وزني وبطني

[رسايل غلا]

السلاااااااام عليكم ورحمة الله وبركاته

حبوبات عندي مشكلة وابا منكن المساعدة ياليت اللي تقدر تقدم مساعدة لا تبخل علي فيها

صراحة يا بنات وايد اتفشل من شكل جسمي للأسف والسبب الأساسي بطني البارز بشكل سيء وافكر يوم بعرس شو بسوي
وزني حاليا 82 بعد ما كان في السبعين والستين قبل وهالشي مأثر علي بشكل فضيع ما يبين اني متينة لأن طولي 162 تقريبا
لكن هالشي ما يمنع انه فيه زيادة فالوزن

حاولت بكل الطرق اخفاء بروز بطني لكن ما قدرت وكل مرة اشوف بطني يخف بروزه وعقب بشوي اشوفه مثل ما هو والاغلبية ينصحني بريجيم
وانا صعب علي هالموضوع لأني مريضة بفقر الدم واذا ما كليت أو كان أكلي خفيف مرة تيني دوخة وعدم اتزان

المهم ما ابغي اطول عليكم, اللي جربت شي لإخفاء بروز البطن ونفعها صدق تخبرني, وبليز بنات لا تحطون تجارب منقولة لأني تقريبا قريت اغلب اللي منشور في قوقل عن الموضوع, ابا وحدة مجربة ونفعها اللي جربته


بليز ردوا علي ومشكورات

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(الجوووري)]

بالتوفيق اختي
ان شاء الله البنات يفيدونج

[لمسة حنااااان]

جربتي قبل خلطة الكمون والزنجبيل والقرفه والليمون
هذي مفعولها قوي لإزالة الكرش

[بائعه العطور]

ان شاءالله البنات يفيديونج

[كتكوتة حبيبي]

روحي لدكتورة تغذية تابعة لمستشفى بتعطيج حمية تناسب جسمك وحالتج المرضية

[اليامي مريامي]

سبحان الله وبحمده سبحان الله العظيم

[روز احمر]

حبيبتي ما في شي احسن من الرياااضه للبطن و لنحت الجسم .. استمري على الرياااضه خلاال اسبووعين ان شاء الله بشوووفين في فرق بااذن الله

[نسايم روح]

لازم وياضه وتخفيف انا فيني انيميا حاده واسوس رجيم عشان صحتي

[وطني انا]

جربي اختي مساج تكسير الدهون لمنطقة البطن وايد فرق
فيه وايد ايين البيت يسوون مساج تكسير الدهون
ذكر وحده من ربيعاتي كانت تقول اللي تسويلها مساج تكسير الدهون
تسوي لها مساج بالقهوة المطحونة وزيت
عشان القهوة تفيد في تخفيف الدهون

[شمالية وافتخر]

روحي لدكتورة تغذية تابعة لمستشفى بتعطيج حمية تناسب جسمك وحالتج المرضية

[رسايل غلا]

هلا وغلا خواتي مشكورات وايد عالنصايح

انا جربت الزنجبيل والكمون والليمون بس ما تغير شي فيني

وعن الرياضة وايد سويت تمارين لشد البطن بس هلكت

اممممم وبجرب مساج تكسير الدهون يمكن يفيدني, بس بخصوص الدكتورة والريجيم مرة كنت مسجلة في الجيم في كلية التقنية في العين يوم كنت ادرس

وهناك قالت لي وحدة متخصصة كانت موجودة انه ما ينفعني ريجيم وهالسوالف مب زين حق صحتي واصلا ما اقدر اسوي ريجيم لأسباب وايد بعد

منها ضعف ارادتي وجو بيتنا اللي يخرب علي كل شي

هذا انا في اجازة اسبوعين من دوامي وكنت ناوية عالريجيم خطف الاسبوع الاول بدون فايدة والسبب اهل بيتنا

امي كل يوم توعيني من الرقاد تقول شو اسوي حق الغداء واذا قلت لها سوي اللي تبينه ولا تسأليني تعصب علي

والحين نص الاسبوع الثاني تقريبا وبعدني ما قدرت اسوي شي وتعبت نفسيتي من الموضوع

[قلبي معاه]

انا انصح بعد برياضه البطن وخلطه الاعشاب لجابر القحطاني كتبي بالنت شو مقاديرها وبتطلع لج اعشاب ماتضر مثل شاي اخضر ونعناع وزنجبير ورمان

[رسايل غلا]

مشكورة اختي على نصيحتج وان شاء الله استفيد منها

[ام السديس]

اختي لا تسوي رجيم بس غيري نظام اكلج يعني خففي شكولا وشبس والهمبرجر والبطاطا المقليه والغازيات اشربي زنجبيل وشاي الاخضر خففي السكر نسيت اقولج اشربي الحليب قليل الدسم وزبادي بعد