زوجي و و لدي والخدامة

[بنت بوظبـي]

كيف تأمنين ع الخدامه واتخلين ولدج عندها ؟!!
خليه عند أهلج أضمن لج وله , حليله بعده صغيرون يباله رعايه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيف الغربة]

حبيبتي كيف رح تامني ابنك مع الخدامه وكمان عمره شهر
نصيحتي حاولى تقنعي زوجك تجيبي الخدامه بس بشرط انو كل يوم توصلي الخدامه وابنك عند اهلك لا تتركي ابنك مع الخدامه لوحدهم
انتى اجلسي مع زوجك لما يكون رايق وافتحي الموضوع بهدوء وان شاءالله البنات يفيدوكي بحلول

[أسيل202]

انا احس هاي الايام الموظفه اللي عندها عيال لازم يبالها شغاله تساعدها واذا تروم هنتين .. لانه الاطفال يبالهم وحده والبيت والطبيخ يبالهم وحده.. لكن دام انه ريلج مب راضي مع انه هو المفروض اييبها! اصبري وديه عند اهلج لين ما تستلمين اول راتب وييبيها روحج .. حياة الشغل تعب وخصه اذا اشتغلتي من بعد العرس . هذا رايي

[عنقاشة كاشخة]

تقريبا صارت لي نفس المشكلة... اول ما تزوجت طلبت خدامة لانه قسمي كبير ما شاء الله وبعد كنت توني حامل ومب قادرة على الشغل كله ادوخ من اوقف وبنفس الوقت موظفة.. ويات الخدامة وصارت مشاكل طبعا بسبب عمتي الله يهديها ويصلحها.. الخدامة تمت شهرين كانت زينة ما فيه احسن منها.. لين اخر الشهر الثاني قامت تخترب بسبب عمتي.. والحمدلله بسبب المشاكل مددو لنا الضمان لين 4 شهور.. وطلع اخر شي سبب الخراب هيه عمتي بس طبعا ريلي ما صدق... المهم ردينا الخدامة وما بغيتها.. وصارت حساسيات بيني وبين ريلي.. وقال ما بييب لي خدامة.. ولا بيكفلها باسمه.. وانه بحياته ما راح اييب خدامة في البيت وحلف بعد من كثر ما كان معصب.. وعلى فكرة ريلي ما يرد بكلامه ابددددددددد.. وحسبي الله على اللي كان السبب.. المهم طبعا يتني صدمة وهسترت وتميت اصيح صياح اليهد والفكرة اللي يتني وقتها اني ادفع روحي واخلي ابوي يكفل لي اياها... بس بنفس اليوم ريلي يوم شافني كيف كنت منهارة.. استغفر وكفر عن يمينه وقال بييب.. بس طبعا ذلني وخلاني اتم بدون خدامة 3 شهور لين ما كفل ووصلت.. والحين توها واصلة من اسبوع.. والحمدلله ولادتي عقب شهر تقريبا

شكله ريلج عصب بسبب الموقف اللي صار.. بس انتي بالسياسة حبيبتي حاولي تقنعينه.. واذا لا محال خلاص انتي اكفلي الخدامة براتبج وخليها تكون على اسمه او حتى اذا ما رضى على اسم ابوج... لاني انا جديا كنت بسوي هالشي.. لانه خلاص صكت الدنيا براسي.. وفي النهاية دام الحرمة تداوم طبيعي هيه اللي محتاية الخدامة اكثر لانها وين بتلحق بين دوام وبيت وعيال فالريال يحط بباله راتبج لج وانا اييب خدامة لانج تداومين..

الله يعينج يا رب

[دلوعة قلبهم]

المشكله اخاف يتعود انا ايبها
و يقهرني يقولي انا يبتها وانتي رفستيها اسف ما بيب لج ما حس على دمه اني توني مربيه ونفسيتي داون و قلت له دامك مب قد مسؤولياتنا خلنا ننفصل تعبت والله شو هالحاله كل شي على الحرمة الريال يبي عيال بس ما يحاتي وين بكون والله افكر بالاستقاله

[افناان]

المشكله اخاف يتعود انا ايبها
و يقهرني يقولي انا يبتها وانتي رفستيها اسف ما بيب لج ما حس على دمه اني توني مربيه ونفسيتي داون و قلت له دامك مب قد مسؤولياتنا خلنا ننفصل تعبت والله شو هالحاله كل شي على الحرمة الريال يبي عيال بس ما يحاتي وين بكون والله افكر بالاستقاله

تعوذي من ابليس اختي
شو هالكلام الفظيع ؟؟ مع اول مطبة تبين تنفصلين ؟؟ و عشان شغالة ؟ عيل امهاتنا مساكين يابوا اشكثر و تحملوا كل شي بدون شغالة و تحملوا العمة و المذلة و الاهانة و الفقر و العصبية و الهواش و قعدنا مسكوا بيوتهم و رياييلهم ، صلي ع النبي كل شي بينحل و انسي هالطاري انفصل ما انفصل !! كلام فاضي

[ام سلطان AJM]

ماتضمنين اهلج وتضمنين الخدامه اللي ماتعرفين خيرها من شرها !!!!

