تتوقعون حامل؟

[Mownii]

السلام عليكم
ساعدوني أبا أعرف لو أمي حامل ..
قالتلي انه الدوره عندها متأخره اسبوع ..
و كم مرة كانت تقولي هالشي خلال الأسبوع اللي فات
و اليوم بعد قالتلي و قالت عقب "اتخيلي أكون حامل "
و كل شوي تقول شوفي كرشتي و هي تضحك
أنا أتمنى انها تكون حامل و الله يرزقني بأخت لاني البنت الوحيده ..
بس يوم قالتلي انصدمت و حسيت انها يالسه تجس نبضي
ساعات أقول حامل .. لكن أذكر دايما يقولولها ربيعاتها و الأهل ليش ما تحملين
تقولهم انه ماتبا عيال بعد يكفونها اللي عندها و الحمدالله .. و هالكلام استوى خلال 5 سنوات
يكون غيرت رايها مع انها من النوع اللي تحتاجين وقت طويل لين تقنعينها بشي واللي فراسها تسويه؟
و هاليومين كل ما اتقرب منها تقول بطني يعورني و بالذات اليوم ..
تعبانه قومي عني .. و حتى يوم ألوي عليها تقول حبيبتي قومي بطني يعورني
مع أنها ما تتشكى يوم تتألم مووول إلا يوم الألم واصل حده .. بس وايد تكتم
للعلم أنا فالثانوية .. و هي عمرها 47 تقريبا .. و آخر حمل لها كان من 10 سنين تقريبا


بليييز جاوبوني .. ممكن تكون حامل ولا؟

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم حمامه]

يمكن تأخير الدوره بسبب انقطاع الدورة في هذا السن تنقطع الدوره
والاحسن لها تروح عند الدكتوره ساعات يكون الألم تكيس أو تليف بعيد الشر فالاحسن تروح العياده بيصورونها.
وانشالله خير ربي يرزقكم بالخير

[Mownii]

أشكرج اختي أم حمامه ماتقصرين ..
انشالله

[Mamnoo3]

يمكن حامل ليش لا ,, خل اتسير تفحصص عشان تتاكد اذا كان مب حمل شو السبب في الم البطن وانقطاع الدوره

إن شاء الله مافيها الا كل خير يارب

[شهد123]

لا مب شرط في هالسن تنقطع عنهاا الدوره انا امي اكبر بس الدوره تيهااا بس بعد لا تهمل نفسهاا تسير اطالع شوه سبب الالم وربي يشفيهااا

[Mownii]

أشكركم خواتي Mamnoo3 و شهد123
فديتكم والله طمنتوني
آميــن الله يسمع منكـم

[(الجوووري)]

ان شاء الله

[شمه الشطوره]

لا ما ظنتي حمل اعتقد الدوره انقطعت عنها

[Mownii]

اختي شمه الشطوره
حتى مشيتها مش طبيعية باين انها تتألم
فما أدريبها

[reemalqassimi]

يمكن حامل وما تبا تخبرج عشان ما تزعلين او شي ما اعرف تخمين بس

[ام يوسف 19]

احسن شي تسوي فحص عشان تطمن على عمرها اذا حمل تهتم بروحها وتدير بالها واذا ما في حمل انقطاع الدورة يعني لازم تراجع عند دكتوره وتشوف ليش تتألم وتاخد تعويض للهرمونات

ان شاء الله تكون حامل وتجيكي اخت يارب

[ام روضه 11]

ان شاء الله

ان شاء الله حامل

[شمه الشطوره]

طمنينا على ماماتج

[Mownii]

reemalqassimi
ما أتوقع .. أنا انصدمت بس ما زعلت و هي تدري اني ما بزعل
يمكن ماقالت لانها مب متأكدة .. ماعرف والله
عالعموم مشكورة حبيبتي


ام روضه 11 و الجوووري

انشاااااللله


شمه الشطوره

بطنها منتفخ شويه ..
ساعات أقول يمكن عشان المتن ..
بس لا مشيتها مش طبيعية ..
هي ماسارت المستشفى تتأكد و أستحي أسألها لكن أتوقع انه جي
و أنا دوم يوم أطلع ولا شي ما تودرني لكن اليوم استغربت يوم قالتلي سيري انتي و أنا بترياج هني
و كانت تعبانه شوي و وايد تسير الحمام و كله تقول قومو عني راسي يعورني أحس بزوع
و لو انقطاع الدورة ما اعتقد نفس الأعراض صح ولا؟

[ام راشد وشمه]

ان شاء الله