأ من يوم كان صغير

[ماما سلطان]

اسمعيني يالغالية... في يهال يحبون ينامون على صوت... مثلا الاجانب يشغلون لعيالهم موسيقى هادئة عشان يرقدون واتم الموسيقى شغالة .... ومع الايام يحس الولد بالراحة وكل ما يشوفونه اهله متضايق ويبي ينام يشغلوله الموسيقى والولد يرقد على طول...

انا طبقت ها الشي مع عيالي... بس بالقرآن والحمدلله... عيالي احينه في الابتدائية والروضة وفي غرفهم موجود الراديو على رف خاص... اذاعة القرآن الكريم شغال على طول ماشاءالله، واذا يو بيرقدون وكان مطفي يشغلونه بروحهم ويرقدون بهدوء والحمدلله....

واحينه عندي بنتي الضغيرة عرها 6 شهور اخليها عند الخدامة لأني ادام، اكتشفت انها مخزنة قرآن في موبايلها واتحطه عند راسها عشان اتم راقدة وما اتصيح وعشان هي اتسوي شغلها بالراحات، طبعا انا وايد وايد فرحت الحمدلله بس نبهتها ان الموبايل مضر عند راس البيبي، فتحطه بعيد وان شاء الله باخذ راديو صغير عن جريب....

لا اتقولين ان حرام وازعاج وما بيروم يرقد... (كل الاصوات تصنف ازعاج، الا صوت القارئ للقرآن) اشتري راديو صغير وشغلي على اذاعه القرآن وحطيه في سريره بصوت هادئ عشان انتو اترومون ترقدون... صدقيني حتى الشياطين ما بتتقرب من الطفل...

جربي اسبوع وشوفي وان شاء الله تنفع هاي الطريقة مع طفلج ... واذا الله كتب ونجحت بترتاحين في السيارة فمجرد انج اتشغلين الاذاعه بيهدا وبينام وما بيسويلكم حشرة في الدرب...

اسأل الله أن يجعل أبنائك وأبنائي وجميع أبناء المسلمين من الصالحين والبارين بإذن الله....

[MiSs waT EveR]

حبيباتي انتبهوا من هز الطفل مب زين لمخه وراسه،،، أما عن بسكوت فارليز يعطونه من ست شهور وانتبهوا يوم تاخذون أي بسكوت للأطفال خذو الي مكتوب خالي من مادة الغلوتين

[ريم الشامس]

يزاكم الله خيييييير