الصراصير دمرت حياتنا

[خرعوبه]

مرحبا بنات منتدانا الغالي
الموضوع مبين من عنوانه الصراااااااصير دمرتنا ودمرت عيشتنا انتشرت بشكل سريع فالمطبخ والحين بدات تدخل البيت والله يا بنات صراصير قد السماسيم واكبر والله العظيم منظرها يخلي شعر راسج يوقف ما خلينا شركه ولا ديتول ولا منظفات الا سوينا عادي اطبخ الطبخه وارميها فالزباله لان طاح عليها صرصور او الاقي شي فالطبخه كرهت عيشتي صرت اكرهه حد يدخل مطبخنا
دخيييلكم حد يعرف حل مجرب واكيد يقضي عليها نهايي والله اني ادعي ربي فاخر الليل انه يعدمها من بيتنا
انتظركم ردوا الله يخليكم

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قلوب حلا]

اكيد اكيد شي بيت لهم تحت الســراميك ولا في احد الفتحات

مادري يمكن سحر بعد !!!!

غيرووو المطبخ بكبره وفتحو تحت السراميك لان الصراصير تسوي امراض الله يعافينا ويعافيكم
وغير هالشي فضيحه تخلي حد دش مطبخكم واصلا نفسيتكم كيف تطبخون الله يعينكم

ماشي حل غير انكم تفجون السراميك كله من تتحت وتشوفون وين الخلل
واهم شي لاتخلون الكبتات مال المطبخ خشب لان الخشب ييمع الصراصير بشكل فضيع
ولاتحطون جرايد تحت الرفوف الجرايد اتيمع صراصير

انا كبــــــت بيتي المنيوم ومرتاحه الحمدلله لاصراصير ولا شياته
بس نصيحه تلاحقو ترى مب زين لوعه وامراض واسموحه

[زهور الخزامى]

عليكي بالجل السحري للصراصير موجود بالجمعية رائع أنا عانيت منهم جد بس بالجل راحو إلى غير رجعة الحمد لله

[::ButterFly::]

الله يفرج همكم

اذا المطبخ جديم حاولو اتغيرونه كامل واتحطون الكبتات ألمنيوم واتغيرون السيراميك وتيبون شركه ترش الماده قبل ماتركبون اليديد

وان شاءالله اتحصلون حل يناسبكم أكثر

[خرعوبه]

الله يجزاكم خير عالردود والاكبات عندنا المنيوم وما نحط جرايد حاطين السفر البلاستيك ومن ناحية السحر انا اشك انها عين فالبيت لان والله كان جن ما كنهم
صراصير يمشون عدال الدوا اللي نحطه ولا يصيبهم شي
يا ربي ارحمنا منهم

[كلي عنجهيه]

الله يعينكم

[om mariam 201]

هلا خيتي .. ابعدي عنكي افكار السحر وهالأمور انا اعاني مثلك واكثر صراصير حجمهم كبير يعني اكون جالسة القيه طلع علي رجلي تخيلي !! الحمدلله
الكل يعاني مو علي قدك بس انا عندي طريقة بسيطة كنت اسويها بالمطبخ دائما امسحي السطح والارضية بديتول وبكلوركس .. الصراصير ما تحب ريحة الكلوركس والديتول .. هيك اسوي ما اشوفهم يوم كامل ..
الله يعينا وعليكم ..

[خرعوبه]

هلا اختي ام مرام لو تشوفينها ما تلوميني ابد تحسن انهن مسلطات علينا تخيلي حرارة الاكل لو نحط فيها اكل لازم نسكرها ونغلفها ببلاستيك لانهم يدخلون عيشة تقرف
لا كلوركس ولا ديتول مرتين فاليوم انخقنا من ريحة المطهرات ولا في فايده

[ام مارية1]

اختي انا قريت قبل عن مادة خاصة بالأغنام يحطونها في المجاري تقضي عليها ويمدحونها كثير جربيه اختي يمكن تنفعك اسمها
الجره حق الاغنام (الاصليه مو التقليد )هذه سحر على الحشرات سنه ماتشوفونها خذوها م صيدليه البيطريه..
هدا اسمهاا وفي بعد خلطة اسمها حمض البوريك تنباع بالصيدلية وضيفيلها سكر ونيدو اطفال وماء وتحصلين على عجينة تحطينها في اماكن تواجدهم وان شاء الله تجيب نتيجة
بالتوفيق اختي انصحك برقية البيت كله ورشه بماء مرقي

[De$eRt Ro$e]

اختي مرة سكنت ببيت بالمصفح قهرتني الصراصير فيه
عملت عجينة حكتلي عنها وحدة سورية الله يجزيها الخير عبارة عن حمض البوريك مع حليب بودرة وطحين ملعقه كبيرة من كل واحد اعجنيهم بشوية مي لحد مايصير قوامها زي الكريمه او عجينة رخوه شوي وبالزوايا حطي وبالاماكن اللي بتحسي الصراصير كثير بتطلع منها رح تمر فترة تحسيهم زاااادوا بدل لا يقل عددهم لكن باذن الله خلال اسبوعين بيختفوا من البيت انا وقتها هيك صار معي
وجبت كمان الجل السحري من الجمعيه واكيد ساعد انهم يختفوا تمااااما

حمض البوريك من الصيدليات بتحصليه
والله يعينك على هالهم
لانهم فعلا هم واذى كبير بالبيت

[خرعوبه]

الله يجزاكن خير والله لادعيلكن فاخر الليل سوا نفعتي الحلول او لاا

[اسيرت شوق]

شو في حبيبتي بعطيج حل ان شاء الله يفيدج
طلعي كل اغراض المطبخ وفضي الادراج وخلي الشغاله تنظف الممطبخ من اساسه بالديتول وتمسح عدل الادراج عقب ردي الاغراض بطريقة مرتبه
يمكن تفتكي من الصراصير شوي

[حلو مالح]

الله ايعينك

[بنت خورفكان 3]

انا بقولج قبل في بيت اهلي لما نشوف صراصير فيه عمال اييون ويرشون البواليع الكبيره تعرفين هذه المربعه اللي مغطايه بحديد واختفوا
اطلبي شركة لرش البواليع والبيت واطلعوا من البيت لمدة خمس ساعات وارجعوا وفتحوا النوافذ ودخنوا البيت وان شالله ما بتحصليهم

[De$eRt Ro$e]

لقتل الصراصير وطردها، طُرق متعددة :" ورق الغار طارد جيد للصراصير، فإذا استخدم لإغلاق الشقوق التي تختبئ فيها ستهرب ولن تعود مرة أخرى، وهناك طريقة مُركبة أيضا وآمنة جدا تعتمد على حمض البوريك وسكر ودقيق ولبن بودرة، بنسب متساوية تُشكل منها كُرات صغيرة وتوضع في الشقوق التي تختبئ فيها الصراصير أيضا".