دردشة بنات

[سماااح]

بنات شو رايكن نسولف وندردش وناخذ اخبار بعض ونسال عن اخبار بعض
نكتب يومياتنا شو سوينا وين رحنا وجييي
احس كشخه صحححح
والله تعبنا من الهم والضيق ماضاقت اﻻ لتفرج وربكم كريييييييم
انا احين فيني نوم وبنام ولنا لقاء باجر ان شاء الله
تصبحون ع خير

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[شمالية وافتخر]

ههههههه الله يعينج شكلج متحمسة وايد

[حرم بن جرش]

رايي من رايج خصوصا عاده انا اداوم السبت ولايعه جبدي خخخخخخخخ
امين يختي عسى ربج يفرجها عالجميع
رحنا ويينا للدوام هذا حالي خخخخخخخخخخخ
شماليه وافتخر خليها تتحمس اختي شو ماخذين من الدنيا

[سماااح]

هيه والله شو ماخذين الدنيا بتحمس خخخخخخ
صباحكم فل وياسمين
انا عن نفسي ماداوم في البيت يالسه
وماطلع وايد اﻻ ناااادر جدا
توني ناشه قلت بصبح عليكم خواتي فديتكم الله يسعدكم يارب

[نواري الشامسي]

استغفرالله واتوب اليه

[نواري الشامسي]

باجر تبدا الدوامات
دعواتكم بتكون اسبوعين فللل من المتيرمات

[future dreams]

هلا والله
انا بعد بشارك اذا شفت تفاعل ..
ابا اسولف وارمس من زماااان ما سولفت وهذربت .....
انا الله يسلمكم اليوم سرت ويا اخويه وحرمته معرض العروس قلنا بنلف شوي وبناخذ فكره
تبا تاخذ لبس للعيد وجي وانا طبعا بالمره خذت كرووت محلات عبي وفساتين ...وشربنا عصير وردينا البيت ...
وباجر دوووام والله يعيييييييييييييييييييين ...
كنت ماخذه اجازه واللحين اكيد الشغل متكدس ...
ما حس اني استفدت من الاجازه بالعكس طلعاتي كلها يا صاالون يا عرس يا زيارة عائليه ...
كان خاطري اسافر بس شو اسوي بأهلي مب من النوع الي يساااافر او يطلع ويحوووط ...
الحمدلله ع كل حااال ...

[سماااح]

هلا حبايبي
انا يومي كان شاق ولله الحمد يعني غيرت جووو وكسرت الروتين نوعا ما
وعقب رحت السوق ويا خواتي واﻻجازة انتهت وكل وحدة راحت بيتها
وبسسسسس

[مس UAE]

مسا الخير ..
انا اليوم رديت للدوام ...
وشكلي بمرض احس بتعب وصخوووونه في جسمي مب طبيعيه ...
كان يوم عاادي وسمعت مفاجأه حلوه وحده من زميلاتي انخطبت الله يتمم لها ع خير ويفرح قلبها ...
وطبعا الكل بدا يدعي لي "عقبالج " كالعادة وانا الحمدلله ع كل حال عايشه بخير وسلامه والحياه تستمر ...

تعرفين سماح انا ما احب اسير السوق وااايد لانه ما امسك عمري اصرف مع انه صرفي مب لي مثلا لو رحنا مطعم ادفع انا لو سرنا كوفي انا ادفع هذا الوالد جي عشان جي انا ما امسك ايدي ....واسوي عمري غنيه خخخخخخخ ما ادري ليش كرم حاتم الطائي ...
وملاحظه اني حتى ما افصل عبي مره شليت اختي عشان ذوقها حلو في العبي ...اخر شي ما افصل !!
اللحين خاطري افصل لي شي عملي وبنفس الوقت ع الموضه ويكون حشمه وراقي بس ما اعرف احس الخيايط تقليد في تقليد ...
حد مثلي افصل عبي فيهن شغل وما البسهن اتم في الكبت فتره عل وعسى تستوي مناسبه بس مووول ما البس لين تجدم موضتهم حزتها اتصدق بهن !!
احس وايد اشياء فيني لازم تتغير ...

[ام مارية1]

أسعد الله مسائكم حبوباات تجمع حلو الله يوفقكن متابعينكم
مشكورة صاحبة الفكرة

[سماااح]

هلا حبايبي اشحالكن
انا يومي كان عااادي جدا يعني ماشي حركة مني مناك يالسه في البيت انا من النوع اللي ماطلع وايد وﻻ احب اطلع وﻻ عندي ربيعات مووول
خاطري يكون عندي ربيعات اطلع وياهن استانس اغير جو
الحمدلله ع كل حال

[بنت بوظبـي]

هلا بنات اشحالكن
انا حالتي من حالت سماح ما اطلع الا قليل , بس الحمدللة بكمل دراسة و بشغل وقتي واكثر طلعاتي ويا اختي فديتها

[ماسه حساسه]

فكرة حلوة بس ياريت ينتقل للقسم الاسري او قسم البنات لان شكله في القسم هذا كئيب
اختي يلسة البيت ابرك كل ما اسمع هالسوالف الي تصير الحين من جرايم وحوادث واشياء اعوذ بالله
والحلو ان كل وحدة عندها شي تسويه والربيعات تراهم مب كل شي حتى التواصل لازم يكون بحدود

[قلوب حلا]

اليوم بروح ان شاء الله بخلص موضوع خلاصة القيد الله يسهل الامور

[قلوب حلا]

الله وناسه بنشارك وياكم عيل ههههههههه انا مفكره اخلص موضوع الليسن اللي صار لي خمس سنين مبركنه فيه
شو ذنبي اخاف خخخ يالله شجعوني
وقلت بدور لي وظيفه ولا هوايه تشجعني
(( بنات ترى ربيعتي تكتب بنفس النك )) مب تقومون تهلووسون يوم تشوفون مواضيع هني ومواضيع هناك ههههههههههه وسلامتكم