كذبه أسمها ملجأ القطط السائبه في رأس الخيمه!!!!!!!!!!!!!!!!!!!!!!!

[وهج1]

السلام عليكم خواتي العزيزات...

طبعا أنا كتبت في هذا القسم لأني ما عرفت القسم المناسب اللي اكتبه فيه الموضوع فرجاء من المشرفات نقل الموضوع للقسم المناسب وعدم حذفه رجاء ليستفيد منه الناس و ياخذون حذرهم لأنه في الموضوع ارواح نحن محاسبين عنها.. المهم بدخل في الموضوع والله على ما أقول شهيد

اليوم الصبح اتصلت على ملجأ الحيوانات السائبه اللي في راس الخيمه في منطقة الفليه اللي تابع لوزارة الأشعال كما يزعم ولكن الحقيقه هو مكان لقتل أرواح بريئه لا حول لها ولا قوه (( حسبي الله و نعم الوكيل))
فعلا وصلوا عندي البيت على الساعه 9 و خذوا 3 قطط و من بينهم قطوه حامل يعني مجرد أيام و بتولد و بعد حرص شديد مني و بعد طول أستفسار عن الرعايه الموجوده في الملجأ من تطعيم و رعايه وإعادة تأهيل و حتى ما اتظل الحيوانات في الشارع زعموا بأنهم يعتنون فيهم سلمتهم القطط للعلم القطط رابين عندي من صغرهم و دايما أخذلهم الدراي فود و صحتهم فوق الممتازه بس ما فيه عندي وقت اعتني فيهم

المهم أتصلت فيهم العصر سألتهم عن القطط!!!!!!!!!!!!!!!! و اهنيه كانت الصدمه قالوا قتلناهم كلهم طيب ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لأنهم مرضى !!!!!!!!!!!!!!!!!!!!!!!! أي مرض لا يعالج في أي قانون او ديانه نقتل أرواح أراد لها الله الحياه بأي حق بأي حق (( حسبي الله و نعم الوكيل)) هذه هي الرعايه!!!!!! وهذي هو الأهتمام و العلاج وإعادة التأهيل
القتل المتعمد
قفلت التيلفون و اتصلت على البيطري اللي متعوده اتعامل و ياه و قال هذا المكان هذي شغلتهم تجميع الحيوانات من كلاب و قطط من الشوارع و المنازل و إعدامها بدون أي ذنب وقال لي مافيه أي مرض أو فيروس أيخليهم يقتلونهم (( فوضت أمري لله)) و حسبي الله ونعم الوكيل .. الله يمهل ولا يهمل...

حبايبي مكان فيهم شي يلعبون و ياكلون و صحتهم ممتازه بس الله كاتب هذي النهايه حاولت أقولهم أرجوكم لو بعد ما قتلتوهم انا بأخذهم قالوا خلاص قتلناهم في نفس الوقت.... حسبي الله ونعم الوكيل
انا صدقت المكتوب عنهم و المزعوم عنهم وانه أول ملجأ من نوعه في الإماره للأسف الشديد وين منظمة حقوق الحيوان

أنا من سمعت انهم قتلوهم و حالتي ما يعلم فيها غير رب العالمين
الغاليات حذروا كل اللي اتعرفونهم نحن مسؤلين امام الله هذي حيوانات بريئه خلقها الله علشان اتعيش مب تقتل

لأزم ما انصدق الدعايات ما فيه مكان لرعايه الحيوانات اللي أيحب حيواناته ايربيهم بنفسه و لا أيسلمهم لناس ما اتخاف الله

هذي تجربتي الشخصيه والله على ما أقول شهيد
اللهم هل بلغت اللهم فأشهد

السموحه على الإطاله الغاليات بس من حر ما فيني والله أنا اكتب الموضوع و دموعي ما أتوقف خصوصا اني من محبين الحيوانات لانها إذا احبت أحبت بصدق و بدون أي مصالح ولا نجازيها بالقتل بل بالحب و الرعايه لو أقدر أرجع الوقت جان ما صار اللي صار بس ياليت ما اتفيد بس رب العالمين منتقم جبار يارب اشوف فيهم عجائب قدرتك و حسبي انت ونعم الوكيل حسبي الله و نعم الوكيل ساعدوني في إنقاذ باقي الحيوانات ساعدوا أرواح بريئه بنشر و تحذير اللي اتعرفونهم و ما إيضيع عمل خير عند رب العالمين

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Um zoz]

حبيبتي معروف انه الملجأ فكل امارة انها انها تخلي الحيوان عندها كم يوم اذا محد سال عنهم ذبحوهم
انا ضد طبعا انه يقتلون روح من غير سبب يعني لو انه يدربونهم ويطعمونهم ويعرضونهم للتبني للناس مب احس
بدال ما محلات الحيوانات تبيع قطاو باسعار خيلايه

[just sweet]

حبيبتي معروف انه الملجأ فكل امارة انها انها تخلي الحيوان عندها كم يوم اذا محد سال عنهم ذبحوهم
انا ضد طبعا انه يقتلون روح من غير سبب يعني لو انه يدربونهم ويطعمونهم ويعرضونهم للتبني للناس مب احس
بدال ما محلات الحيوانات تبيع قطاو باسعار خيلايه

والله حرام

[وهج1]

حسبي الله و نعم الوكيل يا أختي ياليت خلوهم كم يوم في نفس اللحظه قتلوهم....لا إله الا الله

[وهج1]

حسبي الله و النعم الوكيل ... حسبي الله ونعم الوكيل
الله يمهل ولا يهمل

[وهج1]

بس ليش المسمى (( ملجأ )) ستار وراء القتل؟؟؟؟؟؟؟؟؟؟؟؟؟؟؟؟؟

[عواااشه]

لا اله الا الله كيف جيه ؟؟؟؟؟؟؟؟!!!!!! نحن بدوله مسلمه والرسول قال دخلت المرءه النار في هره !!!!!! بس لانها حبستها !!


