أبغي رأيكم

[عيوني كيوت]

السلام عليكم ورحمة الله وبركاته

بنات أبغي أخذ رأيكم في موضوعي لأني أحس عمري متشتتة ومادري ِشو أسوي وماعندي خوات عشان ينصحوني

الله يسلمكم أنا مالجة و الحمدالله نحن الأثنين نحب بعض بس المشكلة مب عارفة كيف اتعامل معه

هو حنون و طيب وايد بس مشكلته أنه وايد وايد عصبي وحاليا نحن مانرمس بعض ويمكن ننفصل بعد

خطيبي من النوع اللي مايحب الوحدة تردد بالكلام يعني أن يوم أرمسه صراحة اتم اردد الكلام بس مب قصدي أني اطول لساني
عليه بس جي سوالف لاني متعودة اسولف جي مع أخواني وانا من النوع اللي في قلبي على لساني وهو زعل مني وانا اعتذرت منه بس هو بعده مايرمسني ويوم اتصل فيه مايرد على وقالي أنا متضايج منج ومن أسلوبج معاي في الكلام وهالفترة خلني بروحي لان نفسيتي تعبانة

صراحة أنا مشتاقة له وايد بس ماأبغي أبين له و الحين من 4 أيام مااتصلت فيه ولا طرشت له مسجات بخليه على راحته

مادري ِشو أسوي أنا بعد تعبت نفسيا لأني أحس أنه مكبر السالفة وانا اعتذرت شو أسوي أكثر من جي ؟

ساعات أقول بطرش له مسج وبقوله خلنا ننفصل أحسن وكل واحد يروح بصوب لاني صدق تعبت

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية