ربط معده

[لمسة حنااااان]

بنات بليز اللي مسوويه عملية ربط معده تتواصل وياي لان ربيعتي تبا تسوويها وتتمنى تتواصل مع حد مجرب عشان تتطمن
اللي مسسويه بليز لا تبخل علينا بتجربتها وتتواصل وياي ع الخاص ولها دعوه من القلب
والله يوفقكم جميع

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[بنت بوظبـي]

الله ايوفقها

[AL_REEM]

كم وزن ربيعتج تقريبا

أعرف وحده كان وزنها 114 تقريبا
وألحين 59 تقريبا
بس بالرجيم والصبر

من جهتي الدكتور يقرر إذا تحتاج

بس خلها تحط في بالها أنه صح بتضعف
بس الحياة يتكون وايد صعبه بعد العمليه
صعبه في الاكل والشرب
خلها تقبض إيدها أحسن لها بوايد

أعرف وحده مسويه العمليه نحنا ناكل حبتين فطاير وهي ياله تاكما وحده
وترد بعدين تاكل تغمض شوي

بس حسب الطول والعمر والحاله الصحيه لها وخلها تشوف كذا دكتور وتتكلم بنفسها مع الناس إللي سوت هالعمليه

[مريم الفهد]

هلا اهختي اعرف 2 وي ربط معدة لازم الوزن يكون 90 علشان الدكتور يوافق
وترة ربط المعدة نفس الرجيم لازم تلتزمين بامشي ورياضة صارمة واول ايام بس سوائل وتاخذين فتيمينات اقراص علشات اتعوضج عن النقص واذا مالتزمت بالراضة لازم بعدين عملية علشان شد الجسم وترتيبة
يعني قصة طويلة بس اذا هي ارادتها حديد بيناسبها الوضع
ربي يوفقها

[M.I.R.A.C.L.E]

أهلين..

انا اخصائية تغذية علاجية

مب اي حد يسووله عملية ربط معده
المفروض وزن كتلة الجسم اللي يسمونه بالانجليزي Body Mass Index يكون فوق ال 40.. وها يعتمد على الطول والوزن

وانا شايفه اشخاص مسوين العملية
وضعفوا

بس لازم اي شخص بيسويها يحط فباله انه جسمه بيترهل

وممكن انه يحتاج عمليات تجميل لشد الويه ومناطق ثانية بعد

لانه بينزل اكثر عن 50 كيلو في خلال فترة بسيطة جدا
فطبيعي انه بيترهل

والشي الثاني
ترى حتى بعد العملية لازم الشخص يمشي على نظام غذائي خاص ورياضة

[بطبعي شيوخية]

نصيحة آختي ،
لا تخلينها تسويها . .
عمليات ربط المعده ما قاموا يسونها وايد
واغلب اللي مسوينها
رجعوا سووا تدكيك ( طي المعده ) أو تكميم ( قص المعده ) ،

عالعموم ،
هذا رايي ،
تقدرين تزورين موضوعي
رجعت لكم تحت اسم متددكه ،
وخليها تقرا تجربتي فعملية التدكيك
وربي يسخرلها الخير . .

موفقين يارب

[بائعه العطور]

للرفع

[لمسة حنااااان]

جزاكم الله خير جميعا ع الردود والمعلومات القيمه
هي ماقررت تسووي العمليه الا بعد ماجربت كل شي من رجيم ورياضه وحبوب
هي صح تضعف بس مع حمل وولاده ونمط مجتمع كبير فبيت واحد تسترجع وزنها بكل بساطه
هالوضع تعبها وايد وخاصه فالحياه الزوجيه
هي بالنسبه لها استخارت ومازالت متطمنه الحمدلله
وزنها وصل 100
وطولها164

[كريستاال]

انا كنت حابه اسويها وزوجي رفض قالى لانه فكل الحالتين رح تسوين رجيم ورياضه
فعلا رحت عند دكتور نيوترشن وبديت من شهر وضعفت 5 كيلو
خليها تستخير وبعدين تقرر

[زينب الطيبة]

اعرف واااااايد سوو العملية ضعفوا و بعدين رجعوا متنوا
المهم
نصيحه لا تسويها

وإذا خلاص خلاص في بالها العملية خلها تسوي ( قص المعدة ) سليف بالانجليزي وااااااايد أحسن من الربط

الله يوفقها

[دانة عمري]

نصيحة خليها تسوي قص المعدة أحسنلها بوايد..أنا سويت ربط 3 سنوات وشلته بعد ماصار عندي إلتهابات وألحين بسوي قص معده

[لمسة حنااااان]

دانة عمري شو سبب الإلتهابات قالتلها الدكتوره بعد إن السكر ممكن يهبط بعد
انا سمعت ان القص أخطر شي على ماأظن
ع العموم هي ويا الدكتوره إيناس العلوي بعدها بتسووي معاها موعد بخصوص نوع العمليه
وبتكلمها عن كل عمليه وشو فوائدها وأضرارها وبتخليها تكلم ثنتين أو ثلاث من الحريم اللي سووا العمليات وهي بعدين ويا ريلها بيشوفون اللي يناسبها
الله يكتب لها اللي فيه الخير

[هيا عبود]

السلام عليكم أنا عملت ربط المعده وما استفدت منها كل ما ينزل وزني احمل وارجع من اول وجديد شئ بيزهق . بس حبدأ من اول واعمل رياضه ويا رب استفيد . ادعووولي

[لمسة حنااااان]

السلام عليكم أنا عملت ربط المعده وما استفدت منها كل ما ينزل وزني احمل وارجع من اول وجديد شئ بيزهق . بس حبدأ من اول واعمل رياضه ويا رب استفيد . ادعووولي

يمكن لانج ماتشدين عند الدكتور اتوقع والله اعلم

[فراشه_وردية]

اب اب اب