[بهلولة]

حتى لو بتحطينه عند اهلج
لازم خدامه عسب اهلج ما يطفرون وعشان ما تعبلين عليهم
الخدامة تكون تحت عينهم واشرافهم

ولا تفكرين ابدا تحطينها ويا ولدج بروحهم وانتي ما تعرفينها ولا تأمنينها

ومتى هالدوامات بترحمنا وبتحطلنا حضانات؟؟؟!

[عنقاشة كاشخة]

المشكله اخاف يتعود انا ايبها
و يقهرني يقولي انا يبتها وانتي رفستيها اسف ما بيب لج ما حس على دمه اني توني مربيه ونفسيتي داون و قلت له دامك مب قد مسؤولياتنا خلنا ننفصل تعبت والله شو هالحاله كل شي على الحرمة الريال يبي عيال بس ما يحاتي وين بكون والله افكر بالاستقاله

حبيبتي لا تقولين جيه... على فكرة انا فكرت بنفس الشي.. وخاصة نحن باول سنة زواج وصارت مشاكل على اشيا تافهة.. وتميت اقول خلاص ما بتم وياه وبنفصل ومن هالكلام.. حتى من كثر الحساسيات قلت له خلاص اذا ما تباني بروح بيت اهلي... بس طبعا وقتها نفسيتي بسبب الحمل والدوخة واللوعة وبعد مشاكل الخدامة وامه.. وانتي اظن نفسيتج بعد الولادة خلتج تفكرين جيه... ما عليج هدي شوي.. وان شاء الله الامور بتنحل... حاولي تسايسينه وتقنعينه انه ييب خدامة... وعن نفسي انا الصراحة اشتري راحتي... صح غلط انه الوحدة تعتمد على نفسها وتدفع كل شي والريال يالس ميلس ما يصرف... بس اذا صار موقف مثل هذا.. الانسان شو ماخذ من الدنيا.. يشتري راحته.. ويقولج ذل فلوسك ولا ذل نفوسك... يعني تييبين خدامة وتشترين راحتج وتفكيرج وراحة ولدج احسن من انج تتمين ضايجة وتحاتين...

وصدقيني حتى لو يبتي انتي هاي الخدامة.. هو يوم بيشوف المسوؤلية كبرت بييب لج الثانية.. توكلي على الله

[هماليل]

انسي تخلين ولدج عند الخدامه

خذيها من قصيرها ووديه الحضانه
أحسن وأضمن
أنا هذا اللي سويته
ريّحت راسي من التفكير

أودي ولدي فديته الصبح
وأرد أشله ع نهاية الدوام

[عذاري المرر]

حرام شهر يااااقلبي
شوفي قلبي الارزاق بايد رب العالمين انا خذت اجازة 4شهور شهرين من الدوام حقي اجازة الامومة و شهر من سنويتي و شهر دون راتب لين ماكبر ولدي خليته ويا امي و خواتي و عقب ماكمل 6 شهور وديته الحضانة لان عقب 6 شهور الياهل بيكون اهدا و بيخف عنه المغص اما ف عمر قبل 4 شهور احس محد بيتحمل صراخ وصياح الياهل غير الام ففكري عدل وحطي ولدج من اولوياتج مب الدوام 

[ام منصووري]

حبيبتي لاااا تخلين ولدج عند الخدامه
ما تعرفين من وين يايه وكيف تعاملها وكيف عايشه
ودي ولدج الحضانه ومب اي حضانه حضانه معروفه وزينه
والله يكون فعونج يااا رب

[احتاجك..]

وديه حضانة أأمن

[رومنسية 84]

صــعبه اتوثقين فالخدامه والياهل توه فديته عمره شهر كلمي اهلج يشوفونه افضل اللهم يغيرون له الحفاظه ويسون له الحليب ..

حبيبتي تعب اشهر و لا ندم عمر كله ( الله لا يقول ) اذا استوى شي في ولدج تبين بشكارة ييبي بس اهم شي تودينها ويا ولدج عند اهلج يوميا قبل لا تروحين الدوام عقب تردين تشلينهم

[Pearly Gurl]

حبيبتي شو هالدوام! عمره شهر وبتردين من الاجازة؟
اجازة الامومة شهرين، واغلب الموظفات ياخذون عقبها اجازتهم السنويه شهر وعقب ياخذون شهر زيادة بون راتب وتصير كلها اربع شهور،

اذا قوانين دوامج غير وهالشي استبعده.. اخذي اجازة شهرين بعد حتى لومن دون راتب..

وفي هالفترة حاولي باسلوب وسياسة ان ريلج يغير رايه ويكفل لج خدامه ثانية،
يكفي انج بتمديد الاجازه توضحين له طاعتج واهتمامج،

الله يفرج همج ويكون في عونج وسالفه الانفصال شلييييييها من راسج ياقلبي =(
هذي مشكله عاديه ليش تهدمين حياتج بسهوله،
ادعي الله وكثري من الاستغفار كل ماتضايقتي وصدقيني بتشوفين الامور متسهله وتهون عليج

موفقه ياقلبي،

بيرلي