أبغي رأيكم

[ام راشد وسعيد]

انزين انتي يعني الحمد الله عرفتي طبع ريلج من وقت او بفترة بسيطه ليش ما حاولتي بذكائج الانثوي تحتويه بدال ما تنفرينه منج تو الناس على الضرابه بس بعد خليه لين يرضى ابروحه وبروحه بيدقلج وبعدين حاولي قد ما تقدرين اتغيرين اسلوبج الاسلوب اللي تتعاملين فيه مع اخوانج ما ينفع مع ريلج .انا كنت جي وزعلت اكثر من مره ويه ريلي فترة الملجه بس بعدين غيرت اطباعي فحسيت انه ابتدى يحبني اكثر ودوووووم في بيتنا حتى اهلي كانو طفرانيين منه من كثر يياته خخخخخخخخخخخ .والله ذكرتيني با الذي مضى ايام حلووووه والله .

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيوني كيوت]

ثانكس فديتكم ^^

[khaleejiya]

اصعب شي بالزواج وخاصة بالسنوات الاولى ان الزوجين يتعودون على اطباع وعادات بعض (لاحظي ما قلت ايام قلت سنوات!) والشي هذا طبيعي جدا المطلوب ان كل واحد منكم يكون مرن بمعنى اذا حس ان الطرف الثاني يتضايق من شي معين يتجنبه وان شاءالله مايوصل الموضوع للانفصال

[الشاعريه]

انتي تحبينه وتبين تطرشين له موضوع الانفصال لكن في نفس الوقت ودج يرد عليج ويقولج لا مستحيل

انا متاكده انج تبينه بس لانج حاليا متضايقه وودج انه يوصلج منه مسج او اتصال يبين لج معزتج عنده

انا اقول لا تطرشين شي ولاتتصلين كم يوم لين ما تهدا الامور

وعن اسلوبج وياه ترا عادي تقدرين تغيرينه .. الحين يوم تكلمين الوالد مثل يوم تكلمين عمج ؟ يوم تكلمين اختج نفس الاسلوب ويا امج؟ لا اكيد غير
معناته لكل شخص معامله تختلف عن غيره على حسب العلاقه

[كلامي عسل]

انتي تحبينه وتبين تطرشين له موضوع الانفصال لكن في نفس الوقت ودج يرد عليج ويقولج لا مستحيل

انا متاكده انج تبينه بس لانج حاليا متضايقه وودج انه يوصلج منه مسج او اتصال يبين لج معزتج عنده

انا اقول لا تطرشين شي ولاتتصلين كم يوم لين ما تهدا الامور

وعن اسلوبج وياه ترا عادي تقدرين تغيرينه .. الحين يوم تكلمين الوالد مثل يوم تكلمين عمج ؟ يوم تكلمين اختج نفس الاسلوب ويا امج؟ لا اكيد غير
معناته لكل شخص معامله تختلف عن غيره على حسب العلاقه

[غيمة طهر]

طرشيله مسجات عن الزعل وانج ما تقدرين تصبرين عنه .. ومن هالكلام اللي يحنن القلب
ترى الزعل وااااااااايد يصييييير .. خاصة فترة الملجججججججة
وخاصة ما اتعرفين تتصرفين لانه انسان يديد وجي

الحين انتوا فترة تتعرفون على بعض
أبد لا اتعقين عمرج عليه .. هاي أكبر غلطة يسوونها البنات
وأعرف الشي مب فإيدنا .. لان طبع الرياييل غيرر شوي ..

وان شاء الله يرد عليج ويصلح حالكم ^^

[عيوني كيوت]

ثانكس فديتكم

الله يهديه يارب
و أنا هالفترة بخليه على راحته لين مايهدى يعني لا بتصل فيه و لابطرش له مسجات

[عطر 77]

انتوا من الحين ما فيكم صبر على بعض الله يهديكم

[ام منصووري]

انا لو بدالج بطرشله مسج شوق خل يقراة ويستانس بخاطره شوي
كم يوم الحين اكيد هدا لااازم ما تعودينه يبتعد عنج اكثر عن جذي
الله يسعدكم طوول العمر

[رشـة عطر]

حبيبتي هذا ريلج مب واحد من الاخوان
نحن مع خوانا نتترادد و لا كان شي مستوي

خلي المعامله معاه خاصه جدا جدا ،، ابحثي عن كيفيه التعامل مع الزوج واتثقفي

عسى ربي يجمعكم على خير

[عيوني كيوت]

تسلمون على الردود خواتي وان شاء الله باخذ بنصايحكم

[Pheno-m-enon]

اختي ترا الحياة الزوجية مب جيه!
انتوا من احينه تفكرون ف الانفصال و بعدكم ع قولتهم ف "البيضه"
حطي ف بالج الحياة الزوجية تنازلات.. شوي انتي و شوي هو
و هذا ريلج مب اخوج عسب تقولين والله انا جيه ويا اخواني
خلي دوم رمستج طيبتج معاه و لو حسيتي صار شد.. قوليله انا احينه بخليك و بنتفاهم يوم تهدا
بس لاتمين تراددينه.. هالشي وايد يضايج الريال
الله يسخركم لبعض ان شاء الله