والحيوانات والعطف عليهم سبب وباب لدخول الجنه مثل المرءه الباغيه اللتي كانت تزني ويوم جافت كلب عطشان حنت عليه وسقته ماء وفتحت لها ابواب الجنه

كيف يقتلون روح بدون سبب ؟؟؟؟ انا اجوف الفيران منتشره بدال ليطلقونها عليهم يجتلونها مع انها من الحيوانات اللي محببه والاليفه ومب نجسه هيه تاكل الحشرات بالعكس حسبي الله نعم الوكيل

[دلوعه حمودي]

لاحول ولاقوه الا بالله

[American.Stor]

حسبناااااااااااا الله ونعم الوكييييل فيهممم

[munamoor]

اختي لو صدق ألمسه اتصلي على وزارة الأشغال الي هم تابعين
لها و اشتكي عليها ما فادوج قولي لهم انا عندي دليل ان القطط ما فيها لا
مرض ولا هم يحزنون و اذا ما حطوا عليهم رقابه راح يزهقون أرواح
كائنات حية لا حول لها و لا قوة

ولا ننسى بأن دخلت امرأة النار في هرة ؟!؟! فما بالنا بالذي يذبح الهررة

[munamoor]

للاسف يا ما ازهقوا أرواح أطفال و شيوخ و نساء عزل ومحد تكلم

شو نقول غير الله يفرجها على إخواننا و خواتنا و أبناءهم في جميع الدول

الاسلامية

[قلوب حلا]

لاحول ولاقوة الابالله

[hamoudmam]

عيوني دمعت

شي مأثر الصراحة


أنا أخاف من القطااوو واااااااااااااااايد بس مرة لاحظت بمكان تكون دوم متواجد فيه عدد بسيط منهم فاقترحت على وحدة من العايلة انه نسير نييب اكل مالهم من الجمعية و نحطه نفس المكان , قالت معلومة انه ممنوع نقدم الهم أكل ما أذكر من وين قالت عرفت هالمعلومة هالكلام من تقريبا سنة , و قالت بعد فترة ما بتشوفينهم ترى ياخذونهم تقول بس ما تعرف شو يسوون فيهم , قلت الها بس حرام ما نقدم الهم أكل و لا حتى ماي , قالت يحدرون الناس من الاقتراب منهم و من السماح الهم بدخول البيوت و يقولون يمكن فيهم مرض او شي , قلت لو أحط الهم أكل و أسير عنهم وين المشكلة حتى لو فرضا فيهم مرض , قالت هم بياخذونهم و يسوون الهم الفحوصات اللازمة و يعتنوا بهم بطريقتهم ...

المهم الي أبغي أقوله أنه هاي ثاني مرة أعرف أنهم ياخذون القطااوو من الشوارع و من بيوت الناس حتى لاحظت مؤخرا بالمكان الي كنت اشوف هالقطااوو ما شي قطااوو وتذكرت كلام هذيج الحرمة قلت كلامها صح يمكن شلوهم بس طبعا احسنت الظن و قلت بيهتموا بهم ...

الله يصبرج اختي و لا تمين تصيحين و زعلانة هم بعالم أحسن من هالعالم بوااااااااااااااااايد.. و عسى اهتمامج بهم تأجرين عليه في الدنيا و الآخرة ..

القطوة مقدسة في دينا و الفأر يعتبر نجس و مأجورين على قتل الفار عسب جي لو تلاحظين المسلسل الكرتوني توم اند جيري يقدسون فيه الفار و يصورونه هو النظيف و الذكي و يصورون القطو غبي و وسخ ...و لا ميكي ماوس يصورون فيه الفيران غير عن الواقع الي يصوره الاسلام كلها اشياء مقصودة ..و الكلام بخصوصها يطول شرحه.

أنا أقول ليش ما يخبرون عن أماكن هالملاجئ و يعلنون الي يبا يتبرع الهم بالأكل و بفلوس للعلاج و التطعيمات اللازمة و من هالفلوس يدفعون بعد رواتب الدكاترة البيطريين و المشرفين على هالملاجأ و أنا متأكدة أنه وااايدين بيتبرعون دام القطوة شي مقدس في دينا دين الاسلام ..

[ورقة ناعمة]

لاحول ولاقوة الا بالله

[السعمرانه]

والله حرام عليهم كسروا خاطري القطاوه
نحن عندنا قطاوه في الحوش امطفرينا ياكلون عصافيري بس ما فكرت اقتلهم كنت افكر اتصل البلديه يشلونهن
احسن شي اشلهن و اوديهن مكان يقدرون يعيشون فيه
مشكوره الغاليه ع التنبيه